ਦੇਸ਼ ਦੇ ਇਸ ਦਿੱਗਜ ਬੈਂਕ ਨੇ ਕੀਤਾ FD ਦਰਾਂ 'ਚ ਬਦਲਾਅ, ਜਾਣੋ ਨਵੀਆਂ ਦਰਾਂ ਬਾਰੇ

ਨਵੀਂ ਦਿੱਲੀ - ICICI ਬੈਂਕ ਨੇ ਆਪਣੀ ਫਿਕਸਡ ਡਿਪਾਜ਼ਿਟ ਦਰਾਂ ਵਿੱਚ ਬਦਲਾਅ ਕੀਤਾ ਹੈ। ਬੈਂਕ ਦੁਆਰਾ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਨਵੀਂਆਂ FD ਦਰਾਂ 17 ਫਰਵਰੀ 2024 ਤੋਂ ਲਾਗੂ ਹੋਣਗੀਆਂ। ਇਹ ਬਦਲਾਅ ਆਮ ਲੋਕਾਂ ਅਤੇ ਸੀਨੀਅਰ ਨਾਗਰਿਕਾਂ ਦੋਵਾਂ 'ਤੇ ਲਾਗੂ ਹੋਣਗੇ। ਇਹ ਸੋਧੀਆਂ ਦਰਾਂ 2 ਕਰੋੜ ਰੁਪਏ ਤੋਂ ਘੱਟ ਦੀ FD 'ਤੇ ਲਾਗੂ ਹੋਣਗੀਆਂ। FD 'ਤੇ ਵਿਆਜ ਦਰਾਂ ਵਧਣ ਨਾਲ ਲੋਕਾਂ ਨੂੰ ਫਾਇਦਾ ਹੋਵੇਗਾ। ਨਵੀਂ FD ਦਰਾਂ ਬਾਰੇ ਬੈਂਕ ਨੇ ਆਪਣੀ ਵੈੱਬਸਾਈਟ 'ਤੇ ਜਾਣਕਾਰੀ ਦਿੱਤੀ ਹੈ।

ਇਹ ਵੀ ਪੜ੍ਹੋ :    ਮੌਸਮ ਫਿਰ ਬਦਲੇਗਾ ਕਰਵਟ, IMD ਨੇ ਇਨ੍ਹਾਂ ਸੂਬਿਆਂ ਲਈ ਜਾਰੀ ਕੀਤਾ ਭਾਰੀ ਮੀਂਹ ਦਾ ਅਲਰਟ

ਹੁਣ ਤੁਹਾਨੂੰ ਮਿਲੇਗਾ ਇੰਨਾ ਵਿਆਜ 

ਸੀਨੀਅਰ ਨਾਗਰਿਕਾਂ ਲਈ ਸਭ ਤੋਂ ਵੱਧ ਦਰ 7.75% ਹੈ। ICICI ਬੈਂਕ ਦੀ ਵੈੱਬਸਾਈਟ ਮੁਤਾਬਕ, ਘਰੇਲੂ FD ਖੋਲ੍ਹਣ ਲਈ ਘੱਟੋ-ਘੱਟ 10,000 ਰੁਪਏ ਦੀ ਲੋੜ ਹੁੰਦੀ ਹੈ। ਬੈਂਕ ਵੱਖ-ਵੱਖ ਪਰਿਪੱਕਤਾ ਅਵਧੀ ਲਈ 3 ਪ੍ਰਤੀਸ਼ਤ ਤੋਂ 7.75 ਪ੍ਰਤੀਸ਼ਤ ਤੱਕ ਦੀਆਂ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰਦਾ ਹੈ। ਸੀਨੀਅਰ ਨਾਗਰਿਕਾਂ ਨੂੰ ਸਾਰੇ FD ਕਾਰਜਕਾਲਾਂ 'ਤੇ ਵਾਧੂ 0.5% ਵਿਆਜ ਦਰ ਦਾ ਲਾਭ ਮਿਲਦਾ ਹੈ। ਇਸ ਤੋਂ ਇਲਾਵਾ, ਬੈਂਕ ਸੀਨੀਅਰ ਨਾਗਰਿਕਾਂ ਨੂੰ ਪੇਸ਼ ਕੀਤੀ ਜਾਂਦੀ 0.5% ਵਾਧੂ ਵਿਆਜ ਦਰ ਤੋਂ ਇਲਾਵਾ, ਚੋਣਵੇਂ FD ਕਾਰਜਕਾਲਾਂ 'ਤੇ 5 bps ਜਾਂ 10 bps ਵਾਧੂ ਵਿਆਜ ਦਰ ਦੀ ਪੇਸ਼ਕਸ਼ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ :    ਇਕ ਅੰਦੋਲਨ ਤੇ 3 ਮੀਟਿੰਗਾਂ , 4 ਸਰਕਾਰਾਂ ਚੋਂ ਦੋ ਹੱਕ ਵਿਚ ਤੇ ਦੋ ਵਿਰੋਧ ਵਿਚ, ਬਣਿਆ ਰਾਜਨੀਤਕ ਮੁੱਦਾ

ਬੈਂਕ ਨੇ ਦਿੱਤੀ ਜਾਣਕਾਰੀ

ਬੈਂਕ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ 17 ਫਰਵਰੀ ਤੋਂ ਨਿਵੇਸ਼ਕਾਂ ਨੂੰ 7 ਦਿਨਾਂ ਤੋਂ 14 ਦਿਨਾਂ ਦੀ ਐੱਫ.ਡੀ 'ਤੇ 3 ਫੀਸਦੀ ਵਿਆਜ ਮਿਲੇਗਾ। ਜਦਕਿ 15 ਦਿਨਾਂ ਤੋਂ 29 ਦਿਨਾਂ ਦੀ FD ਲਈ ਨਿਵੇਸ਼ਕਾਂ ਨੂੰ 3 ਫੀਸਦੀ ਵਿਆਜ ਮਿਲੇਗਾ। 30 ਦਿਨਾਂ ਤੋਂ 45 ਦਿਨਾਂ ਦੀ ਮਿਆਦ ਲਈ, ਐੱਫ.ਡੀ. 'ਤੇ 3.5 ਫੀਸਦੀ ਵਿਆਜ ਦਿੱਤਾ ਜਾਵੇਗਾ, 46 ਦਿਨਾਂ ਤੋਂ 60 ਦਿਨਾਂ ਦੀ ਮਿਆਦ ਲਈ, ਐੱਫ.ਡੀ. 'ਤੇ 4.25 ਫੀਸਦੀ ਵਿਆਜ ਦਿੱਤਾ ਜਾਵੇਗਾ, 61 ਦਿਨਾਂ ਤੋਂ 90 ਦਿਨਾਂ ਦੀ ਮਿਆਦ ਲਈ, 4.5 ਫੀਸਦੀ ਵਿਆਜ ਦਿੱਤਾ ਜਾਵੇਗਾ। ਜਦੋਂ ਕਿ ਨਿਵੇਸ਼ਕਾਂ ਨੂੰ 91 ਦਿਨਾਂ ਤੋਂ 184 ਦਿਨਾਂ ਦੀ ਐੱਫ.ਡੀ 'ਤੇ 4.75 ਫੀਸਦੀ, 185 ਦਿਨਾਂ ਤੋਂ 270 ਦਿਨਾਂ ਦੀ ਐੱਫ.ਡੀ 'ਤੇ 5.75 ਫੀਸਦੀ, 271 ਦਿਨਾਂ ਤੋਂ ਇਕ ਸਾਲ ਤੋਂ ਘੱਟ ਦੀ ਐੱਫ.ਡੀ 'ਤੇ 6 ਫੀਸਦੀ, ਇਕ ਸਾਲ ਤੋਂ 15 ਮਹੀਨਿਆਂ ਦੀ ਐੱਫ.ਡੀ 'ਤੇ 6.7 ਫੀਸਦੀ ਵਿਆਜ ਮਿਲੇਗਾ। 7.2 ਫੀਸਦੀ ਦਾ ਵਿਆਜ 15 ਮਹੀਨਿਆਂ ਤੋਂ 2 ਸਾਲ ਦੀ ਮਿਆਦ ਲਈ ਮਿਲੇਗਾ। ਇਹ ਦਰ ਆਮ ਜਮ੍ਹਾਂਕਰਤਾਵਾਂ ਲਈ ਉਪਲਬਧ ਸਭ ਤੋਂ ਉੱਚੀ ਦਰ ਹੈ। 2 ਸਾਲ ਤੋਂ ਵੱਧ ਅਤੇ 5 ਸਾਲ ਤੋਂ ਘੱਟ ਲਈ 7 ਫੀਸਦੀ, 5 ਸਾਲ ਦੀ ਟੈਕਸ ਸੇਵਿੰਗ ਐਫਡੀ ਲਈ 7 ਫੀਸਦੀ ਅਤੇ 5 ਤੋਂ 10 ਸਾਲ ਲਈ 6.9 ਫੀਸਦੀ ਵਿਆਜ ਦਰ ਦਿੱਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ :     Paytm FASTag 15 ਮਾਰਚ ਤੋਂ ਹੋਣਗੇ ਬੰਦ, ਯੂਜ਼ਰਜ਼ ਨੁਕਸਾਨ ਤੋਂ ਬਚਣ ਲਈ ਕਰਨ ਇਹ ਕੰਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8