ਸਰਕਾਰ ਕੱਲ੍ਹ ਸ਼ੁਰੂ ਕਰੇਗੀ ਨਵੀਂ ਪੈਨਸ਼ਨ ਸਕੀਮ , 10 ਹਜ਼ਾਰ ਰੁਪਏ ਦੇ ਨਿਵੇਸ਼ ''ਤੇ ਮਿਲਣਗੇ 63 ਲੱਖ ਰੁਪਏ

ਨਵੀਂ ਦਿੱਲੀ - ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 18 ਸਤੰਬਰ ਨੂੰ ਦਿੱਲੀ ਵਿੱਚ NPS ਵਾਤਸਲਿਆ ਯੋਜਨਾ ਦੀ ਸ਼ੁਰੂਆਤ ਕਰਨਗੇ। ਇਸ ਯੋਜਨਾ ਦੇ ਤਹਿਤ, ਨਾਬਾਲਗਾਂ ਲਈ ਆਨਲਾਈਨ ਰਜਿਸਟ੍ਰੇਸ਼ਨ ਪਲੇਟਫਾਰਮ ਲਾਂਚ ਕੀਤਾ ਜਾਵੇਗਾ ਅਤੇ ਉਨ੍ਹਾਂ ਨੂੰ ਸਥਾਈ ਰਿਟਾਇਰਮੈਂਟ ਖਾਤਾ ਨੰਬਰ (PRAN) ਦਿੱਤਾ ਜਾਵੇਗਾ। ਇਹ ਸਕੀਮ ਖਾਸ ਤੌਰ 'ਤੇ ਨਾਬਾਲਗਾਂ ਲਈ NPS ਦਾ ਇੱਕ ਸੋਧਿਆ ਸੰਸਕਰਣ ਹੈ।

NPS ਵਾਤਸਲਿਆ ਸਕੀਮ ਕੀ ਹੈ?

ਇਸ ਯੋਜਨਾ ਦੇ ਤਹਿਤ, ਮਾਤਾ-ਪਿਤਾ ਜਾਂ ਸਰਪ੍ਰਸਤ ਆਪਣੇ ਬੱਚਿਆਂ ਲਈ ਇੱਕ NPS ਖਾਤਾ ਖੋਲ੍ਹਣ ਦੇ ਯੋਗ ਹੋਣਗੇ ਅਤੇ ਬੱਚੇ ਦੇ 18 ਸਾਲ ਦੇ ਹੋਣ ਤੱਕ ਨਿਯਮਤ ਯੋਗਦਾਨ ਪਾ ਸਕਣਗੇ। 18 ਸਾਲ ਪੂਰੇ ਹੋਣ ਤੋਂ ਬਾਅਦ, ਇਹ ਖਾਤਾ ਸਵੈਚਲਿਤ ਤੌਰ 'ਤੇ NPS ਵਿੱਚ ਬਦਲ ਜਾਵੇਗਾ, ਜਿਸ ਨਾਲ ਬੱਚੇ ਨੂੰ ਆਪਣੇ ਤੌਰ 'ਤੇ ਨਿਵੇਸ਼ ਕਰਨ ਅਤੇ ਰਿਟਾਇਰਮੈਂਟ ਲਈ ਕਾਫੀ ਰਕਮ ਇਕੱਠੀ ਕਰਨ ਦੀ ਇਜਾਜ਼ਤ ਮਿਲਦੀ ਹੈ।

ਨਿਵੇਸ਼ ਸੀਮਾ:

-ਇਕ ਬੱਚੇ ਲਈ ਸਿਰਫ਼ ਇੱਕ ਖਾਤਾ ਖੋਲ੍ਹਿਆ ਜਾ ਸਕਦਾ ਹੈ।
-ਮਾਪੇ ਘੱਟੋ-ਘੱਟ 500 ਰੁਪਏ ਪ੍ਰਤੀ ਮਹੀਨਾ ਅਤੇ ਵੱਧ ਤੋਂ ਵੱਧ 1.50 ਲੱਖ ਰੁਪਏ ਪ੍ਰਤੀ ਸਾਲ ਜਮ੍ਹਾ ਕਰਵਾ ਸਕਦੇ ਹਨ।

10,000 ਰੁਪਏ ਦੀ SIP ਨਾਲ ਬਣਨਗੇ 63 ਲੱਖ ਰੁਪਏ

ਜੇਕਰ ਤੁਹਾਡਾ ਬੱਚਾ ਸਿਰਫ਼ ਤਿੰਨ ਸਾਲ ਦਾ ਹੈ ਅਤੇ ਤੁਸੀਂ NPS ਵਾਤਸਲਿਆ ਯੋਜਨਾ ਵਿੱਚ ਹਰ ਮਹੀਨੇ 10,000 ਰੁਪਏ ਦੀ SIP ਕਰਦੇ ਹੋ, ਤਾਂ 15 ਸਾਲਾਂ ਦੀ ਮਿਆਦ ਵਿੱਚ ਉਸਦੇ ਨਾਮ 'ਤੇ 63 ਲੱਖ ਰੁਪਏ ਦਾ ਫੰਡ ਇਕੱਠਾ ਕੀਤਾ ਜਾ ਸਕਦਾ ਹੈ। ਜਦੋਂ ਬੱਚਾ 18 ਸਾਲ ਦਾ ਹੋ ਜਾਂਦਾ ਹੈ, ਤਾਂ ਉਸਦਾ NPS ਵਾਤਸਲਿਆ ਖਾਤਾ ਆਸਾਨੀ ਨਾਲ ਇੱਕ ਨਿਯਮਤ NPS ਖਾਤੇ ਵਿੱਚ ਬਦਲ ਜਾਵੇਗਾ। ਇਹ ਸਕੀਮ ਭਵਿੱਖ ਦੀਆਂ ਲੋੜਾਂ ਲਈ ਇੱਕ ਵੱਡਾ ਫੰਡ ਬਣਾਏਗੀ।

ਬਾਲਗ ਹੋਣ 'ਤੇ ਵਿਕਲਪ:

18 ਸਾਲ ਪੂਰੇ ਹੋਣ 'ਤੇ, ਖਾਤੇ ਨੂੰ ਇੱਕ ਆਮ NPS ਖਾਤੇ ਵਿੱਚ ਬਦਲਿਆ ਜਾ ਸਕਦਾ ਹੈ ਅਤੇ 75 ਸਾਲ ਦੀ ਉਮਰ ਤੱਕ ਜਾਰੀ ਰੱਖਿਆ ਜਾ ਸਕਦਾ ਹੈ। ਦੂਜਾ ਵਿਕਲਪ ਖਾਤੇ ਨੂੰ ਗੈਰ-NPS ਵਿੱਚ ਤਬਦੀਲ ਕਰਨਾ ਹੈ, ਜਿਸ ਵਿੱਚ ਇੱਕਮੁਸ਼ਤ ਰਕਮ ਦਾ 20% ਟੈਕਸ-ਮੁਕਤ ਕਢਵਾਇਆ ਜਾ ਸਕਦਾ ਹੈ ਅਤੇ ਰਕਮ ਦਾ 80% ਇੱਕ annuity plan ਵਿੱਚ ਨਿਵੇਸ਼ ਕਰਨਾ ਹੁੰਦਾ ਹੈ, ਜਿਸ ਤੋਂ ਪੈਨਸ਼ਨ ਪ੍ਰਾਪਤ ਕੀਤੀ ਜਾਵੇਗੀ।

ਸਿੱਖਿਆ ਜਾਂ ਵਿਆਹ ਲਈ ਯੋਗਤਾ: ਇਸ ਸਕੀਮ ਵਿੱਚ, ਖਾਤਾ ਖੋਲ੍ਹਣ ਦੇ ਤਿੰਨ ਸਾਲਾਂ ਬਾਅਦ ਸਿਰਫ 25% ਰਕਮ ਟੈਕਸ-ਮੁਕਤ ਕਢਵਾਈ ਜਾ ਸਕਦੀ ਹੈ, ਅਤੇ 20% ਰਕਮ ਪੰਜ ਸਾਲਾਂ ਬਾਅਦ ਟੈਕਸ-ਮੁਕਤ ਕਢਵਾਈ ਜਾ ਸਕਦੀ ਹੈ। ਬਾਕੀ ਬਚੀ ਰਕਮ ਨੂੰ annuity plan ਵਿੱਚ ਨਿਵੇਸ਼ ਕਰਨਾ ਲਾਜ਼ਮੀ ਹੈ। ਉਦਾਹਰਨ ਲਈ, ਜੇਕਰ ਕੋਈ ਗਾਹਕ 10 ਸਾਲਾਂ ਲਈ ਹਰ ਮਹੀਨੇ 10,000 ਰੁਪਏ ਦਾ ਨਿਵੇਸ਼ ਕਰਦਾ ਹੈ, ਤਾਂ ਸਿਰਫ਼ 3 ਲੱਖ ਰੁਪਏ ਦੀ ਅੰਸ਼ਕ ਨਿਕਾਸੀ ਕੀਤੀ ਜਾ ਸਕਦੀ ਹੈ।

ਪ੍ਰੋਗਰਾਮ ਦਾ ਆਯੋਜਨ: ਐਨਪੀਐਸ ਵਾਤਸਲਿਆ ਯੋਜਨਾ ਦਾ ਮੁੱਖ ਪ੍ਰੋਗਰਾਮ ਨਵੀਂ ਦਿੱਲੀ ਵਿੱਚ ਆਯੋਜਿਤ ਕੀਤਾ ਜਾਵੇਗਾ, ਪਰ ਇਸ ਨੂੰ ਦੇਸ਼ ਭਰ ਵਿੱਚ ਲਗਭਗ 75 ਸਥਾਨਾਂ 'ਤੇ ਵਿਸ਼ੇਸ਼ ਪ੍ਰੋਗਰਾਮਾਂ ਦੁਆਰਾ ਲਾਂਚ ਕੀਤਾ ਜਾਵੇਗਾ।