ਗਾਹਕਾਂ ਦੀ ਮੰਗ ਅਨੁਸਾਰ ਗਹਿਣਿਆਂ ਦਾ ਸਾਈਜ਼ ਘਟ ਜਾਂ ਵਧ ਕਰਨ 'ਚ ਹਾਲਮਾਰਕ ਦੀ ਪ੍ਰਕਿਰਿਆ 'ਚ ਲੱਗੇਗਾ ਸਮਾਂ

ਬਿਜ਼ਨੈੱਸ ਡੈਸਕ- ਭਾਵੇਂ ਹੀ ਕੇਂਦਰ ਨੇ ਗਹਿਣਿਆਂ ਨੂੰ ਛੇ ਨੰਬਰ ਵਾਲੇ ਹਾਲਮਾਰਕ ਨਾਲ ਵੇਚਣ ਦੇ ਹੁਕਮ ਦਿੱਤੇ ਹਨ ਪਰ ਵਪਾਰੀ ਇਸ ਪ੍ਰਣਾਲੀ ਤੋਂ ਨਾਖੁਸ਼ ਹਨ। ਵਪਾਰੀਆਂ ਦਾ ਕਹਿਣਾ ਹੈ ਕਿ ਜੇਕਰ ਗਾਹਕ ਗਹਿਣਿਆਂ ਦਾ ਆਕਾਰ ਘਟਾਉਣ ਜਾਂ ਵੱਡਾ ਕਰਨ ਦੀ ਮੰਗ ਕਰਦਾ ਹੈ ਤਾਂ ਗਾਹਕ ਨੂੰ ਤੁਰੰਤ ਸਾਮਾਨ ਨਹੀਂ ਮਿਲ ਪਾਵੇਗਾ। ਹਾਲਮਾਰਕ ਵਾਲੀ ਪ੍ਰਯੋਗਸ਼ਾਲਾ 'ਤੇ ਵੀ ਪੈਂਡੈਂਸੀ ਵਧੇਗੀ। ਕਾਰੋਬਾਰੀਆਂ ਨੇ ਗਾਹਕ ਦਾ ਇੰਤਜ਼ਾਰ ਨਾ ਕਰਨ ਅਤੇ ਹੋਰ ਥਾਵਾਂ ਤੋਂ ਸਾਮਾਨ ਖਰੀਦਣ ਦਾ ਖਦਸ਼ਾ ਪ੍ਰਗਟਾਇਆ। ਇਸ ਨਾਲ ਕਾਰੋਬਾਰ ਪ੍ਰਭਾਵਿਤ ਹੋਵੇਗਾ। ਇਸ ਹੁਕਮ ਤੋਂ ਬਾਅਦ ਜਿਊਲਰਾਂ ਅਤੇ ਉਤਪਾਦਕਾਂ ਨੇ ਗੁੱਸਾ ਜ਼ਾਹਰ ਕੀਤਾ ਹੈ। ਉਨ੍ਹਾਂ ਦੇ ਸਾਹਮਣੇ ਕਈ ਚੁਣੌਤੀਆਂ ਵੀ ਆ ਰਹੀਆਂ ਹਨ।
ਕਾਰੋਬਾਰੀਆਂ ਅਨੁਸਾਰ ਜੇਕਰ ਕੋਈ ਗਾਹਕ ਦੁਕਾਨ 'ਚ ਗਹਿਣੇ ਪਸੰਦ ਕਰਦਾ ਹੈ ਅਤੇ ਉਸ ਨੂੰ ਵਧਾਉਣ ਜਾਂ ਘਟਾਉਣ ਲਈ ਕਹਿੰਦਾ ਹੈ ਤਾਂ ਉਸ ਨੂੰ ਦੁਬਾਰਾ ਬਣਾਉਣਾ ਪਵੇਗਾ। ਛੇ ਨੰਬਰ ਹਾਲਮਾਰਕ ਲਈ ਦੁਬਾਰਾ ਪ੍ਰਕਿਰਿਆ ਕਰਨੀ ਪਵੇਗੀ। ਇਸ ਦੇ ਲਈ ਸ਼ਹਿਰ 'ਚ ਮੌਜੂਦ ਪ੍ਰਯੋਗਸ਼ਾਲਾ ਨੂੰ ਬੇਨਤੀ ਪੱਤਰ ਭੇਜਣਾ ਹੋਵੇਗਾ। ਬੇਨਤੀ ਸਵੀਕਾਰ ਕਰਨ ਤੋਂ ਬਾਅਦ, ਤੁਹਾਨੂੰ ਦੁਬਾਰਾ ਛੇ ਨੰਬਰ ਦਾ ਹਾਲਮਾਰਕ ਮਿਲੇਗਾ। ਗਾਹਕ ਨੇ ਸਾਮਾਨ ਨੂੰ ਹੱਥ 'ਚ ਲੈਣਾ ਹੈ, ਉਹ ਸਾਮਾਨ ਦੀ ਉਡੀਕ ਨਹੀਂ ਕਰੇਗਾ ਅਤੇ ਕਿਸੇ ਹੋਰ ਦੁਕਾਨ ਤੋਂ ਖਰੀਦਾਰੀ ਕਰੇਗਾ। ਇਸ ਨਾਲ ਵਪਾਰੀਆਂ ਦੇ ਕਾਰੋਬਾਰ 'ਤੇ ਅਸਰ ਹੋਵੇਗਾ।

ਇਹ ਵੀ ਪੜ੍ਹੋ-  ਸੁਆਦ ’ਚ ਮਹਿੰਗਾਈ ਦਾ ਤੜਕਾ, ਥੋਕ ਦੇ ਮੁਕਾਬਲੇ ਪ੍ਰਚੂਨ ’ਚ ਮਸਾਲਿਆਂ ਦੇ ਰੇਟ ਦੁੱਗਣੇ
GST ਦੇਣ 'ਚ ਅਣਗਹਿਲੀ ਕਰਦੇ ਹਨ ਬਹੁਤ ਸਾਰੇ ਗਾਹਕ 
ਕਾਰੋਬਾਰੀਆਂ ਅਨੁਸਾਰ ਗਹਿਣੇ ਖਰੀਦਣ ਵੇਲੇ ਤਿੰਨ ਫ਼ੀਸਦੀ ਜੀ.ਐੱਸ.ਟੀ ਅਦਾ ਕਰਨੀ ਜ਼ਰੂਰੀ ਹੈ ਪਰ ਕਈ ਵਾਰ ਗਾਹਕ ਗਹਿਣਿਆਂ ਦੀ ਰਕਮ ਸਮੇਤ ਜੀ.ਐੱਸ.ਟੀ. ਦੇਣ ਤੋਂ ਇਨਕਾਰ ਕਰ ਦਿੰਦੇ ਹਨ। ਕਈ ਵਾਰ ਜੀ.ਐੱਸ.ਟੀ ਮੰਗਣ 'ਤੇ ਗਾਹਕ ਗੁੱਸੇ ਵੀ ਹੋ ਜਾਂਦੇ ਹਨ। ਹੁਣ ਨਵੀਂ ਪ੍ਰਣਾਲੀ ਤਹਿਤ ਜੀ.ਐੱਸ.ਟੀ ਦੀ ਰਕਮ ਬਿੱਲ ਦੇ ਨਾਲ ਅਦਾ ਕਰਨੀ ਪਵੇਗੀ।
ਅਸਲੀ ਸੋਨੇ 'ਤੇ ਨਾਈਟ੍ਰਿਕ ਐਸਿਡ ਬੇਅਸਰ 
ਗਹਿਣਿਆਂ ਦੀ ਦੁਕਾਨ 'ਤੇ ਕੰਮ ਕਰਨ ਵਾਲੇ ਸੁਨੀਲ ਵਰਮਾ ਮੁਤਾਬਕ ਗਾਹਕ ਨੂੰ ਸੋਨਾ ਖਰੀਦਣ ਤੋਂ ਪਹਿਲਾਂ ਸੁਚੇਤ ਹੋਣਾ ਚਾਹੀਦਾ ਹੈ। ਸੋਨਾ ਖਰੀਦਣ ਸਮੇਂ ਸਭ ਤੋਂ ਪਹਿਲਾਂ ਜੋ ਤੁਹਾਨੂੰ ਦੇਖਣਾ ਚਾਹੀਦਾ ਹੈ ਉਹ ਹੈ ਹਾਲਮਾਰਕ। ਹਾਲਮਾਰਕ ਸਰਟੀਫਿਕੇਟ ਤੋਂ ਪਤਾ ਚੱਲਦਾ ਹੈ ਕਿ ਸੋਨਾ ਅਸਲੀ ਹੈ। ਜੇਕਰ ਤੁਸੀਂ ਅਸਲੀ ਸੋਨੇ ਬਾਰੇ ਜਾਣਨਾ ਚਾਹੁੰਦੇ ਹੋ, ਤਾਂ ਨਾਈਟ੍ਰਿਕ ਐਸਿਡ ਦੀ ਵਰਤੋਂ ਕਰੋ। ਅਸਲੀ ਸੋਨੇ 'ਤੇ ਐਸਿਡ ਦਾ ਕੋਈ ਅਸਰ ਨਹੀਂ ਹੋਵੇਗਾ। ਜਦੋਂ ਕਿ ਨਕਲੀ ਦਾ ਰੰਗ ਉਤਰ ਜਾਵੇਗਾ।

ਇਹ ਵੀ ਪੜ੍ਹੋ- ਕੱਚੇ ਤੇਲ ਦੇ ਉਤਪਾਦਨ ’ਚ ਰੋਜ਼ਾਨਾ ਹੋਵੇਗੀ 1.16 ਮਿਲੀਅਨ ਬੈਰਲ ਉਤਪਾਦਨ ਦੀ ਕਟੌਤੀ, ਭੜਕੇਗੀ ਮਹਿੰਗਾਈ ਦੀ ਅੱਗ
ਕਾਰੋਬਾਰੀਆਂ ਨੇ ਨਿਯਮ ਤੋੜੇ ਤਾਂ 5 ਗੁਣਾ ਜ਼ਿਆਦਾ ਜੁਰਮਾਨਾ ਭਰਨਾ ਪਵੇਗਾ
ਆਰਡਰ ਦੇ ਤਹਿਤ ਸੋਨੇ 'ਤੇ 6 ਅੰਕਾਂ ਦਾ ਹਾਲਮਾਰਕ ਕੋਡ ਹੋਵੇਗਾ। ਇਸ ਨੂੰ ਵਿਲੱਖਣ ਪਛਾਣ ਨੰਬਰ ਕਿਹਾ ਜਾਂਦਾ ਹੈ। ਉਦਾਹਰਨ ਲਈ, ਇਹ ਨੰਬਰ ਕੁਝ ਇਸ ਤਰ੍ਹਾਂ ਹੋ ਸਕਦਾ ਹੈ- AZ6020। ਇਸ ਨੰਬਰ ਰਾਹੀਂ ਅਸੀਂ ਪਤਾ ਲਗਾਉਂਦੇ ਹਾਂ ਕਿ ਸੋਨਾ ਕਿੰਨੇ ਕੈਰੇਟ ਦਾ ਹੈ। ਨਿਯਮ ਤੋੜਨ ਵਾਲੇ ਦੁਕਾਨਦਾਰ ਨੂੰ ਗਹਿਣਿਆਂ ਦੀ ਕੀਮਤ ਦਾ 5 ਗੁਣਾ ਜੁਰਮਾਨਾ ਭਰਨਾ ਪਵੇਗਾ। ਇਸ ਦੇ ਨਾਲ ਹੀ ਇੱਕ ਸਾਲ ਦੀ ਕੈਦ ਦੀ ਵਿਵਸਥਾ ਵੀ ਰੱਖੀ ਗਈ ਹੈ। ਦੋਵੇਂ ਸਜ਼ਾਵਾਂ ਵੀ ਹੋ ਸਕਦੀਆਂ ਹਨ।
ਗਾਹਕ ਗਹਿਣਿਆਂ ਨੂੰ ਵੱਡਾ ਕਰਨ ਜਾਂ ਘਟਾਉਣ ਬਾਰੇ ਗੱਲ ਕਰਦੇ ਹਨ। ਦੁਬਾਰਾ ਤੋਂ ਬਣਾਉਣਾ ਪਵੇਗਾ ਅਤੇ ਫਿਰ ਤੋਂ ਪ੍ਰਕਿਰਿਆ ਕਰਨੀ ਪਵੇਗੀ। ਇਸ ਨਾਲ ਪ੍ਰਯੋਗਸ਼ਾਲਾ 'ਚ ਪੈਂਡੈਂਸੀ ਵਧ ਜਾਵੇਗੀ ਅਤੇ ਉਡੀਕ ਕਰਨੀ ਪਵੇਗੀ। ਗਾਹਕ ਮਾਲ ਦੀ ਉਡੀਕ ਨਹੀਂ ਕਰਦੇ। ਕਾਰੋਬਾਰੀਆਂ ਨੂੰ ਨੁਕਸਾਨ ਹੋਵੇਗਾ।

ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।