ਲਾਕਡਾਊਨ ਕਾਰਨ ਰੇਲਵੇ ਨੂੰ ਹੋ ਰਿਹਾ ਨੁਕਸਾਨ, 13 ਲੱਖ ਕਰਮਚਾਰੀਆਂ ਦੇ ਭੱਤਿਆਂ 'ਚ ਕਟੌਤੀ ਸੰਭਵ
04/18/2020 7:46:23 PM
ਨਵੀਂ ਦਿੱਲੀ - ਦੇਸ਼ ਵਿਚ 3 ਮਈ 2020 ਤੱਕ ਲਾਕਡਾਊਨ ਲਾਗੂ ਹੈ। ਯਾਤਰੀ ਰੇਲ ਗੱਡੀਆਂ ਲਾਕਡਾਊਨ ਕਾਰਨ ਕਈ ਦਿਨਾਂ ਤੋਂ ਸਟੇਸ਼ਨਾਂ 'ਤੇ ਬੰਦ ਖੜੀਆਂ ਹਨ, ਜਿਸ ਕਾਰਨ ਰੇਲਵੇ ਨੂੰ ਭਾਰੀ ਨੁਕਸਾਨ ਹੋ ਰਿਹਾ ਹੈ। ਅਜਿਹੀ ਸਥਿਤੀ ਵਿਚ ਰੇਲ ਮੰਤਰਾਲਾ 13 ਲੱਖ ਤੋਂ ਵੱਧ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀਆਂ ਤਨਖਾਹਾਂ ਅਤੇ ਭੱਤੇ ਵਿਚ ਕਟੌਤੀ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਭਾਰਤੀ ਰੇਲਵੇ ਵੀ ਫਸੀ ਵਿੱਤੀ ਮੁਸ਼ਕਲਾਂ ਵਿਚ
ਇਸ ਯੋਜਨਾ ਤਹਿਤ ਟੀ.ਏ., ਡੀ.ਏ ਸਮੇਤ ਓਵਰਟਾਈਮ ਡਿਊਟੀ ਲਈ ਭੱਤੇ ਖ਼ਤਮ ਕੀਤੇ ਜਾਣਗੇ। ਇਸ ਹਿਸਾਬ ਨਾਲ ਟ੍ਰੇਨ ਡਰਾਈਵਰ ਅਤੇ ਗਾਰਡ ਨੂੰ ਰੇਲ ਚਲਾਉਣ ਲਈ ਪ੍ਰਤੀ ਕਿਲੋਮੀਟਰ ਦੇ ਹਿਸਾਬ ਨਾਲ ਭੱਤਾ ਨਹੀਂ ਦਿੱਤਾ ਜਾਵੇਗਾ। ਰੇਲਵੇ ਅਨੁਸਾਰ ਕਰਮਚਾਰੀਆਂ ਨੂੰ ਡਿਊਟੀ ਕਰਨ ਲਈ ਭੱਤੇ ਕਿਉਂ ਦਿੱਤੇ ਜਾਣ। ਤਾਲਾਬੰਦੀ ਕਾਰਨ ਭਾਰਤੀ ਰੇਲਵੇ ਪਹਿਲਾਂ ਹੀ ਗੰਭੀਰ ਵਿੱਤੀ ਮੁਸ਼ਕਲਾਂ ਵਿਚ ਘਿਰਿਆ ਹੋਇਆ ਹੈ।
ਰੇਲਵੇ ਨੂੰ ਹੋਵੇਗਾ 1490 ਕਰੋੜ ਦਾ ਨੁਕਸਾਨ
ਭਾਰਤੀ ਰੇਲਵੇ ਨੇ ਕਿਹਾ ਹੈ ਕਿ ਲਾਕਡਾਊਨ ਦੀ ਵਧੀ ਹੋਈ ਮਿਆਦ ਦੌਰਾਨ ਯਾਤਰਾ ਲਈ ਬੁੱਕ ਕੀਤੀਆਂ ਗਈਆਂ ਟਿਕਟਾਂ ਦੇ ਪੂਰੇ ਪੈਸੇ ਵਾਪਸ ਕਰ ਦਿੱਤੇ ਜਾਣਗੇ। ਰੇਲਵੇ ਯਾਤਰੀਆਂ ਨੂੰ 22 ਮਾਰਚ ਤੋਂ 14 ਅਪ੍ਰੈਲ ਦਰਮਿਆਨ ਯਾਤਰਾ ਲਈ ਬੁੱਕ ਕੀਤੀ 55 ਲੱਖ ਟਿਕਟਾਂ ਲਈ 830 ਕਰੋੜ ਰੁਪਏ ਦੀ ਰਕਮ ਵਾਪਸ ਕਰ ਦੇਵੇਗੀ। ਇਸ ਦੇ ਨਾਲ ਹੀ 15 ਅਪ੍ਰੈਲ ਤੋਂ 3 ਮਈ ਦਰਮਿਆਨ ਯਾਤਰਾ ਲਈ 39 ਲੱਖ ਬੁਕਿੰਗ ਕੀਤੀ ਗਈ। ਇਸ ਨਾਲ ਰੇਲਵੇ ਨੂੰ ਹੋਣ ਵਾਲੇ ਮਾਲੀਆ ਵਿਚ ਤਕਰੀਬਨ 660 ਕਰੋੜ ਰੁਪਏ ਦਾ ਨੁਕਸਾਨ ਹੋਏਗਾ। ਇਸ ਦਾ ਅਰਥ ਹੈ ਕਿ ਭਾਰਤੀ ਰੇਲਵੇ ਨੂੰ ਕੁਲ ਮਾਲੀਆ ਵਿਚ 1,490 ਕਰੋੜ ਰੁਪਏ ਦਾ ਘਾਟਾ ਪਏਗਾ।
ਭੱਤੇ ਵਿਚ 50% ਤੱਕ ਦੀ ਕਟੌਤੀ ਸੰਭਵ
ਇਕ ਅੰਗ੍ਰਜ਼ੀ ਦੀ ਖ਼ਬਰ ਅਨੁਸਾਰ ਓਵਰਟਾਈਮ ਡਿਊਟੀ ਲਈ ਮਿਲਣ ਵਾਲੇ ਭੱਤੇ ਵਿਚ 50% ਕਟੌਤੀ ਹੋ ਸਕਦੀ ਹੈ। ਮੇਲ-ਐਕਸਪ੍ਰੈਸ ਦੇ ਡਰਾਈਵਰ ਅਤੇ ਗਾਰਡ ਨੂੰ 500 ਕਿਲੋਮੀਟਰ ਲਈ 530 ਰੁਪਏ ਦੇ ਭੱਤੇ ਵਿਚ 50 ਪ੍ਰਤੀਸ਼ਤ ਦੀ ਕਟੌਤੀ ਦਾ ਸੁਝਾਅ ਹੈ।
ਇਸ ਦੇ ਨਾਲ ਹੀ ਰੇਲਵੇ ਕਰਮਚਾਰੀਆਂ ਦੀ ਤਨਖਾਹ ਵਿਚ ਛੇ ਮਹੀਨਿਆਂ ਤੱਕ ਕਮੀ ਕਰਨ ਦੀ ਸਿਫਾਰਸ਼ ਕੀਤੀ ਗਈ ਹੈ। ਇਸ ਵਿਚ 10% ਤੋਂ 35% ਤੱਕ ਦੀ ਕਟੌਤੀ ਹੋ ਸਕਦੀ ਹੈ।
ਸਿਰਫ ਇਹ ਹੀ ਨਹੀਂ, ਮਰੀਜ਼ਾਂ ਦੀ ਦੇਖਭਾਲ, ਕਿਲੋਮੀਟਰ ਸਮੇਤ ਨਾਨ-ਪ੍ਰੈਕਟਿਸ ਭੱਤਾ ਇਕ ਸਾਲ ਤੱਕ 50 ਪ੍ਰਤੀਸ਼ਤ ਘਟਾਇਆ ਜਾ ਸਕਦਾ ਹੈ। ਦੂਜੇ ਪਾਸੇ ਜੇਕਰ ਕਰਮਚਾਰੀ ਇਕ ਮਹੀਨੇ ਲਈ ਦਫਤਰ ਨਹੀਂ ਆਉਂਦਾ, ਤਾਂ ਟਰਾਂਸਪੋਰਟ ਭੱਤਾ 100 ਪ੍ਰਤੀਸ਼ਤ ਕੱਟਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਬੱਚਿਆਂ ਦੇ ਵਿਦਿਆ ਭੱਤੇ ਲਈ ਜਿਹੜੇ 28 ਹਜ਼ਾਰ ਮਿਲਦੇ ਹਨ, ਜਿਨ੍ਹਾਂ ਦੀ ਸਮੀਖਿਆ ਹੋਣੀ ਅਜੇ ਬਾਕੀ ਹੈ।
ਇਹ ਵੀ ਪੜ੍ਹੋ: - ਸਰਕਾਰ ਦਾ ਵੱਡਾ ਫੈਸਲਾ: ਚੀਨ ਤੋਂ ਭਾਰਤੀ ਕੰਪਨੀਆਂ ਦੀ ਸੁਰੱਖਿਆ ਲਈ ਸਖਤ ਕੀਤੇ FDI ਨਿਯਮ
