ਤਿੰਨ ਸਾਲਾਂ ’ਚ ਪਹਿਲੀ ਵਾਰ ਭਾਰਤ ਤੋਂ 1ਲੱਖ 50 ਹਜ਼ਾਰ ਟਨ ਚੌਲ਼ ਖ਼ਰੀਦੇਗਾ ਬੰਗਲਾਦੇਸ਼

ਨਵੀਂ ਦਿੱਲੀ : ਬੰਗਲਾਦੇਸ਼ ਭਾਰਤ ਤੋਂ 1,50,000 ਟਨ ਚੌਲ ਖਰੀਦਣ ਦੀ ਤਿਆਰੀ ’ਚ ਹੈ। ਤਿੰਨ ਸਾਲ ’ਚ ਇਹ ਪਹਿਲਾ ਮੌਕਾ ਹੈ ਜਦੋਂ ਬੰਗਲਾਦੇਸ਼ ਭਾਰਤ ਤੋਂ ਚੌਲ ਖਰੀਦ ਰਿਹਾ ਹੈ। ਹੜ੍ਹ ਕਾਰਣ ਬੰਗਲਾਦੇਸ਼ ’ਚ ਚੌਲਾਂ ਦੀ ਕੀਮਤ ਰਿਕਾਰਡ ਪੱਧਰ ’ਤੇ ਪਹੁੰਚ ਗਈ ਹੈ। ਭਾਰਤ ਦੁਨੀਆ ’ਚ ਚੌਲਾਂ ਦਾ ਸਭ ਤੋਂ ਵੱਡਾ ਬਰਾਮਦਕਾਰ ਹੈ। ਬੰਪਰ ਫਸਲ ਤੋਂ ਬਾਅਦ ਭਾਰਤ ’ਚ ਚੌਲਾਂ ਦਾ ਸਰਪਲੱਸ ਭੰਡਾਰ ਹੋ ਗਿਆ ਹੈ। ਇਹੀ ਕਾਰਣ ਹੈ ਕਿ ਉਹ ਥਾਈਲੈਂਡ ਅਤੇ ਵੀਅਤਨਾਮ ਦੇ ਮੁਕਾਬਲੇ ਘੱਟ ਕੀਮਤ ’ਤੇ ਚੌਲ ਬਰਾਮਦ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ: ਮੋਦੀ ਦੀ ਕਿਸਾਨਾਂ ਨਾਲ ਆਨਲਾਈਨ ਵਿਚਾਰ-ਚਰਚਾ ’ਚ ਨਹੀਂ ਦਿਖੇ ‘ਪੰਜਾਬ ਦੇ ਕਿਸਾਨ’

ਨੈਸ਼ਨਲ ਐਗਰੀਕਲਚਰ ਕੋਆਪ੍ਰੇਟਿਵ ਮਾਰਕੀਟਿੰਗ ਫੈੱਡਰੇਸ਼ਨ ਆਫ ਇੰਡੀਆ (ਨੈਫੇਡ) ਦੇ ਇਕ ਬੁਲਾਰੇ ਨੇ ਕਿਹਾ ਕਿ ਅਸੀਂ ਬੰਗਲਾਦੇਸ਼ ਨਾਲ ਗੱਲ ਕਰ ਰਹੇ ਹਾਂ। ਨੈਫੇਡ ਬੰਗਲਾਦੇਸ਼ ਨੂੰ 5 ਲੱਖ ਟਨ ਚੌਲ ਬਰਾਮਦ ਕਰਨ ਦੀ ਸਥਿਤੀ ’ਚ ਹੈ। ਬੰਗਲਾਦੇਸ਼ ਦੀ ਫੂਡ ਮਿਨਿਸਟਰੀ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਗਵਰਨਮੈਂਟ ਟੂ ਗਵਰਨਮੈਂਟ ਡੀਲ ਦੇ ਤਹਿਤ ਉਨ੍ਹਾਂ ਦਾ ਦੇਸ਼ 1 ਲੱਖ ਟਨ ਉਸ ਦੇ ਚੌਲ ਅਤੇ 50 ਹਜ਼ਾਰ ਟਨ ਵ੍ਹਾਈਟ ਚੌਲ ਖਰੀਦ ਸਕਦਾ ਹੈ।

ਇਹ ਵੀ ਪੜ੍ਹੋ: ਕਿਸਾਨ ਅਤੇ ਸਰਕਾਰ ਦੋਵੇਂ ਜਿੱਦ ਛੱਡ ਕੇ ਗੱਲਬਾਤ ਨਾਲ ਸਮੱਸਿਆ ਦਾ ਹੱਲ ਕੱਢਣ : ਬਾਬਾ ਰਾਮਦੇਵ

ਭਾਰਤ ਦਾ ਰੇਟ ਥਾਈਲੈਂਡ ਤੋਂ ਕਿੰਨਾ ਘੱਟ
ਭਾਰਤ ਸਰਕਾਰ ਦੇ ਇਕ ਸੂਤਰ ਨੇ ਕਿਹਾ ਕਿ ਭਾਰਤ 407 ਡਾਲਰ ਪ੍ਰਤੀ ਟਨ ਦੇ ਰੇਟ ਨਾਲ ਉਸ ਦੇ ਚੌਲ ਅਤੇ 417 ਡਾਲਰ ਪ੍ਰਤੀ ਟਨ ਦੇ ਰੇਟ ਨਾਲ ਵ੍ਹਾਈਟ ਚੌਲ ਵੇਚ ਸਕਦਾ ਹੈ। ਇਹ ਕੀਮਤ ਥਾਈਲੈਂਡ ਅਤੇ ਵੀਅਤਨਾਮ ਦੇ ਮੁਕਾਬਲੇ ਇਕ ਤਿਹਾਈ ਘੱਟ ਹੈ। ਅਧਿਕਾਰੀ ਨੇ ਕਿਹਾ ਕਿ ਅਗਲੇ ਸਾਲ ਦੀ ਪਹਿਲੀ ਤਿਮਾਹੀ ’ਚ ਪੱਛਮੀ ਬੰਗਾਲ ਦੇ ਹਲਦੀਆ ਪੋਰਟ ਤੋਂ ਇਹ ਚੌਲ ਬਰਾਮਦ ਕੀਤੇ ਜਾ ਸਕਦੇ ਹਨ। 

ਇਹ ਵੀ ਪੜ੍ਹੋ: ਵੱਡੀ ਖ਼ਬਰ: ਹੁਣ IPL ’ਚ 8 ਦੀ ਬਜਾਏ ਖੇਡਣਗੀਆਂ 10 ਟੀਮਾਂ, BCCI ਨੇ ਦਿੱਤੀ ਮਨਜ਼ੂਰੀ

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।