12 ਘੰਟਿਆਂ ''ਚ ਕਿਡਨੈਪਿੰਗ ਕੇਸ ਹੱਲ: ਪੁਲਸ ਨੇ ਕਿਡਨੈਪਰਾਂ ਦੇ ਚੁੰਗਲ ''ਚੋਂ ਵਿਅਕਤੀ ਨੂੰ ਕਰਵਾਇਆ ਆਜ਼ਾਦ

ਖਰੜ, (ਅਮਰਦੀਪ)-ਥਾਣਾ ਸਿਟੀ ਖਰੜ ਪੁਲਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਕਰਨ ਸਿੰਘ ਸੰਧੂ ਅਤੇ ਇੰਸਪੈਕਟਰ ਅਮਰਿੰਦਰ ਸਿੰਘ ਸਿੱਧੂ ਮੁੱਖ ਅਫਸਰ ਥਾਣਾ ਸਿਟੀ ਖਰੜ ਨੇ ਦੱਸਿਆ ਕਿ 13. ਫਰਵਰੀ 2026 ਨੂੰ ਦੀਪਕ ਕੁਮਾਰ ਚੰਦੇਲ ਵਾਸੀ ਹਿਮਾਚਲ ਪ੍ਰਦੇਸ਼ (ਹਾਲ ਵਾਸੀ ਵਿਲਾ ਪਲਾਸ਼ੋ ਖਰੜ) ਨੇ ਥਾਣਾ ਹਾਜ਼ਰ ਹੋ ਕੇ ਸ਼ਿਕਾਇਤ ਦਿੱਤੀ ਕਿ ਉਸ ਅਤੇ ਉਸਦੇ ਦੋਸਤ ਰਿਸ਼ਵ ਸ਼ਰਮਾ ਨੇ ਆਪਣੀ ਜਾਣ-ਪਛਾਣ ਵਾਲੀ ਲੜਕੀ ਨੇਹਾ ਲਈ ਖਰੜ ਵਿਖੇ ਸੈਲੂਨ ਖੋਲ੍ਹਣ ਲਈ ਕਰੀਬ 12,50,000 ਰੁਪਏ ਸਾਗਰ ਨਾਮਕ ਵਿਅਕਤੀ ਤੋਂ 9 ਫੀਸਦੀ ਵਿਆਜ ’ਤੇ ਲੈ ਕੇ ਦਿੱਤੇ ਸਨ।

 ਸ਼ਿਕਾਇਤ ਅਨੁਸਾਰ ਸੈਲੂਨ ਸ਼ੁਰੂ ਹੋਣ ਤੋਂ ਬਾਅਦ ਰਕਮ ਵਾਪਸੀ ਵਿੱਚ ਦੇਰੀ ਹੋ ਗਈ। ਗਰੰਟਰ ਹੋਣ ਕਾਰਨ ਦੀਪਕ ਅਤੇ ਰਿਸ਼ਵ ਨੇ ਸਾਗਰ ਨੂੰ 10,50,000 ਰੁਪਏ ਅਦਾ ਕਰ ਦਿੱਤੇ, ਪਰ ਸਾਗਰ ਵੱਲੋਂ ਪੂਰੀ 12,50,000 ਰੁਪਏ ਦੀ ਰਕਮ ’ਤੇ 9 ਫੀਸਦੀ ਵਿਆਜ ਸਮੇਤ ਲਗਾਤਾਰ ਦਬਾਅ ਬਣਾਇਆ ਜਾ ਰਿਹਾ ਸੀ। ਪੁਲਸ ਮੁਤਾਬਕ ਸਾਗਰ ਨੇ ਆਪਣੇ ਸਾਥੀਆਂ ਪ੍ਰਿਸ ਉਰਫ ਅੰਕਿਤ ਡਾਕਾ ਅਤੇ ਪੂਰਵ ਮਲਿਕ ਨਾਲ ਮਿਲ ਕੇ ਦੀਪਕ ਦੀ ਗੈਰਹਾਜ਼ਰੀ ਵਿੱਚ ਰਿਸ਼ਵ ਸ਼ਰਮਾ ਨੂੰ ਕਿਡਨੈਪ ਕਰ ਲਿਆ। ਇਸ ਸਬੰਧੀ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਸੀ। ਤਫਤੀਸ਼ ਦੌਰਾਨ ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਕੇਵਲ 12 ਘੰਟਿਆਂ ਦੇ ਅੰਦਰ ਸਾਗਰ, ਪ੍ਰਿਸ ਉਰਫ ਅੰਕਿਤ ਡਾਕਾ ਅਤੇ ਸਾਬਕਾ ਮਲਿਕ ਨੂੰ ਗ੍ਰਿਫਤਾਰ ਕਰ ਲਿਆ। ਮੁਲਜ਼ਮਾਂ ਦੀ ਕਸਟਡੀ ਵਿੱਚੋਂ ਪੀੜਤ ਰਿਸ਼ਵ ਸ਼ਰਮਾ ਨੂੰ ਸਹੀ-ਸਲਾਮਤ ਬਰਾਮਦ ਕਰ ਕੇ ਇਕ ਗੱਡੀ ਬਲੀਨੋ ਵੀ ਕਬਜ਼ੇ ਵਿੱਚ ਲਈ ਗਈ ਹੈ। ਪੁਲਸ ਨੇ ਦੱਸਿਆ ਕਿ ਗ੍ਰਿਫਤਾਰ ਮੁਲਜ਼ਮਾਂ ਨੂੰ ਕੱਲ  ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ ਅਤੇ ਮਾਮਲੇ ਦੀ ਤਫਤੀਸ਼ ਜਾਰੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e