ਮਹਾਰਾਸ਼ਟਰ ’ਚ ਖੰਡ ਦਾ ਉਤਪਾਦਨ 90 ਲੱਖ ਟਨ, ਰਾਸ਼ਟਰੀ ਉਤਪਾਦਨ ਦਾ 35 ਫ਼ੀਸਦੀ

ਮੁੰਬਈ (ਭਾਸ਼ਾ) – ਮਹਾਰਾਸ਼ਟਰ ਦੇ ਚੀਨੀ ਕਮਿਸ਼ਨਰ ਅਨਿਲ ਕਵਾਡੇ ਨੇ ਕਿਹਾ ਕਿ ਸੂਬੇ ’ਚ ਖੰਡ ਦਾ ਉਤਪਾਦਨ ਪਿੜਾਈ ਸੀਜ਼ਨ 2023-24 ’ਚ ਹੁਣ ਤੱਕ 90 ਲੱਖ ਟਨ ਤੱਕ ਪਹੁੰਚ ਗਿਆ ਹੈ। ਇਹ ਪੂਰੇ ਦੇਸ਼ ਦੇ ਉਤਪਾਦਨ ਦਾ ਲਗਭਗ 35 ਫ਼ੀਸਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ’ਚ ਖੰਡ ਦਾ ਉਤਪਾਦਨ ਹੁਣ ਤੱਕ ਲਗਭਗ 264 ਲੱਖ ਟਨ ਹੈ।

ਇਹ ਵੀ ਪੜ੍ਹੋ - ਟਰੇਨਾਂ 'ਚ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਯਾਤਰੀਆਂ ਲਈ ਵੱਡੀ ਖ਼ਬਰ, ਸਸਤੀਆਂ ਹੋਈਆਂ ਟਿਕਟਾਂ

ਕਵਾਡੇ ਨੇ ਕਿਹਾ, ‘ਮਹਾਰਾਸ਼ਟਰ ਦਾ ਖੰਡ ਉਤਪਾਦਨ ਲਗਭਗ 90 ਲੱਖ ਟਨ ਤੱਕ ਪਹੁੰਚ ਗਿਆ ਹੈ, ਜੋ ਰਾਸ਼ਟਰੀ ਉਤਪਾਦਨ ਦਾ ਲਗਭਗ 35 ਫ਼ੀਸਦੀ ਹੈ। ਸੂਬੇ ’ਚ ਖੰਡ ਉਤਪਾਦਕ ਕਾਰਖਾਨੇ ਅਜੇ ਵੀ ਚਾਲੂ ਹਨ ਅਤੇ 5 ਲੱਖ ਟਨ ਹੋਰ ਖੰਡ ਦਾ ਉਤਪਾਦਨ ਹੋਣ ਦੀ ਉਮੀਦ ਹੈ।’ ਉਨ੍ਹਾਂ ਨੇ ਕਿਹਾ ਕਿ ਚਾਲੂ ਪਿੜਾਈ ਸੀਜ਼ਨ ’ਚ ਸੂਬੇ ਦੀਆਂ 204 ਮਿੱਲਾਂ ਨੇ ਖੰਡ ਦਾ ਉਤਪਾਦਨ ਕੀਤਾ। 

ਇਹ ਵੀ ਪੜ੍ਹੋ - 70 ਹਜ਼ਾਰ ਰੁਪਏ ਤੱਕ ਪਹੁੰਚ ਸਕਦੀ ਹੈ 'ਸੋਨੇ ਦੀ ਕੀਮਤ'! ਜਾਣੋ ਕੀ ਹਨ ਕਾਰਣ

ਉਹਨਾਂ ਨੇ ਕਿਹਾ ਕਿ ਹੁਣ ਤੱਕ 15 ਕਾਰਖਾਨਿਆਂ ਨੇ ਉਤਪਾਦਨ ਬੰਦ ਕਰ ਦਿੱਤਾ ਹੈ ਪਰ ਬਾਕੀ ਕਾਰਖਾਨਿਆਂ ’ਚ ਕੰਮ ਮਾਰਚ ਦੇ ਅਖੀਰ ਤੱਕ ਜਾਰੀ ਰਹਿ ਸਕਦਾ ਹੈ। ਕਮਿਸ਼ਨਰ ਨੇ ਕਿਹਾ ਕਿ ਇਸ ਸਾਲ ਸੂਬੇ ’ਚ ਖੰਡ ਦਾ ਉਤਪਾਦਨ ਲਗਭਗ 5-10 ਲੱਖ ਟਨ ਘੱਟ ਹੋ ਸਕਦਾ ਹੈ, ਕਿਉਂਕਿ ਘੱਟ ਮੀਂਹ ਪੈਣ ਨਾਲ ਗੰਨੇ ਦੀ ਫ਼ਸਲ ਪ੍ਰਭਾਵਿਤ ਹੋਈ ਹੈ। ਪਿਛਲੇ ਪਿੜਾਈ ਸੀਜ਼ਨ ਦੌਰਾਨ ਉਤਪਾਦਨ 105 ਲੱਖ ਟਨ ਰਿਹਾ ਸੀ।

ਇਹ ਵੀ ਪੜ੍ਹੋ - LPG ਸਿਲੰਡਰ ਤੋਂ ਲੈ ਕੇ FASTag KYC ਤੱਕ, ਮਾਰਚ ਮਹੀਨੇ ਹੋਣਗੇ ਇਹ ਵੱਡੇ ਬਦਲਾਅ, ਜੇਬ੍ਹ 'ਤੇ ਪਵੇਗਾ ਅਸਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8