2018 ''ਚ ਜੀਵਨ ਬੀਮਾ ਉਦਯੋਗ ਨੇ ਬਣਾਇਆ ਰਿਕਾਰਡ

ਬੰਗਲੁਰੂ—ਵਿੱਤੀ ਸਾਲ 2017-18 'ਚ ਭਾਰਤ ਦੇ ਜੀਵਨ ਬੀਮਾ ਉਦਯੋਗ ਨੇ ਪ੍ਰੀਮੀਅਮ 'ਚ 4.6 ਲੱਖ ਕਰੋੜ ਦਾ ਕਲੈਕਸ਼ਨ ਟੈਕਸ ਇਕ ਉੱਚਾ ਰਿਕਾਰਡ ਬਣਾਇਆ ਹੈ, ਜੋ ਇਸ ਤੋਂ ਪਹਿਲਾਂ ਵਾਲੇ ਵਿੱਤੀ ਸਾਲ ਦੇ ਮੁਕਾਬਲੇ 10 ਫੀਸਦੀ ਜ਼ਿਆਦਾ ਹੈ। ਇਹ ਗੱਲ ਬੀਮਾ ਰੈਗੂਲੇਟਰ ਇੰਸ਼ੋਰੈਂਸ ਰੈਗੂਲੇਟਰ ਐਂਡ ਡਿਵੈਲਪਮੈਂਟ ਅਥਾਰਿਟੀ ਆਫ ਇੰਡੀਆ (ਆਈ.ਆਰ.ਡੀ.ਏ.ਆਈ.) ਨੇ ਆਪਣੀ ਸਾਲਾਨਾ ਰਿਪੋਰਟ 'ਚ ਕਹੀ ਹੈ। ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਦੇਸ਼ 'ਚ ਇਸ ਸਮੇਂ ਸੀਮਾ 'ਚ ਜੀਵਨ ਬੀਮਾ ਯੋਗਦਾਨ (ਜੀ.ਡੀ.ਪੀ. ਫੀਸਦੀ ਦੇ ਹਿਸਾਬ ਨਾਲ ਪ੍ਰੀਮੀਅਮ) 2.5 ਫੀਸਦੀ ਤੋਂ ਵਧ ਕੇ 2.8 ਫੀਸਦੀ ਹੋ ਗਿਆ ਹੈ। ਪਿਛਲੇ ਵਿੱਤੀ ਸਾਲ 'ਚ 23 ਨਿੱਜੀ ਬੀਮਾ ਕੰਪਨੀਆਂ ਵਲੋਂ ਕਾਰੋਬਾਰ 'ਚ 19.2 ਫੀਸਦੀ ਦਾ ਵਾਧਾ ਦੇਖਿਆ ਗਿਆ ਹੈ ਜੋ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੇ 17.4 ਫੀਸਦੀ ਤੋਂ ਜ਼ਿਆਦਾ ਹੈ। ਹਾਲਾਂਕਿ ਸਰਕਾਰੀ ਅਗਵਾਈ ਵਾਲੀ ਬੀਮਾ ਕੰਪਨੀ ਭਾਰਤੀ ਜੀਵਨ ਬੀਮਾ ਨਿਗਮ (ਐੱਲ.ਆਈ.ਸੀ.) ਦਾ ਵਾਧਾ 12.8 ਤੋਂ ਡਿੱਗ ਕੇ 5.9 ਫੀਸਦੀ ਰਿਹਾ। 
ਨਤੀਜੇ ਵਜੋਂ ਐੱਲ.ਆਈ.ਸੀ. ਦਾ ਮਾਰਕਿਟ ਸ਼ੇਅਰ 71.8 ਫੀਸਦੀ ਤੋਂ ਡਿੱਗ ਕੇ 69.4 ਫੀਸਦੀ 'ਤੇ ਆ ਗਿਆ ਜਦੋਂਕਿ ਨਿੱਜੀ ਖੇਤਰ ਦੀਆਂ ਬੀਮਾ ਕੰਪਨੀਆਂ ਨੇ ਆਪਣਾ ਮਾਰਕਿਟ ਸ਼ੇਅਰ 28.2 ਫੀਸਦੀ ਤੋਂ ਵਧਾ ਕੇ 30.6 ਫੀਸਦੀ ਕਰ ਲਿਆ ਹੈ। ਇਸ ਸਾਲ ਨਿੱਜੀ ਕੰਪਨੀਆਂ ਦੇ ਕੁੱਲ ਪ੍ਰੀਮੀਅਮ 1.4 ਲੱਖ ਕਰੋੜ ਦੀ ਤੁਲਨਾ 'ਚ ਐੱਲ.ਆਈ.ਸੀ. ਦਾ ਕੁੱਲ ਪ੍ਰੀਮੀਅਮ 3.2 ਲੱਖ ਕਰੋੜ ਰੁਪਏ ਰਿਹਾ। ਹਾਲਾਂਕਿ ਐੱਲ.ਆਈ.ਸੀ. ਨੇ ਨਿੱਜੀ ਕੰਪਨੀਆਂ ਦੀ ਤੁਲਨਾ 'ਚ ਜ਼ਿਆਦਾ ਸਸਤੀਆਂ ਪਾਲਿਸੀਆਂ ਵੇਚ ਕੇ ਆਪਣੇ ਮਾਰਕਿਟ ਸ਼ੇਅਰ ਦੇ ਵਾਧੇ ਨੂੰ ਬਣਾ ਕੇ ਰੱਖਿਆ ਹੈ।