ਸ਼ੇਅਰ ਬਾਜ਼ਾਰ : ਸੈਂਸੈਕਸ 1,024 ਅੰਕ ਟੁੱਟਿਆ ਤੇ ਨਿਫਟੀ ਵੀ 303 ਅੰਕ ਡਿੱਗ ਕੇ ਹੋਇਆ ਬੰਦ

ਮੁੰਬਈ — ਬੀ.ਐੱਸ.ਈ. ਦਾ ਸੈਂਸੈਕਸ ਸੋਮਵਾਰ ਨੂੰ 1,024 ਅੰਕਾਂ ਦੀ ਗਿਰਾਵਟ ਨਾਲ 58,000 ਅੰਕ ਤੋਂ ਹੇਠਾਂ ਬੰਦ ਹੋਇਆ। ਗਲੋਬਲ ਬਾਜ਼ਾਰਾਂ 'ਚ ਸਕਾਰਾਤਮਕ ਰੁਖ ਦੇ ਬਾਵਜੂਦ ਬੈਂਕ ਅਤੇ ਵਿੱਤੀ ਸ਼ੇਅਰਾਂ 'ਚ ਭਾਰੀ ਬਿਕਵਾਲੀ ਨੇ ਬਾਜ਼ਾਰ ਨੂੰ ਗਿਰਾਵਟ ਦਿੱਤੀ। ਵਪਾਰੀਆਂ ਅਨੁਸਾਰ ਬਜ਼ਾਰ ਤੋਂ ਵਿਦੇਸ਼ੀ ਨਿਵੇਸ਼ਕਾਂ ਦੇ ਲਗਾਤਾਰ ਬਾਹਰ ਜਾਣ ਦੀਆਂ ਚਿੰਤਾਵਾਂ ਨੇ ਵੀ ਬਾਜ਼ਾਰ ਦੀ ਧਾਰਨਾ 'ਤੇ ਭਾਰ ਪਾਇਆ। ਰਿਜ਼ਰਵ ਬੈਂਕ ਦੀ ਮੁਦਰਾ ਨੀਤੀ ਸਮੀਖਿਆ ਤੋਂ ਪਹਿਲਾਂ ਨਿਵੇਸ਼ਕਾਂ ਦੇ ਸਾਵਧਾਨ ਰਵੱਈਏ ਕਾਰਨ ਬਾਜ਼ਾਰ ਕਮਜ਼ੋਰ ਖੁੱਲ੍ਹਿਆ। ਹਾਲਾਂਕਿ, ਦੁਪਹਿਰ ਦੇ ਵਪਾਰ ਵਿੱਚ ਵਿਕਰੀ ਦਾ ਦਬਾਅ ਵਧਿਆ।

ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 1,023 ਅੰਕ ਭਾਵ 1.75 ਫੀਸਦੀ ਦੀ ਗਿਰਾਵਟ ਨਾਲ 57,621.19 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਵੀ 302.70 ਅੰਕ ਭਾਵ 1.73 ਫੀਸਦੀ ਦੀ ਗਿਰਾਵਟ ਨਾਲ 17,213.60 'ਤੇ ਬੰਦ ਹੋਇਆ। ਸੈਂਸੈਕਸ ਸਟਾਕਾਂ ਵਿੱਚੋਂ HDFC ਬੈਂਕ ਸਭ ਤੋਂ ਵੱਧ 3.5 ਫੀਸਦੀ ਹੇਠਾਂ ਡਿੱਗਿਆ। ਇਸ ਤੋਂ ਇਲਾਵਾ ਬਜਾਜ ਫਾਈਨਾਂਸ, ਐੱਲਐਂਡਟੀ, ਐੱਚ.ਡੀ.ਐੱਫ.ਸੀ., ਬਜਾਜ ਫਿਨਸਰਵ, ਐੱਚ.ਡੀ.ਐੱਫ.ਸੀ. ਅਤੇ ਕੋਟਕ ਬੈਂਕ ਵੀ ਵੱਡੇ ਘਾਟੇ ਵਾਲੇ ਸਨ।

ਦੂਜੇ ਪਾਸੇ ਪਾਵਰ ਗਰਿੱਡ, ਐੱਨ.ਟੀ.ਪੀ.ਸੀ., ਟਾਟਾ ਸਟੀਲ, ਐੱਸ.ਬੀ.ਆਈ. ਅਤੇ ਅਲਟ੍ਰਾਟੈੱਕ ਸੀਮੈਂਟ 'ਚ ਵਾਧਾ ਹੋਇਆ। ਇਨ੍ਹਾਂ 'ਚੋਂ 1.88 ਫੀਸਦੀ ਤੱਕ ਦਾ ਵਾਧਾ ਹੋਇਆ ਹੈ। ਸੈਂਸੈਕਸ ਦੇ ਸ਼ੇਅਰਾਂ 'ਚ 25 ਘਾਟੇ 'ਚ ਸਨ ਜਦਕਿ ਪੰਜ ਲਾਭ 'ਚ ਸਨ। ਹੋਰ ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ ਅਤੇ ਦੱਖਣੀ ਕੋਰੀਆ ਦਾ ਕੋਸਪੀ ਘਾਟੇ 'ਚ ਬੰਦ ਹੋਇਆ, ਜਦੋਂ ਕਿ ਹਾਂਗਕਾਂਗ ਦਾ ਹੈਂਗ ਸੇਂਗ ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਵਾਧੇ ਨਾਲ ਬੰਦ ਹੋਇਆ। ਯੂਰਪ ਦੇ ਪ੍ਰਮੁੱਖ ਬਾਜ਼ਾਰ ਦੁਪਹਿਰ ਦੇ ਵਪਾਰ ਵਿੱਚ ਚੜ੍ਹੇ ਸਨ। ਇਸ ਦੌਰਾਨ, ਅੰਤਰਰਾਸ਼ਟਰੀ ਤੇਲ ਬੈਂਚਮਾਰਕ ਬ੍ਰੈਂਟ ਕਰੂਡ 1.05 ਫੀਸਦੀ ਦੀ ਗਿਰਾਵਟ ਨਾਲ 92.29 ਡਾਲਰ 'ਤੇ ਆ ਗਿਆ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।