ਢਾਈ ਲੱਖ ਕਰੋਡ਼ ਰੁਪਏ ਤੋਂ ਜ਼ਿਆਦਾ ਦੇ ਥਰਮਲ ਪਾਵਰ ਪ੍ਰਾਜੈਕਟ ਸੰਕਟ ’ਚ

ਨਵੀਂ ਦਿੱਲੀ - ਈਂਧਨ ਦੀ ਥੋੜ੍ਹੀ ਸਪਲਾਈ,  ਨਿਰਧਾਰਿਤ ਸਮਾਂ-ਹੱਦ ਅਤੇ ਲਾਗਤ ’ਚ ਪ੍ਰਾਜੈਕਟ ਪੂਰਾ ਕਰਨ ’ਚ ਪ੍ਰਮੋਟਰਾਂ ਦੀ ਅਸਫਲਤਾ, ਉਦਯੋਗ ਤੇ ਵਿਨਿਰਮਾਣ ਖੇਤਰ ਦੀ ਬਿਜਲੀ ਮੰਗ ਵਧਣ ਦੀ ਮੱਠੀ ਰਫਤਾਰ  ਕਾਰਨ ਦੇਸ਼ ਭਰ ’ਚ ਢਾਈ ਲੱਖ ਕਰੋਡ਼ ਰੁਪਏ ਤੋਂ ਜ਼ਿਆਦਾ  ਦੇ ਨਿਵੇਸ਼ ਦੇ ਥਰਮਲ ਪਾਵਰ ਪ੍ਰਾਜੈਕਟ ਜੋਖਮ ’ਚ ਫਸੇ ਹਨ। 

ਉਦਯੋਗ ਸੰਗਠਨ ਅਸੋਚੈਮ ਤੇ ਗ੍ਰਾਂਟ ਥਾਰਨਟਨ ਦੀ ਅੱਜ ਜਾਰੀ ਸੰਯੁਕਤ ਰਿਪੋਰਟ   ਮੁਤਾਬਕ ਜੋਖਮ ’ਚ ਫਸੇ ਇਨ੍ਹਾਂ ਥਰਮਲ ਪਾਵਰ ਪ੍ਰਾਜੈਕਟ ਨੂੰ ਸਮਾਂਬੱਧ ਤਰੀਕੇ ਨਾਲ ਸੰਕਟ ਤੋਂ ਉਭਾਰਨ ਲਈ ਤੁਰੰਤ ਉਪਾਅ ਕਰਨ ਦੀ ਜ਼ਰੂਰਤ ਹੈ।  ਦੇਸ਼ ’ਚ ਫਿਲਹਾਲ ਕਰੀਬ 66,000 ਮੈਗਾਵਾਟ ਸਮਰੱਥਾ ਦੇ ਪ੍ਰਾਜੈਕਟਾਂ ’ਤੇ ਵੱਖ-ਵੱਖ ਪੱਧਰ ਦਾ ਵਿੱਤੀ ਸੰਕਟ ਹੈ,  ਜਿਸ ’ਚੋਂ 54,800 ਮੈਗਾਵਾਟ ਦੇ ਕੋਲਾ ਆਧਾਰਿਤ,  6830 ਮੈਗਾਵਾਟ ਦੇ ਗੈਸ ਆਧਾਰਿਤ ਤੇ 4570 ਮੈਗਾਵਾਟ ਦੇ ਪਨ ਬਿਜਲੀ ਪ੍ਰਾਜੈਕਟ ਹਨ। 

ਰਿਪੋਰਟ  ਮੁਤਾਬਕ ਦੇਸ਼ ਭਰ ਦੇ ਕੁਲ 34 ਅਜਿਹੇ ਪ੍ਰਾਜੈਕਟ ਜੋਖਮ ’ਚ ਫਸੇ ਹਨ, ਜਿਨ੍ਹਾਂ ’ਚੋਂ 66,141 ਕਰੋਡ਼ ਰੁਪਏ ਦੇ ਨਿਵੇਸ਼ ਵਾਲੇ ਛੱਤੀਸਗੜ੍ਹ ਦੇ 10 ਪ੍ਰਾਜੈਕਟ,  26,539 ਕਰੋਡ਼ ਰੁਪਏ ਦੇ ਮਹਾਰਾਸ਼ਟਰ ਦੇ 4 ਪ੍ਰਾਜੈਕਟ,  25,878 ਕਰੋਡ਼ ਰੁਪਏ ਦੇ ਓਡਿਸ਼ਾ ਦੇ 6 ਪ੍ਰਾਜੈਕਟ,  17,904 ਕਰੋਡ਼ ਰੁਪਏ ਦੇ ਮੱਧ  ਪ੍ਰਦੇਸ਼ ਦੇ 4 ਪ੍ਰਾਜੈਕਟ,  14,565 ਕਰੋਡ਼ ਰੁਪਏ ਦੇ ਉੱਤਰ ਪ੍ਰਦੇਸ਼ ਦੇ 2 ਪ੍ਰਾਜੈਕਟ,  5040 ਕਰੋਡ਼ ਰੁਪਏ ਦੇ ਆਂਧਰ  ਪ੍ਰਦੇਸ਼ ਦੇ 2 ਪ੍ਰਾਜੈਕਟ,  3523 ਕਰੋਡ਼ ਰੁਪਏ ਦੇ ਪੰਜਾਬ ਦੇ ਇਕ ਪ੍ਰਾਜੈਕਟ,  2506-2506 ਕਰੋਡ਼ ਰੁਪਏ ਦੀ ਬਿਹਾਰ ਤੇ ਝਾਰਖੰਡ ਦੇ ਇਕ-ਇਕ ਪਰਯੋਜਨਾ ਤੇ 2318 ਕਰੋਡ਼ ਰੁਪਏ ਦਾ ਪੱਛਮ ਬੰਗਾਲ ਦਾ ਇਕ ਪ੍ਰਾਜੈਕਟ ਸ਼ਾਮਲ ਹੈ।