Mahindra XUV 500 ਦਾ ਫੇਸਲਿਫਟ ਮਾਡਲ ਲਾਂਚ ਤੋਂ ਪਹਿਲੇ ਹੋਇਆ ਸਪਾਟ
Tuesday, Jan 02, 2018 - 01:50 AM (IST)
ਜਲੰਧਰ—ਵਾਹਨ ਨਿਰਮਾਤਾ ਕੰਪਨੀ ਮਹਿੰਦਰਾ ਦੀ ਨਵੀਂ ਐਕਸ.ਯੂ.ਵੀ. 500 ਦਾ ਫੇਸਲਿਫਟ ਮਾਡਲ ਲਾਂਚ ਤੋਂ ਪਹਿਲਾਂ ਟੈਸਟਿੰਗ ਦੌਰਾਨ ਸਪਾਟ ਹੋ ਗਿਆ ਹੈ। ਮਿਲੀ ਤਸਵੀਰ 'ਚ Mahindra XUV 500 ਫੇਸਲਿਫਟ ਮਾਡਲ 'ਚ ਨਵੇਂ ਡਬਲ ਬੈਰਲ ਪ੍ਰੋਜੈਕਟ ਹੈੱਡਲੈਂਪਸ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਆਪਣੀ ਇਸ ਨਵੀਂ ਕਾਰ ਨੂੰ 2018 ਆਟੋ ਐਕਸਪੋ 'ਚ ਲਾਂਚ ਕਰ ਸਕਦੀ ਹੈ।
ਇੰਜਣ
ਮਹਿੰਦਰਾ ਐਕਸ.ਯੂ.ਵੀ. 500 ਫੇਸਲਿਫਟ 'ਚ ਅਪਡੇਟੇਡ 2.2 ਲੀਟਰ mhawk ਡੀਜ਼ਲ ਇੰਜਣ ਦਿੱਤਾ ਜਾਵੇਗਾ ਜੋ ਕਿ 170 ਬੀ.ਐੱਚ.ਪੀ. ਦੀ ਪਾਵਰ ਅਤੇ 400 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰੇਗਾ। ਇਸ ਦੇ ਨਾਲ ਹੀ ਟ੍ਰਾਂਸਮਿਸ਼ਨ ਆਪਸ਼ਨਸ ਦੇ ਤੌਰ 'ਤੇ ਇਸ 'ਚ 6 ਸਪੀਡ ਮੈਨੀਉਅਲ ਅਤੇ 6 ਸਪੀਡ ਆਟੋਮੈਟਿਕ ਗਿਅਰਬਾਕਸ ਆਪਸ਼ਨੰਸ ਦਿੱਤੇ ਜਾ ਸਕਦੇ ਹਨ।
ਫੀਚਰਸ
ਜੋ ਤਸਵੀਰਾਂ ਸਾਹਮਣੇ ਆਈਆਂ ਹਨ ਉਸ 'ਚ ਮਹਿੰਦਰਾ ਐਕਸ.ਯੂ.ਵੀ.500 ਫੇਸਲਿਫਟ ਮਾਡਲ 'ਚ ਐਸ ਸ਼ੈਪਡ ਐੱਲ.ਈ.ਡੀ. ਡੇਟਾਈਮ ਰਨਿੰਗ ਲਾਈਟਸ ਹੈ। ਇਸ ਨਵੇਂ ਮਾਡਲ 'ਚ ਨਵਾਂ ਗ੍ਰਿਲ ਹੈ ਜੋ ਕਿ ਮਲਟੀਪਲ ਸਲੈਟਸ ਨਾਲ ਲੈਸ ਹੈ। ਐਕਸ.ਯੂ.ਵੀ.500 ਦੇ ਅਪਡੇਟੇਡ ਮਾਡਲ ਦੇ ਰਿਅਰ ਪ੍ਰੋਫਾਈਲ ਨੂੰ ਵੀ ਦੁਬਾਰਾ ਤੋਂ ਡਿਜਾਈਨ ਕੀਤਾ ਜਾ ਸਕਦਾ ਹੈ ਅਤੇ ਇਸ 'ਚ ਅਲਾਏ ਵ੍ਹੀਲਜ਼ ਵੀ ਦਿੱਤੇ ਜਾ ਸਕਦੇ ਹਨ। ਦੱਸਣਯੋਗ ਹੈ ਕਿ ਇਸ ਐਕਸ.ਯੂ.ਵੀ. ਦੀ ਪੂਰੀ ਜਾਣਕਾਰੀ ਇਸ ਦੇ ਲਾਂਚ ਹੋਣ ਤੋਂ ਬਾਅਦ ਹੀ ਸਾਹਮਣੇ ਆਵੇਗੀ।
