ਭਾਰਤ ਬਣ ਸਕਦੈ ਅਗਲਾ ਚੀਨ, ਭਾਰਤੀ ਸ਼ੇਅਰਾਂ ਦੀ ਧੜਾਧੜ ਖਰੀਦ ਕਰ ਰਹੇ ਨੇ ਜਾਪਾਨੀ ਨਿਵੇਸ਼ਕ

ਬਿਜ਼ਨੈੱਸ ਡੈਸਕ : ਭਾਰਤ ਦੇ ਵਿਕਾਸ ਦੀ ਆਵਾਜ਼ ਵਿਦੇਸ਼ਾਂ ਵਿੱਚ ਵੀ ਸੁਣਾਈ ਦੇ ਰਹੀ ਹੈ। ਕਈ ਦੇਸ਼ਾਂ ਦੇ ਨਿਵੇਸ਼ਕ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਕਰ ਰਹੇ ਹਨ। ਜਾਪਾਨੀ ਨਿਵੇਸ਼ਕ ਜਾਪਾਨ ਛੱਡ ਕੇ ਭਾਰਤ 'ਤੇ ਭਰੋਸਾ ਕਰ ਰਹੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਭਾਰਤ ਅਗਲਾ ਚੀਨ ਹੈ, ਜੋ ਤੇਜ਼ੀ ਨਾਲ ਵਿਕਾਸ ਕਰ ਰਿਹਾ ਹੈ। ਬਲੂਮਬਰਗ ਨੇ ਇਸ ਸਬੰਧ ਵਿਚ ਇਕ ਰਿਪੋਰਟ ਪੇਸ਼ ਕੀਤੀ, ਜਿਸ ਦੇ ਅਨੁਸਾਰ ਭਾਰਤੀ ਸਟਾਕਾਂ ਨਾਲ ਸਬੰਧਤ ਜਾਪਾਨੀ ਨਿਵੇਸ਼ ਟਰੱਸਟ ਦੀ ਕੁੱਲ ਜਾਇਦਾਦ ਵਿਚ 11 ਫ਼ੀਸਦੀ ਦਾ ਵਾਧਾ ਹੋਇਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਜਾਇਦਾਦ 13.41 ਹਜ਼ਾਰ ਕਰੋੜ ਰੁਪਏ ਹੋ ਗਈ।

ਇਹ ਵੀ ਪੜ੍ਹੋ - Paytm 'ਤੇ RBI ਦਾ ਵੱਡਾ ਐਕਸ਼ਨ: 29 ਫਰਵਰੀ ਤੋਂ ਬਾਅਦ ਬੰਦ ਹੋ ਜਾਣਗੀਆਂ ਬੈਂਕਿੰਗ ਸੇਵਾਵਾਂ

ਪਿਛਲੇ ਮਹੀਨੇ ਜਾਪਾਨੀ ਨਿਵੇਸ਼ਕਾਂ ਨੂੰ ਭਾਰਤੀ ਸ਼ੇਅਰਾਂ ਨਾਲ ਸਬੰਧਤ ਫੰਡਾਂ ਵਿੱਚ ਨਿਵੇਸ਼ ਕਰਕੇ ਲਗਭਗ 14 ਹਜ਼ਾਰ ਕਰੋੜ ਯੇਨ ਯਾਨੀ 7920.04 ਕਰੋੜ ਰੁਪਏ ਦਾ ਰਿਟਰਨ ਮਿਲਿਆ ਹੈ। ਜਦੋਂ ਕਿ ਜਾਪਾਨੀ ਸਟਾਕਾਂ ਨਾਲ ਸਬੰਧਤ ਫੰਡਾਂ ਨੇ ਨਾ-ਮਾਤਰ ਪ੍ਰਵਾਹ ਦਰਜ ਕੀਤਾ। ਇਸ ਲਈ ਜਾਪਾਨੀ ਨਿਵੇਸ਼ਕ ਭਾਰਤੀ ਸ਼ੇਅਰ ਬਾਜ਼ਾਰ ਵੱਲ ਰੁੱਖ ਕਰ ਰਹੇ ਹਨ।

ਇਹ ਵੀ ਪੜ੍ਹੋ - CEO ਬੈਜੂ ਰਵਿੰਦਰਨ ਨੂੰ ਅਹੁਦੇ ਤੋਂ ਹਟਾਉਣ ਦੀ ਸਾਜ਼ਿਸ਼ ਰਚ ਰਹੇ ਹਨ ਕੁਝ ਨਿਵੇਸ਼ਕ : Byju’s

ਜਾਪਾਨੀ ਨਿਵੇਸ਼ਕ ਕਿਸ ਸਟਾਕ ਵਿੱਚ ਦਿਲਚਸਪੀ ਦਿਖਾ ਰਹੇ ਹਨ?
ਭਾਰਤੀ ਨਿਵੇਸ਼ਕ ਭਾਰਤ ਦੇ ਕਿਸੇ ਵਿਸ਼ੇਸ਼ ਸਟਾਕ ਲਈ ਨਹੀਂ ਬਲਕਿ ਪੂਰੇ ਭਾਰਤ ਵਿੱਚ ਬਹੁਤ ਦਿਲਚਸਪੀ ਦਿਖਾ ਰਹੇ ਹਨ। ਹੋਰ ਉਭਰਦੇ ਦੇਸ਼ਾਂ ਵਿਚ ਉਹ ਭਾਰਤ ਨੂੰ ਜ਼ਿਆਦਾ ਮਹੱਤਵ ਦੇ ਰਹੇ ਹਨ। ਇਸ ਸਾਲ ਸ਼ੁਰੂ ਕੀਤੇ ਗਏ ਟੈਕਸ ਮੁਕਤ ਨਿਵੇਸ਼ ਖਾਤੇ ਵੀ ਇਸ ਦਾ ਕਾਰਨ ਹਨ। ਜਾਪਾਨ ਦੀ ਯੂਬੀਐੱਸ ਸੁਮੀ ਟਰੱਸਟ ਵੈਲਥ ਮੈਨੇਜਮੈਂਟ ਕੰਪਨੀ ਦੇ ਸੀਈਓ ਦਾਈਜੂ ਦਾ ਮੰਨਣਾ ਹੈ ਕਿ ਭਾਰਤ ਦੇ ਆਰਥਿਕ ਵਿਕਾਸ ਦੇ ਮੱਦੇਨਜ਼ਰ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਜਾਪਾਨੀ ਨਿਵੇਸ਼ਕਾਂ ਦਾ ਆਕਰਸ਼ਣ ਵਧਿਆ ਹੈ। ਜਾਪਾਨੀ ਨਿਵੇਸ਼ਕ ਕਿਸੇ ਵਿਸ਼ੇਸ਼ ਕੰਪਨੀ ਦੇ ਸ਼ੇਅਰਾਂ ਵਿੱਚ ਪੈਸਾ ਨਹੀਂ ਲਗਾਉਣਾ ਚਾਹੁੰਦੇ, ਸਗੋਂ ਉਨ੍ਹਾਂ ਦੀ ਦਿਲਚਸਪੀ ਪੂਰੇ ਭਾਰਤ ਲਈ ਦਿਖਾਈ ਦਿੰਦੀ ਹੈ।

ਇਹ ਵੀ ਪੜ੍ਹੋ - ਸ਼੍ਰੀਨਗਰ, ਗਯਾ ਸਮੇਤ 7 ਸ਼ਹਿਰਾਂ ਤੋਂ ਹੱਜ ਉਡਾਣਾਂ ਦਾ ਸੰਚਾਲਨ ਕਰੇਗੀ SpiceJet

ਚੀਨ ਵਿੱਚ ਤੇਜ਼ੀ ਨਾਲ ਘਟ ਰਿਹਾ ਨਿਵੇਸ਼ 
ਦੁਨੀਆ ਦੇ ਉਭਰਦੇ ਦੇਸ਼ਾਂ ਵਿੱਚ ਨਿਵੇਸ਼ ਦੇ ਮਾਮਲੇ ਵਿੱਚ ਜਾਪਾਨੀ ਪ੍ਰਚੂਨ ਨਿਵੇਸ਼ਕਾਂ ਦਾ ਭਾਰਤ ਵਿੱਚ ਭਰੋਸਾ ਵਧ ਰਿਹਾ ਹੈ। ਇਸ ਦੇ ਨਾਲ ਹੀ ਚੀਨ ਦੇ ਸ਼ੇਅਰ ਬਾਜ਼ਾਰ 'ਚ ਨਿਵੇਸ਼ ਡਿੱਗ ਰਿਹਾ ਹੈ। ਭਾਵੇਂ ਪਿਛਲੇ ਮਹੀਨੇ ਭਾਰਤ ਦਾ ਨਿਫਟੀ 50 ਸੂਚਕਾਂਕ ਰੁਪਏ ਦੇ ਲਿਹਾਜ਼ ਨਾਲ ਲਗਭਗ ਸਪਾਟ ਰਿਹਾ, ਪਰ ਜਾਪਾਨੀ ਕਰੰਸੀ ਯੇਨ ਦੀ ਗਿਰਾਵਟ ਕਾਰਨ ਇਹ 4.2 ਫ਼ੀਸਦੀ ਵਧ ਗਿਆ। ਆਬਾਦੀ ਦੇ ਆਧਾਰ 'ਤੇ ਵੀ ਇਹ ਮਾਹੌਲ ਭਾਰਤ ਦੇ ਹੱਕ ਵਿਚ ਹੈ। ਸੰਯੁਕਤ ਰਾਸ਼ਟਰ ਦੀ ਇਕ ਰਿਪੋਰਟ ਮੁਤਾਬਕ ਸਾਲ 2050 ਤੱਕ ਭਾਰਤ ਦੀ ਆਬਾਦੀ 17 ਫ਼ੀਸਦੀ ਵਧ ਸਕਦੀ ਹੈ ਪਰ ਚੀਨ ਦੀ ਆਬਾਦੀ 7.9 ਫ਼ੀਸਦੀ ਘਟਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ - SpiceJet ਦਾ ਧਮਾਕੇਦਾਰ ਆਫ਼ਰ, ਸਿਰਫ਼ 1622 'ਚ ਲੋਕ ਕਰਨ ਅਯੁੱਧਿਆ ਰਾਮ ਮੰਦਰ ਦੇ ਦਰਸ਼ਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8