12 ਤੋਂ 15 ਮਹੀਨਿਆਂ ''ਚ 80,000 ਤੱਕ ਜਾ ਸਕਦੇ ਹਨ ਚਾਂਦੀ ਦੇ ਭਾਅ

ਨਵੀਂ ਦਿੱਲੀ - ਅਮਰੀਕਾ 'ਚ ਰਿਕਾਰਡ ਮਹਿੰਗਾਈ ਦੇ ਵਿਚਕਾਰ ਸੋਨੇ-ਚਾਂਦੀ ਦੀ ਕੀਮਤ 'ਤੇ ਦਬਾਅ ਦੇਖਣ ਨੂੰ ਮਿਲ ਰਿਹਾ ਹੈ। ਹਫਤੇ ਦੇ ਆਖਰੀ ਦਿਨ MCX 'ਤੇ ਚਾਂਦੀ 246 ਰੁਪਏ ਡਿੱਗ ਕੇ 63020 ਰੁਪਏ 'ਤੇ ਬੰਦ ਹੋਈ। ਬ੍ਰੋਕਰੇਜ ਫਰਮ ਮੋਤੀਲਾਲ ਓਸਵਾਲ ਦਾ ਮੰਨਣਾ ਹੈ ਕਿ ਫਿਲਹਾਲ ਚਾਂਦੀ ਦੀ ਕੀਮਤ 'ਤੇ ਦਬਾਅ ਹੈ ਪਰ ਅਗਲੇ 12-15 ਮਹੀਨਿਆਂ 'ਚ ਇਹ 80 ਹਜ਼ਾਰ ਦੇ ਪੱਧਰ ਨੂੰ ਛੂਹ ਸਕਦੀ ਹੈ।

ਮੌਜੂਦਾ ਪੱਧਰ ਤੋਂ ਇਸ 'ਚ 27 ਫੀਸਦੀ ਦਾ ਵਾਧਾ ਦੇਖਿਆ ਜਾ ਸਕਦਾ ਹੈ। 2020 'ਚ ਕੋਰੋਨਾ ਕਾਰਨ ਸੋਨੇ ਅਤੇ ਚਾਂਦੀ ਨੇ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਹਾਲਾਂਕਿ, ਦੋਵੇਂ ਮਹਿੰਗੀਆਂ ਧਾਤਾਂ ਨੇ 2021 ਵਿੱਚ ਨਕਾਰਾਤਮਕ ਰਿਟਰਨ ਦਿੱਤਾ ਹੈ। ਪਿਛਲੇ ਸਾਲ, MCX 'ਤੇ ਸੋਨੇ ਨੇ 4 ਫੀਸਦੀ ਅਤੇ ਚਾਂਦੀ ਨੇ 8 ਫੀਸਦੀ ਦੀ ਨਕਾਰਾਤਮਕ ਰਿਟਰਨ ਦਿੱਤੀ ਸੀ। ਮਈ ਡਿਲੀਵਰੀ ਲਈ ਚਾਂਦੀ ਇਸ ਹਫਤੇ 63834 ਰੁਪਏ 'ਤੇ ਬੰਦ ਹੋਈ ਹੈ।

MCX 'ਤੇ ਇਸ ਹਫਤੇ ਸੋਨਾ 49102 ਰੁਪਏ ਦੇ ਪੱਧਰ 'ਤੇ ਬੰਦ ਹੋਇਆ। ਅਪ੍ਰੈਲ ਡਿਲੀਵਰੀ ਲਈ ਸੋਨਾ ਇਸ ਹਫਤੇ 147 ਰੁਪਏ ਦੀ ਛਾਲ ਨਾਲ ਬੰਦ ਹੋਇਆ। ਜੂਨ 'ਚ ਡਿਲੀਵਰੀ ਲਈ ਸੋਨਾ 229 ਰੁਪਏ ਚੜ੍ਹ ਕੇ 49275 ਰੁਪਏ 'ਤੇ ਬੰਦ ਹੋਇਆ। ਸਰਾਫਾ ਬਾਜ਼ਾਰ 'ਚ ਇਸ ਹਫਤੇ ਸੋਨੇ ਦੀ ਕੀਮਤ 'ਚ ਮਾਮੂਲੀ ਵਾਧਾ ਦਰਜ ਕੀਤਾ ਗਿਆ, ਜਦਕਿ ਚਾਂਦੀ ਦੀ ਕੀਮਤ 'ਚ 626 ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ। ਸ਼ੁੱਕਰਵਾਰ ਨੂੰ ਸੋਨਾ 22 ਰੁਪਏ ਚੜ੍ਹ ਕੇ 48669 ਰੁਪਏ ਅਤੇ ਚਾਂਦੀ 626 ਰੁਪਏ ਦੀ ਗਿਰਾਵਟ ਨਾਲ 62214 ਰੁਪਏ 'ਤੇ ਬੰਦ ਹੋਈ।

ਇਹ ਵੀ ਪੜ੍ਹੋ : ਡਰੋਨ ਦੇ ਆਯਾਤ 'ਤੇ ਪਾਬੰਦੀ ਲਗਾਉਣ ਨਾਲ ਚੀਨ ਨੂੰ ਵੱਡਾ ਝਟਕਾ, ਜਾਣੋ ਕੀ ਹੈ ਸਰਕਾਰ ਦੀ ਯੋਜਨਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।