Paytm ਦੇ ਸੰਸਥਾਪਕ ਨੇ ਕਿਹਾ, 2 ਸਾਲ ਬਾਅਦ ਕੰਪਨੀ ਦੇ ਮੁਨਾਫੇ ’ਚ ਆਉਣ ਦੀ ਉਂਮੀਦ
02/23/2020 11:56:54 PM
ਨਵੀਂ ਦਿੱਲੀ (ਭਾਸ਼ਾ)– : ਡਿਜੀਟਲ ਪੇਮੈਂਟ ਕੰਪਨੀ ਪੇ.ਟੀ.ਐੱਮ. ਦੇ ਸੰਸਥਾਪਕ ਸੀ. ਈ. ਓ. ਵਿਜੇ ਸ਼ੇਖਰ ਸ਼ਰਮਾ ਨੇ ਕਿਹਾ ਹੈ ਕਿ ਕੰਪਨੀ 2 ਸਾਲ ਦੇ ਬਾਅਦ ਲਾਭ ’ਚ ਆ ਸਕਦੀ ਹੈ। ਕੰਪਨੀ ਅਜੇ ਆਪਣੇ ਮੌਜੂਦਾ ਗਾਹਕ ਆਧਾਰ ਨੂੰ ਭੂਨਾ ਰਹੀ ਹੈ ਅਤੇ ਆਉਣ ਵਾਲੇ ਸਮਾਂ ’ਚ ਹੋਰ ਵਿੱਤੀ ਸੇਵਾਵਾਂ ਦੇ ਖੇਤਰ ’ਚ ਵਾਧੇ ਦੀਆਂ ਸੰਭਾਵਨਾਵਾਂ ਵੇਖ ਰਹੀ ਹੈ।
ਨੋਇਡਾ ਸਥਿਤ ਕੰਪਨੀ 3 ਖੇਤਰਾਂ-ਵਿੱਤੀ ਸੇਵਾਵਾਂ, ਵਣਜ ਅਤੇ ਭੁਗਤਾਨ ’ਤੇ ਖਾਸਤੌਰ ਨਾਲ ਫੋਕਸ ਕਰ ਰਹੀ ਹੈ । ਪੇ.ਟੀ.ਐੱਮ. 2016 ’ਚ ਨੋਟਬੰਦੀ ਦੇ ਬਾਅਦ ਤੇਜੀ ਨਾਲ ਅੱਗੇ ਵਧੀ ਹੈ । ਸ਼ਰਮਾ ਨੇ ਕਿਹਾ ਕਿ ਪੇ.ਟੀ.ਐੱਮ. ਦੇ ਵਾਧੇ ਦੇ 3 ਪੜਾਅ ਹਨ - ਬਾਜ਼ਾਰ ਅਨੁਸਾਰ ਠੀਕ ਉਤਪਾਦ ਦੀ ਤਲਾਸ਼ ਦੇ 3 ਸਾਲ , ਅਗਲਾ ਪੜਾਅ ਸੀ ਰੈਵਨਿਊ ਅਤੇ ਮਾਨੇਟਰੀ ਦਾ ਅਤੇ ਅੰਤਮ ਪੜਾਅ ਲਾਭ ਅਤੇ ਸੁਤੰਤਰ ਨਕਦ ਪ੍ਰਵਾਹ ਦਾ ਹੋਵੇਗਾ।
ਪੇ. ਟੀ.ਐੱਮ. ਦਾ ਮੁਕਾਬਲਾ ਗੂਗਲ ਪੇ, ਫਲਿਪਕਾਰਟ ਦੀ ਫੋਨਪੇ ਅਤੇ ਹੋਰ ਡਿਜੀਟਲ ਪੇਮੈਂਟ ਪਲੇਟਫਾਰਮ ਨਾਲ ਹੈ । ਕੰਪਨੀ ਨੇ ਆਪਣੀ ਵਿਸਥਾਰ ਯੋਜਨਾਵਾਂ ਲਈ ਪਿਛਲੇ ਸਾਲ ਅਮਰੀਕਾ ਸਥਿਤ ਸੰਪਤੀ ਪ੍ਰਬੰਧਨ ਕੰਪਨੀ ਟੀ. ਰੋਵ ਪ੍ਰਾਈਸ ਅਤੇ ਨਾਲ ਹੀ ਮੌਜੂਦਾ ਨਿਵੇਸ਼ਕਾਂ ਸਾਫਟਬੈਂਕ ਅਤੇ ਅਲੀਬਾਬਾ ਨਾਲ ਇੱਕ ਅਰਬ (7000 ਕਰੋਡ਼ ਰੁਪਏ ਤੋਂ ਵੱਧ) ਇਕੱਠੇ ਕੀਤੇ ਸਨ। ਕੰਪਨੀ ਨੇ ਕਿਹਾ ਹੈ ਕਿ ਉਸਨੇ ਅਗਲੇ 3 ਸਾਲਾਂ ਦੌਰਾਨ ਵਿੱਤੀ ਸੇਵਾਵਾਂ ਦੇ ਵਿਸਥਾਰ ਲਈ ਕਰੀਬ 10,000 ਕਰੋਡ਼ ਰੁਪਏ ਨਿਵੇਸ਼ ਕਰਨ ਦੀ ਯੋਜਨਾ ਬਣਾਈ ਹੈ ।