ਸ਼ੁਰੂ ਹੋਈ 20 ਫ਼ੀਸਦੀ ਇਥੇਨਾਲ ਵਾਲੇ ਪੈਟਰੋਲ ਦੀ ਵਿਕਰੀ, ਈ-20 ਫਿਊਲ ਨਾਲ ਮਿਲੇਗੀ ਵਧੀਆ ਮਾਈਲੇਜ ਤੇ ਪਾਵਰ

ਨਵੀਂ ਦਿੱਲੀ - ਦੇਸ਼ ਦੇ 11 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਚੋਣਵੇਂ ਪੈਟਰੋਲ ਪੰਪਾਂ 'ਤੇ ਸੋਮਵਾਰ ਤੋਂ 20 ਫੀਸਦੀ ਈਥਾਨੌਲ ਬਲੈਂਡਿੰਗ ਪੈਟਰੋਲ (ਈ-20) ਦੀ ਪ੍ਰਚੂਨ ਵਿਕਰੀ ਸ਼ੁਰੂ ਹੋ ਗਈ। ਪਹਿਲੇ ਪੜਾਅ 'ਚ ਇਸ ਪੈਟਰੋਲ ਦੀ ਵਿਕਰੀ 15 ਸ਼ਹਿਰਾਂ 'ਚ ਸ਼ੁਰੂ ਕੀਤੀ ਗਈ ਹੈ। ਅਗਲੇ ਦੋ ਸਾਲਾਂ 'ਚ ਈ-20 ਪੈਟਰੋਲ ਦੀ ਵਿਕਰੀ ਦੇਸ਼ ਭਰ 'ਚ ਸ਼ੁਰੂ ਹੋ ਜਾਵੇਗੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਨੂੰ ਇੰਡੀਆ ਐਨਰਜੀ ਵੀਕ-2023 'ਚ ਦੱਸਿਆ ਕਿ 20 ਫੀਸਦੀ ਈਥਾਨੌਲ ਦੀ ਵਿਕਰੀ ਦੋ ਮਹੀਨਿਆਂ ਬਾਅਦ ਸ਼ੁਰੂ ਕੀਤੀ ਜਾਣੀ ਸੀ, ਪਰ ਇਸ ਨੂੰ ਟੀਚੇ ਤੋਂ ਪਹਿਲਾਂ ਹੀ ਲਾਂਚ ਕਰ ਦਿੱਤਾ ਗਿਆ।

ਇਹ ਵੀ ਪੜ੍ਹੋ : ਯੂਰਪੀ ਦੇਸ਼ਾਂ ਦੀਆਂ ਪਾਬੰਦੀਆਂ ਦੇ ਬਾਵਜੂਦ ਭਾਰਤੀ ਕੰਪਨੀਆਂ ਕਰ ਰਹੀਆਂ ਰੂਸ ਤੋਂ ਤੇਲ ਦੀ ਰਿਕਾਰਡ ਖ਼ਰੀਦਦਾਰੀ

ਉਨ੍ਹਾਂ ਕਿਹਾ ਕਿ 2014 ਵਿੱਚ ਪੈਟਰੋਲ ਵਿੱਚ ਈਥਾਨੋਲ ਦੀ ਮਿਲਾਵਟ 1.5 ਫੀਸਦੀ ਤੋਂ ਵਧਾ ਕੇ 10 ਫੀਸਦੀ ਕਰ ਦਿੱਤੀ ਗਈ ਸੀ। ਪੈਟਰੋਲ ਵਿੱਚ 10% ਈਥਾਨੌਲ ਮਿਲਾ ਕੇ ਦੇਸ਼ ਨੂੰ 53,894 ਕਰੋੜ ਰੁਪਏ ਦਾ ਵਿਦੇਸ਼ੀ ਮੁਦਰਾ ਬਚਾਉਂਦਾ ਹੈ। ਕਿਸਾਨਾਂ ਨੂੰ ਈਥਾਨੌਲ ਦੀ ਵਧਦੀ ਵਰਤੋਂ ਦਾ ਲਾਭ ਵੀ ਮਿਲਦਾ ਹੈ। ਪੈਟਰੋਲੀਅਮ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਦੱਸਿਆ ਕਿ 15 ਸ਼ਹਿਰਾਂ ਦੇ 84 ਪੈਟਰੋਲ ਪੰਪਾਂ 'ਤੇ 20 ਫੀਸਦੀ ਈਥਾਨੋਲ ਵਾਲੇ ਪੈਟਰੋਲ ਦੀ ਪ੍ਰਚੂਨ ਵਿਕਰੀ ਸ਼ੁਰੂ ਹੋ ਗਈ ਹੈ। 2030 ਲਈ ਪੈਟਰੋਲ ਵਿੱਚ ਈਥਾਨੌਲ ਦੇ 20 ਪ੍ਰਤੀਸ਼ਤ ਮਿਸ਼ਰਣ ਦਾ ਪਹਿਲਾਂ ਤੋਂ ਨਿਰਧਾਰਤ ਟੀਚਾ ਰੱਖਿਆ ਗਿਆ ਸੀ। ਪਰ ਇਸ ਨੂੰ ਵੀ ਹੁਣ ਇਸ ਨੂੰ ਘਟਾ ਕੇ 2025 ਕਰ ਦਿੱਤਾ ਗਿਆ ਹੈ। ਹੁਣ ਈ-20 ਨਾਲ ਪੈਟਰੋਲ ਆਈਟਮ 'ਚ ਹਰ ਸਾਲ ਕਰੀਬ 30 ਹਜ਼ਾਰ ਕਰੋੜ ਰੁਪਏ ਦੀ ਬਚਤ ਹੋਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ : ਜਲਦ ਕਰੋ ਪੈਨ-ਆਧਾਰ ਲਿੰਕ, 31 ਮਾਰਚ ਤੱਕ ਅਜਿਹਾ ਨਾ ਕਰਨ 'ਤੇ ਹੋ ਸਕਦੈ ਭਾਰੀ ਨੁਕਸਾਨ

ਇਨ੍ਹਾਂ ਵਾਹਨਾਂ ਵਿੱਚ ਵਰਤਿਆ ਜਾਵੇਗਾ E-20 ਪੈਟਰੋਲ

ਦਰਅਸਲ, ਦੇਸ਼ ਵਿੱਚ ਜ਼ਿਆਦਾਤਰ ਵਾਹਨਾਂ ਦੇ ਇੰਜਣ BS-4 ਤੋਂ BS-6 ਪੜਾਅ ਤੱਕ ਹੁੰਦੇ ਹਨ। ਇਸ ਮੁਤਾਬਕ ਸਾਰੇ ਵਾਹਨਾਂ 'ਚ 20 ਫੀਸਦੀ ਈਥਾਨੋਲ ਵਾਲੇ ਪੈਟਰੋਲ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਈ-20 ਨੂੰ BS ਭਾਵ ਭਾਰਤ ਸਟੇਜ ਇੰਜਣ ਵਿੱਚ ਵਰਤਿਆ ਜਾ ਸਕਦਾ ਹੈ। ਵਾਹਨ ਨਿਰਮਾਤਾਵਾਂ ਨੂੰ ਪਹਿਲਾਂ ਹੀ ਈ-20 ਇੰਜਣ ਬਣਾਉਣ ਦੇ ਆਦੇਸ਼ ਦਿੱਤੇ ਜਾ ਚੁੱਕੇ ਹਨ। 

ਈ-20 ਫਿਊਲ ਚੰਗੀ ਮਾਈਲੇਜ ਦੇਵੇਗਾ। ਤੁਹਾਨੂੰ ਹੋਰ ਪਾਵਰ ਵੀ ਮਿਲੇਗੀ। ਜੇਕਰ ਪੁਰਾਣੇ ਇੰਜਣ ਵਾਲੇ ਵਾਹਨਾਂ 'ਚ ਈ-20 ਪਾਈ ਜਾਂਦੀ ਹੈ, ਤਾਂ ਘੱਟ ਮਾਈਲੇਜ-ਘੱਟ ਪਾਵਰ ਦੀ ਸੰਭਾਵਨਾ ਹੋਵੇਗੀ। ਪੁਰਾਣੇ ਵਾਹਨ ਦੇ ਇੰਜਣ 'ਚ ਕੁਝ ਬਦਲਾਅ ਕੀਤੇ ਜਾ ਸਕਦੇ ਹਨ ਪਰ ਇਹ ਬਦਲਾਅ ਇੰਜਣ ਦੀ ਖੋਰ ਨੂੰ ਘੱਟ ਕਰਨ ਲਈ ਹੀ ਕਰਨੇ ਪੈਣਗੇ।

ਇਹ ਵੀ ਪੜ੍ਹੋ : ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਵਾਧਾ, 57 ਹਜ਼ਾਰ ਰੁਪਏ ਤੋਂ ਪਾਰ ਪਹੁੰਚਿਆ 10 ਗ੍ਰਾਮ ਸੋਨੇ ਦਾ ਭਾਅ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।