ਕੇਰਲ ਹੜ੍ਹ: Paytm ਦੇ ਸੰਸਥਾਪਕ ਨੇ ਦਾਨ ਕੀਤੇ 10 ਹਜ਼ਾਰ ਰੁਪਏ, ਲੋਕਾਂ ਨੇ ਕੀਤਾ ਟ੍ਰੋਲ

ਮੁੰਬਈ — ਕੁਦਰਤੀ ਆਫਤਾਂ ਦਾ ਸਾਹਮਣਾ ਕਰ ਰਹੇ ਕੇਰਲ ਦੀ ਮਦਦ ਲਈ ਦੇਸ਼ ਦੇ ਨਾਲ-ਨਾਲ ਦੁਨੀਆ ਭਰ ਤੋਂ ਲੋਕ ਸਹਾਇਤਾ ਲਈ ਅੱਗੇ ਆ ਰਹੇ ਹਨ। ਆਮ ਤੋਂ ਖਾਸ ਲੋਕ ਵੀ ਆਪਣੇ ਪੱਧਰ 'ਤੇ ਪੈਸੇ ਅਤੇ ਜ਼ਰੂਰੀ ਸਮਾਨ ਦੇ ਕੇ ਦਾਨ ਕਰ ਰਹੇ ਹਨ।
ਕੇਰਲ ਵਾਸੀਆਂ ਦੀ ਸਹਾਇਤਾ ਲਈ ਆਨਲਾਈਨ ਪੇਮੈਂਟ ਪੋਰਟਲ Paytm(ਪੇਟੀਐੱਮ) ਦੇ ਸੰਸਥਾਪਕ ਵਿਜੇ ਸ਼ੇਖਰ ਸ਼ਰਮਾ ਵੀ ਸ਼ਾਮਲ ਹੋ ਗਏ ਹਨ। ਉਨ੍ਹਾਂ ਨੇ ਕੇਰਲ 'ਚ ਹੜ੍ਹ ਪੀੜਤਾਂ ਦੀ ਸਹਾਇਤਾ ਲਈ 10 ਹਜ਼ਾਰ ਰੁਪਏ ਦਾਨ ਕੀਤੇ। ਅਰਬਪਤੀ ਸ਼ਰਮਾ ਦੀ ਇਸ ਸਹਾਇਤਾ ਨੂੰ ਸੋਸ਼ਲ ਮੀਡੀਆ ਯੂਜ਼ਰਜ਼ ਨੇ ਬਹੁਤ ਮਾਮੂਲੀ ਦੱਸਦੇ ਹੋਏ ਉਨ੍ਹਾਂ 'ਤੇ ਨਿਸ਼ਾਨਾ ਸਾਧਿਆ। 
ਦਰਅਸਲ ਸ਼ੁੱਕਰਵਾਰ ਨੂੰ ਵਿਜੇ ਸ਼ੇਖਰ ਨੇ ਇਕ ਸਕ੍ਰੀਨਸ਼ਾਟ ਟਵੀਟ ਕਰਦੇ ਹੋਏ ਕਿਹਾ ਸੀ ਕਿ ਉਨ੍ਹਾਂ ਨੇ ਕੇਰਲ ਦੇ ਲੋਕਾਂ ਦੀ ਸਹਾਇਤਾ ਲਈ 10 ਹਜ਼ਾਰ ਰੁਪਏ ਦਾਨ ਦਿੱਤੇ ਹਨ। ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਪੇਟੀਐੱਮ ਦੇ ਜ਼ਰੀਏ ਦਾਨ ਕਰਨ।

Paytm founder @vijayshekhar Sharma, The youngest Indian billionaire with net worth of $1.7 billion did a self promotion by posting a screenshot of him donating a huge amount Rs.10000 via his @Paytm app towards #KeralaFloods. Deleted it later. pic.twitter.com/ML7GHh1Y8i

— Unofficial Sususwamy (@swamv39) August 18, 2018

We are extremely proud to announce that we have received contributions of INR 20 Crore+ in under 3 days, from over 8 lakh Paytm users for #KeralaFloodRelief 🙏

Let’s keep contributing.#IndiaForKerala 🇮🇳

— Paytm (@Paytm) August 19, 2018

Paytm ਨੇ ਲਿਖਿਆ ਕਿ ਸਾਨੂੰ ਇਹ ਦੱਸਦੇ ਹੋਏ ਮਾਣ ਮਹਿਸੂਸ ਹੋ ਰਿਹਾ ਹੈ ਕਿ 48 ਘੰਟੇ ਤੋਂ ਵੀ ਘੱਟ ਸਮੇਂ 'ਚ ਅਸੀਂ 10 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਧਨ ਰਾਸ਼ੀ ਇਕੱਠੀ ਕਰ ਲਈ ਹੈ। Paytm ਦੇ 4 ਲੱਖ ਯੂਜ਼ਰਜ਼ ਨੇ ਇਹ ਦਾਨ ਦਿੱਤਾ ਹੈ।
ਵਿਜੇ ਸ਼ੇਖਰ ਸ਼ਰਮਾ ਦੇ ਦਿੱਤੇ ਇਸ ਮਾਮੂਲੀ ਦਾਨ 'ਤੇ ਲੋਕਾਂ ਨੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ। ਬਾਅਦ 'ਚ ਉਨ੍ਹਾਂ ਨੇ ਇਸ ਨੂੰ ਲੈ ਕੇ ਟ੍ਰੋਲ ਹੋਣ 'ਤੇ ਆਪਣਾ ਟਵੀਟ ਹਟਾ ਲਿਆ।

Just sent ₹501 to Armed Forces Flag Day Fund. #🇮🇳 @DefenceMinIndia pic.twitter.com/B5KD7wcdb9

— Vijay Shekhar (@vijayshekhar) December 1, 2017

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਵਿਜੇ ਸ਼ੇਖਰ ਸ਼ਰਮਾ ਦੀ ਉਦਾਰਤਾ ਨੂੰ ਲੈ ਕੇ ਪ੍ਰਸ਼ਨ ਉੱਠ ਰਹੇ ਹੋਣ। ਦਸੰਬਰ 2017 'ਚ ਆਰਮਡ ਫੋਰਸਿਜ਼ ਫਲੈਗ ਦਿਨ 'ਤੇ 501 ਰੁਪਏ ਭਾਰਤੀ ਆਰਮਡ ਫੋਰਸਿਜ਼ ਨੂੰ ਦਾਨ ਕਰਨ ਅਤੇ ਟਵਿੱਟਰ 'ਤੇ ਇਸ ਨੂੰ ਸ਼ੇਅਰ ਕਰਨ ਸਮੇਂ ਵੀ ਉਹ ਲੋਕਾਂ ਦੇ ਨਿਸ਼ਾਨੇ 'ਤੇ ਆ ਗਏ ਸਨ।