ਸਾਉਣੀ ਸੀਜ਼ਨ ''ਚ ਫ਼ਸਲਾਂ ਦੀ ਬਿਜਾਈ ''ਚ ਆਈ ਤੇਜ਼ੀ ਆਈ, ਰਕਬੇ ''ਚ ਹੋਇਆ 4 ਫ਼ੀਸਦੀ ਦਾ ਵਾਧਾ

ਬਿਜ਼ਨੈੱਸ ਡੈਸਕ : ਮੌਜੂਦਾ ਸਾਉਣੀ ਸੀਜ਼ਨ ਵਿੱਚ ਸਾਉਣੀ ਦੀਆਂ ਫ਼ਸਲਾਂ ਦੀ ਬਿਜਾਈ ਚੰਗੀ ਤਰੀਕੇ ਨਾਲ ਹੋ ਰਹੀ ਹੈ। ਇਸ ਸਦਕਾ ਪਿਛਲੇ ਸਾਲ ਦੇ ਮੁਕਾਬਲੇ ਹੁਣ ਤੱਕ 4 ਫ਼ੀਸਦੀ ਤੋਂ ਵੱਧ ਸਾਉਣੀ ਦੀਆਂ ਫ਼ਸਲਾਂ ਦੀ ਬਿਜਾਈ ਹੋ ਚੁੱਕੀ ਹੈ। ਸਾਉਣ ਦੀ ਫ਼ਸਲ ਦੇ ਨਾਲ ਹੀ ਇਸ ਸੀਜ਼ਨ ਦੀ ਸਭ ਤੋਂ ਵੱਡੀ ਫ਼ਸਲ ਝੋਨੇ ਦੇ ਰਕਬੇ ਵਿੱਚ ਵੀ ਕਾਫ਼ੀ ਵਾਧਾ ਦੇਖਿਆ ਜਾ ਰਿਹਾ ਹੈ। ਮੋਟੇ ਅਨਾਜ ਅਤੇ ਦਾਲਾਂ ਦੀ ਬਿਜਾਈ ਵੀ ਵਧੀ ਹੈ, ਜਦਕਿ ਤੇਲ ਬੀਜ ਫ਼ਸਲਾਂ ਦੀ ਬਿਜਾਈ ਕਮਜ਼ੋਰ ਹੋ ਗਈ ਹੈ। 

ਇਹ ਵੀ ਪੜ੍ਹੋ - 26, 27, 28, 29 ਜੁਲਾਈ ਨੂੰ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ, IMD ਵਲੋਂ ਯੈਲੋ ਅਲਰਟ ਜਾਰੀ

ਦੱਸ ਦੇਈਏ ਕਿ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ, 25 ਜੁਲਾਈ ਤੱਕ, 829.64 ਲੱਖ ਹੈਕਟੇਅਰ ਵਿੱਚ ਸਾਉਣੀ ਦੀਆਂ ਫ਼ਸਲਾਂ ਬੀਜੀਆਂ ਗਈਆਂ ਹਨ, ਜੋ ਪਿਛਲੇ ਸਾਲ ਇਸੇ ਸਮੇਂ ਵਿੱਚ ਬੀਜੀਆਂ ਗਈਆਂ ਇਨ੍ਹਾਂ ਫਸਲਾਂ ਦੇ 797.91 ਲੱਖ ਹੈਕਟੇਅਰ ਨਾਲੋਂ 4% ਵੱਧ ਹੈ। ਇਸ ਸਾਲ ਸਾਉਣੀ ਦੀਆਂ ਫ਼ਸਲਾਂ ਦੀ ਬਿਜਾਈ ਦੇ ਤਾਜ਼ਾ ਅੰਕੜਿਆਂ ਵਿੱਚ ਇਸ ਸੀਜ਼ਨ ਦੀ ਮੁੱਖ ਫ਼ਸਲ ਝੋਨੇ ਦੇ ਰਕਬੇ ਵਿੱਚ ਵਾਧਾ ਦਰਜ ਕੀਤਾ ਗਿਆ। 25 ਜੁਲਾਈ ਤੱਕ 245.13 ਲੱਖ ਹੈਕਟੇਅਰ ਵਿੱਚ ਝੋਨੇ ਦੀ ਬਿਜਾਈ ਕੀਤੀ ਗਈ, ਜੋ ਪਿਛਲੇ ਸਾਲ ਦੇ ਇਸੇ ਸਮੇਂ 216.16 ਲੱਖ ਹੈਕਟੇਅਰ ਰਕਬੇ ਨਾਲੋਂ 13.40 ਫ਼ੀਸਦੀ ਵੱਧ ਹੈ। 

ਇਹ ਵੀ ਪੜ੍ਹੋ - ਹੋਮ ਗਾਰਡ ਭਰਤੀ ਦੌੜ 'ਚ ਬੇਹੋਸ਼ ਹੋਈ ਔਰਤ, ਹਸਪਤਾਲ ਲਿਜਾਂਦੇ ਸਮੇਂ ਐਂਬੂਲੈਂਸ 'ਚ ਹੋਇਆ ਸਮੂਹਿਕ ਬਲਾਤਕਾਰ

ਸਰਕਾਰੀ ਅੰਕੜਿਆਂ ਅਨੁਸਾਰ 25 ਜੁਲਾਈ ਤੱਕ 93.05 ਲੱਖ ਹੈਕਟੇਅਰ ਵਿੱਚ ਦਾਲਾਂ ਦੀਆਂ ਫ਼ਸਲਾਂ ਦੀ ਬਿਜਾਈ ਕੀਤੀ ਗਈ, ਜਦੋਂ ਕਿ ਪਿਛਲੇ ਸਾਲ ਇਹ ਅੰਕੜਾ 89.94 ਲੱਖ ਹੈਕਟੇਅਰ ਸੀ। ਇਸ ਸਾਲ ਹੁਣ ਤੱਕ ਦਾਲਾਂ ਦੀਆਂ ਫ਼ਸਲਾਂ ਦੀ ਬਿਜਾਈ ਵਿੱਚ 3.45 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ 25 ਜੁਲਾਈ ਤੱਕ ਮੋਟੇ ਅਨਾਜਾਂ ਹੇਠਲਾ ਰਕਬਾ 3.71 ਫ਼ੀਸਦੀ ਵਧ ਕੇ 160.72 ਲੱਖ ਹੈਕਟੇਅਰ ਹੋ ਗਿਆ। ਮੱਕੀ ਹੇਠਲਾ ਰਕਬਾ 8.43 ਫ਼ੀਸਦੀ ਵਧ ਕੇ 85.58 ਲੱਖ ਹੈਕਟੇਅਰ ਹੋ ਗਿਆ। ਬਾਜਰੇ ਅਤੇ ਜਵਾਰ ਹੇਠਲਾ ਰਕਬਾ ਵੀ ਥੋੜ੍ਹਾ ਜਿਹਾ ਵਧਿਆ ਹੈ। ਹਾਲਾਂਕਿ, ਰਾਗੀ ਦੀ ਬਿਜਾਈ ਲਗਭਗ 22 ਫ਼ੀਸਦੀ ਘਟ ਕੇ 2.03 ਲੱਖ ਹੈਕਟੇਅਰ ਹੋ ਗਈ।

ਇਹ ਵੀ ਪੜ੍ਹੋ - '2 ਘੰਟੇ ਬਾਅਦ ਉਡਾ ਦੇਵਾਂਗੇ CM ਦਫ਼ਤਰ ਤੇ ਜੈਪੁਰ ਏਅਰਪੋਰਟ', ਅਲਰਟ 'ਤੇ ਸੁਰੱਖਿਆ ਏਜੰਸੀਆਂ

ਹਾਲਾਂਕਿ ਅਰਹਰ ਹੇਠ ਰਕਬੇ ਵਿੱਚ ਗਿਰਾਵਟ ਆਈ ਹੈ, ਜਿਸ ਦਾ ਰਕਬਾ ਪਿਛਲੇ ਸਾਲ 37.99 ਲੱਖ ਹੈਕਟੇਅਰ ਤੋਂ ਘੱਟ ਕੇ ਇਸ ਸਾਲ 34.90 ਲੱਖ ਹੈਕਟੇਅਰ ਰਹਿ ਗਿਆ। ਉੜਦ ਹੇਠਲਾ ਰਕਬਾ ਵੀ 1.20 ਲੱਖ ਹੈਕਟੇਅਰ ਘਟ ਕੇ 16.59 ਲੱਖ ਹੈਕਟੇਅਰ ਰਹਿ ਗਿਆ। ਹਾਲਾਂਕਿ, ਮੂੰਗੀ ਹੇਠਲਾ ਰਕਬਾ 16% ਵਧ ਕੇ 30.60 ਲੱਖ ਹੈਕਟੇਅਰ ਹੋ ਗਿਆ। ਇਸ ਸੀਜ਼ਨ ਵਿੱਚ ਗੰਨੇ ਦਾ ਰਕਬਾ ਅੱਧਾ ਫ਼ੀਸਦੀ ਵਧ ਕੇ 55.16 ਲੱਖ ਹੈਕਟੇਅਰ ਹੋ ਗਿਆ, ਜਦੋਂ ਕਿ ਕਪਾਹ ਦਾ ਰਕਬਾ 2.24 ਫ਼ੀਸਦੀ ਘਟ ਕੇ 105.52 ਲੱਖ ਹੈਕਟੇਅਰ ਹੋ ਗਿਆ ਹੈ। 25 ਜੁਲਾਈ ਤੱਕ ਤੇਲ ਬੀਜ ਫ਼ਸਲਾਂ ਦੀ ਬਿਜਾਈ 166.89 ਲੱਖ ਹੈਕਟੇਅਰ ਵਿੱਚ ਕੀਤੀ ਗਈ, ਜੋ ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ 170.73 ਲੱਖ ਹੈਕਟੇਅਰ ਤੇਲ ਬੀਜ ਰਕਬੇ ਨਾਲੋਂ 2.24 ਪ੍ਰਤੀਸ਼ਤ ਘੱਟ ਹੈ।

ਇਹ ਵੀ ਪੜ੍ਹੋ - ਧਰਤੀ ਤੋਂ 35,000 ਫੁੱਟ ਦੀ ਉਚਾਈ 'ਤੇ ਹੋਇਆ ਬੱਚੇ ਦਾ ਜਨਮ, ਜਹਾਜ਼ 'ਚ ਇੰਝ ਕਰਵਾਈ ਡਿਲੀਵਰੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8