ਮਾਰਕ ਜੁਕਰਬਰਗ 100 ਅਰਬ ਡਾਲਰ ਦੇ ਕਲੱਬ 'ਚ ਸ਼ਾਮਲ, ਕੋਰੋਨਾ ਕਾਲ 'ਚ ਵੀ ਵਧੀ ਦੌਲਤ
Friday, Aug 07, 2020 - 07:17 PM (IST)
ਨਵੀਂ ਦਿੱਲੀ — ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜੁਕਰਬਰਗ 100 ਅਰਬ ਡਾਲਰ ਦੀ ਨੈੱਟਵਰਥ ਵਾਲੇ ਵਪਾਰੀਆਂ ਦੀ ਸੂਚੀ ਵਿਚ ਸ਼ਾਮਲ ਹੋ ਗਏ ਹਨ। ਜੁਕਰਬਰਗ ਨੂੰ ਪਹਿਲੀ ਵਾਰ ਇਸ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਸਟਾਕ ਮਾਰਕੀਟ ਵਿਚ ਫੇਸਬੁੱਕ ਦੇ ਸ਼ੇਅਰਾਂ ਨੇ ਵਾਧਾ ਦਰਜ ਕੀਤਾ ਹੈ ਜਿਸ ਦਾ ਲਾਭ ਕੰਪਨੀ ਨੂੰ ਮਿਲਿਆ ਹੈ।
ਇਸ ਤਰ੍ਹਾਂ ਵਧੀ ਦੌਲਤ
ਟਿੱਕਟਾਕ ਦੇ ਮੁਕਾਬਲੇ ਤੋਂ ਹਟਣ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਫੇਸਬੁੱਕ ਇੰਕ ਦੇ ਸ਼ੇਅਰ ਇਕ ਰਿਕਾਰਡ ਉੱਚੇ ਪੱਧਰ 'ਤੇ ਪਹੁੰਚ ਗਏ ਹਨ। ਸਿਰਫ 36 ਸਾਲ ਦੀ ਉਮਰ ਦੇ ਜ਼ੁਕਰਬਰਗ ਹੁਣ ਆਪਣੇ ਸਾਥੀ ਤਕਨੀਕੀ ਦਿੱਗਜ ਜੈੱਫ ਬੇਜੋਸ ਅਤੇ ਬਿਲ ਗੇਟਸ ਦੇ ਨਾਲ ਸੂਚੀ ਵਿਚ ਸ਼ਾਮਲ ਹੋ ਗਏ ਹਨ। 100 ਅਰਬ ਡਾਲਰ ਦੇ ਕਲੱਬ ਵਿਚ ਦੁਨੀਆ ਦੇ ਸਿਰਫ ਤਿੰਨ ਲੋਕ ਹਨ। ਜ਼ੁਕਰਬਰਗ ਦੀ ਫੇਸਬੁੱਕ ਇੰਕ ਵਿਚ ਤਕਰੀਬਨ 13 ਪ੍ਰਤੀਸ਼ਤ ਹਿੱਸੇਦਾਰੀ ਹੈ।
ਇਹ ਵੀ ਪੜ੍ਹੋ: ਸਾਵਧਾਨ! ਬਾਜ਼ਾਰ ਵਿਚ ਵਿਕ ਰਿਹੈ ਉੱਚ ਮੀਥੇਨੋਲ ਵਾਲਾ ਸੈਨੇਟਾਈਜ਼ਰ, ਹੋ ਸਕਦਾ ਹੈ ਨੁਕਸਾਨਦਾਇਕ
ਕੋਰੋਨਾ ਸੰਕਟ ਵਿਚ ਇਨ੍ਹਾਂ ਲਈ ਨਿਕਲੇ ਮੌਕੇ
ਦਰਅਸਲ ਅਮਰੀਕਾ ਦੀਆਂ ਵੱਡੀਆਂ ਤਕਨਾਲੌਜੀ ਕੰਪਨੀਆਂ ਦੇ ਸੰਸਥਾਪਕਾਂ ਨੇ ਕੋਰੋਨਾ ਸੰਕਟ ਅਤੇ ਤਾਲਾਬੰਦੀ ਵਿਚ ਵਧੇਰੇ ਲਾਭ ਕਮਾਇਆ ਹੈ ਕਿਉਂਕਿ ਇਸ ਸਮੇਂ ਦੌਰਾਨ ਵਿਸ਼ਵਭਰ 'ਚ ਤਕਨਾਲੋਜੀ ਦੀ ਵਰਤੋਂ ਵਧੀ ਹੈ। ਬਲੂਮਬਰਗ ਮੁਤਾਬਕ ਯੂਐਸ ਦੀ ਆਰਥਿਕਤਾ ਤੇਜ਼ੀ ਨਾਲ ਹੇਠਾਂ ਜਾ ਰਹੀ ਹੈ। ਪਰ ਇਸ ਸਾਲ ਜ਼ੁਕਰਬਰਗ ਦੀ ਦੌਲਤ ਵਿਚ 22 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ, ਜਦੋਂ ਕਿ ਬੇਜੋਸ ਦੀ ਜਾਇਦਾਦ ਵਿਚ ਲਗਭਗ 75 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ।
ਪੰਜ ਵੱਡੀਆਂ ਤਕਨੀਕੀ ਕੰਪਨੀਆਂ- ਐਪਲ, ਐਮਾਜ਼ਾਨ ਇੰਕ, ਐਲਫਾਬੇਟ ਗੂਗਲ, ਫੇਸਬੁੱਕ ਅਤੇ ਮਾਈਕ੍ਰੋਸਾੱਫਟ ਕਾਰਪੋਰੇਸ਼ਨ ਦਾ ਮਾਰਕੀਟ ਕੈਪ ਅਮਰੀਕਾ ਦੇ ਕੁਲ ਜੀਡੀਪੀ ਦਾ 30 ਪ੍ਰਤੀਸ਼ਤ ਬਣ ਗਿਆ ਹੈ। ਇਹ ਦੋ ਸਾਲਾਂ ਵਿਚ ਲਗਭਗ ਦੁੱਗਣਾ ਹੋ ਗਿਆ ਹੈ।
ਇਹ ਵੀ ਪੜ੍ਹੋ: RBI ਦਾ ਆਦੇਸ਼ - ਇਨ੍ਹਾਂ ਖਾਤਾਧਾਰਕਾਂ ਦਾ ਨਹੀਂ ਖੁੱਲ੍ਹੇਗਾ 'Current account'
ਇਹ ਦਿੱਗਜ ਵੀ ਹਨ ਕਤਾਰ 'ਚ
ਫੋਰਬਸ ਦੀ ਸੂਚੀ ਮੁਤਾਬਕ ਰਿਲਾਇੰਸ ਇੰਡਸਟਰੀ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ 80.3 ਅਰਬ ਡਾਲਰ ਦੀ ਜਾਇਦਾਦ ਨਾਲ ਦੁਨੀਆ ਦੇ ਅਮੀਰ ਲੋਕਾਂ ਵਿਚੋਂ ਪੰਜਵੇਂ ਨੰਬਰ 'ਤੇ ਹਨ।
ਇਸ ਸਾਲ ਟੈਨਸੈਂਟ ਹੋਲਡਿੰਗ ਦੇ ਸੀਈਓ ਪੋਨੀ ਮਾ ਦੀ ਜਾਇਦਾਦ 17 ਅਰਬ ਡਾਲਰ ਵੱਧ ਕੇ 55 ਅਰਬ ਡਾਲਰ ਹੋ ਗਈ ਹੈ ਅਤੇ ਪਿਨਡੂਓਡੂਓ ਇੰਕ. ਦੇ ਮੁਖੀ ਕੋਲਿਨ ਹੁਆਂਗ ਦੀ ਸੰਪਤੀ 13 ਅਰਬ ਡਾਲਰ ਵਧ ਕੇ 32 ਅਰਬ ਡਾਲਰ ਹੋ ਗਈ ਹੈ।
ਇਹ ਵੀ ਪੜ੍ਹੋ: ਸਾਵਧਾਨ! ਬਾਜ਼ਾਰ ਵਿਚ ਵਿਕ ਰਿਹੈ ਉੱਚ ਮੀਥੇਨੋਲ ਵਾਲਾ ਸੈਨੇਟਾਈਜ਼ਰ, ਹੋ ਸਕਦਾ ਹੈ ਨੁਕਸਾਨਦਾਇਕ
