ਪ੍ਰਾਈਵੇਟ ਨੌਕਰੀ ਵਾਲਿਆਂ ਨੂੰ ਮੋਦੀ ਸਰਕਾਰ ਦਾ ਤੋਹਫਾ, ਨੌਕਰੀ ਜਾਣ ਤੇ ਪੈਸੇ ਦੇਵੇਗੀ ESIC

ਨਵੀਂ ਦਿੱਲੀ—ਪ੍ਰਾਈਵੇਟ ਨੌਕਰੀ ਕਰਨ ਵਾਲਿਆਂ ਨੂੰ ਮੋਦੀ ਸਰਕਾਰ ਨੇ ਵੱਡਾ ਤੋਹਫਾ ਦਿੱਤਾ ਹੈ। ਜੇਕਰ ਤੁਹਾਡੀ ਨੌਕਰੀ ਚਲੀ ਜਾਂਦੀ ਹੈ ਤਾਂ ਸਰਕਾਰ ਤੁਹਾਨੂੰ 24 ਮਹੀਨੇ ਭਾਵ 2 ਸਾਲ ਤੱਕ ਪੈਸੇ ਦੇਵੇਗੀ। ਦਰਅਸਲ ਕਰਮਚਾਰੀ ਰਾਜ ਬੀਮਾ ਨਿਗਮ (ਈ.ਐੱਸ.ਆਈ.ਸੀ.) 'ਅਟਲ ਬੀਮਿਤ ਵਿਅਕਤੀ ਕਲਿਆਣ ਯੋਜਨਾ' ਦੇ ਤਹਿਤ ਨੌਕਰੀ ਜਾਣ 'ਤੇ ਆਰਥਿਕ ਮਦਦ ਦਿੰਦੀ ਹੈ। ਈ.ਐੱਸ.ਆਈ.ਸੀ. ਨੇ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਈ.ਐੱਸ.ਆਈ.ਸੀ. ਨੇ ਟਵੀਟ ਕਰਕੇ ਦੱਸਿਆ ਕਿ ਰੁਜ਼ਗਾਰ ਚਲੇ ਜਾਣ ਦਾ ਮਤਲਬ ਆਮਦਨ ਦੀ ਹਾਨੀ ਨਹੀਂ ਹੈ। ਈ.ਐੱਸ.ਆਈ.ਸੀ. ਰੁਜ਼ਗਾਰ ਦੀ ਅਣਇੱਛਕ ਹਾਨੀ ਜਾਂ ਗੈਰ-ਰੁਜ਼ਗਾਰ ਸੱਟ ਦੇ ਕਾਰਨ ਸਥਾਈ ਕਮਜ਼ੋਰੀ ਦੇ ਮਾਮਲੇ 'ਚ 24 ਮਹੀਨੇ ਦੇ ਸਮੇਂ ਲਈ ਮਾਸਿਕ ਨਕਦ ਰਾਸ਼ੀ ਦਾ ਭੁਗਤਾਨ ਕਰਦਾ ਹੈ।

ਕੇਸ ਕਰੋ ਅਰਜ਼ੀ?
ਅਟਲ ਬੀਮਿਤ ਵਿਅਕਤੀ ਕਲਿਆਣ ਯੋਜਨਾ ਦਾ ਲਾਭ ਉਠਾਉਣ ਲਈ ਤੁਸੀਂ ਆਈ.ਐੱਸ.ਆਈ.ਸੀ. ਦੀ ਵੈੱਬਸਾਈਟ 'ਤੇ ਜਾ ਕੇ ਫਾਰਮ ਡਾਊਨਲੋਡ ਕਰ ਸਕਦੇ ਹੋ। ਇਸ ਨੂੰ ਭਰ ਕੇ ਤੁਹਾਨੂੰ ਈ.ਐੱਸ.ਆਈ.ਸੀ. ਦੇ ਕਿਸੇ ਬ੍ਰਾਂਚ 'ਚ ਜਮ੍ਹਾ ਕਰਵਾਉਣਾ ਹੋਵੇਗਾ। ਇਸ ਫਾਰਮ ਦੇ ਨਾਲ 20 ਰੁਪਏ ਦਾ ਨਾਨ-ਜਿਊਡਿਸ਼ੀਅਲ ਪੇਪਰ 'ਤੇ ਨੋਟਰੀ ਤੋਂ ਐਫੀਡੇਵਿਡ ਕਰਵਾਉਣਾ ਹੋਵੇਗਾ। ਇਸ 'ਚ ਏਬੀ-1 ਤੋਂ ਲੈ ਕੇ ਏਬੀ-4 ਫਾਰਮ ਜਮ੍ਹਾ ਕਰਵਾਇਆ ਜਾਵੇਗਾ।
ਆਨਲਾਈਨ ਸੁਵਿਧਾ ਇਸ ਦੇ ਲਈ ਸ਼ੁਰੂ ਹੋਣ ਵਾਲੀ ਹੈ। ਜ਼ਿਆਦਾ ਜਾਣਕਾਰੀ ਲਈ ਤੁਸੀਂ    ਵੈੱਬਸਾਈਟ 'ਤੇ ਜਾ ਸਕਦੇ ਹੋ। ਧਿਆਨ ਰੱਖੋ ਇਸ ਦਾ ਫਾਇਦਾ ਤੁਸੀਂ ਸਿਰਫ ਇਕ ਵਾਰ ਹੀ ਉਠਾ ਸਕਦੇ ਹੋ।

ਇਲਾਜ ਲਈ ਨਿਯਮ ਵੀ ਹੋਇਆ ਆਸਾਨ
ਈ.ਐੱਸ.ਆਈ.ਸੀ. ਨੇ ਸੁਪਰ ਸਪੈਸ਼ਿਅਲਿਟੀ ਟ੍ਰੀਟਮੈਂਟ ਦੇ ਨਿਯਮ ਦੇ ਪਹਿਲਾਂ ਦੇ ਮੁਕਾਬਲੇ ਆਸਾਨ ਕਰ ਦਿੱਤੇ ਹਨ। ਪਹਿਲਾਂ ਇਸ ਲਈ ਦੋ ਸਾਲ ਤੱਕ ਰੁਜ਼ਗਾਰ 'ਚ ਹੋਣ ਜ਼ਰੂਰੀ ਸੀ ਜੋ ਹੁਣ ਸਿਰਫ 6 ਮਹੀਨੇ ਕਰ ਦਿੱਤਾ ਗਿਆ ਹੈ। ਉੱਧਰ ਯੋਗਦਾਨ ਦੀ ਸ਼ਰਤ 78 ਦਿਨਾਂ ਦੀ ਕਰ ਦਿੱਤੀ ਗਈ ਹੈ।

ਕਿਸ ਨੂੰ ਨਹੀਂ ਮਿਲੇਗਾ ਯੋਜਨਾ ਦਾ ਫਾਇਦਾ
ਈ.ਐੱਸ.ਆਈ.ਸੀ. ਨਾਲ ਬੀਮਿਤ ਕੋਈ ਵੀ ਅਜਿਹਾ ਵਿਅਕਤੀ ਜਿਸ ਨੂੰ ਕਿਸੇ ਕਾਰਨ ਨਾਲ ਕੰਪਨੀ ਤੋਂ ਕੱਢ ਦਿੱਤਾ ਜਾਂਦਾ ਹੈ ਤਾਂ ਉਸ ਵਿਅਕਤੀ 'ਤੇ ਕਿਸੇ ਤਰ੍ਹਾਂ ਦਾ ਅਪਰਾਧਿਕ ਮਾਮਲਾ ਦਰਜ ਹੁੰਦਾ ਹੈ ਤਾਂ ਇਸ ਨੂੰ ਇਸ ਯੋਜਨਾ ਦਾ ਲਾਭ ਨਹੀਂ ਮਿਲਦਾ ਹੈ। ਇਸ ਦੇ ਇਲਾਵਾ ਜੋ ਲੋਕ ਬਦਲ ਰਿਟਾਇਰਮੈਂਟ (ਵੀ.ਆਰ.ਐੱਸ.) ਲੈਂਦੇ ਹਨ ਤਾਂ ਉਨ੍ਹਾਂ ਨੂੰ ਵੀ ਇਸ ਯੋਜਨਾ ਦਾ ਲਾਭ ਨਹੀਂ ਮਿਲੇਗਾ।