Vehicle loan ਦਾ ਵਧਿਆ ਰੁਝਾਨ, ਆਸਾਨ ਵਿੱਤੀ ਸੁਵਿਧਾਵਾਂ ਕਾਰਨ ਲੋਕ ਤੇਜ਼ੀ ਨਾਲ ਬਦਲ ਰਹੇ ਵਾਹਨ

ਨਵੀਂ ਦਿੱਲੀ - ਦੇਸ਼ 'ਚ ਵਾਹਨਾਂ ਦੀ ਵਿਕਰੀ ਵਧਣ ਨਾਲ ਵਾਹਨ ਬਾਜ਼ਾਰ 'ਚ ਵਾਧੇ ਦਾ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਲਗਭਗ ਪਿਛਲੇ 5 ਸਾਲਾਂ ਵਿੱਚ ਬੈਂਕਾਂ ਤੋਂ ਵਾਹਨ ਲੋਨ ਲੈਣ ਵਾਲੇ ਲੋਕਾਂ ਦੀ ਗਿਣਤੀ ਹੋਮ ਲੋਨ ਲੈਣ ਵਾਲੇ ਲੋਕਾਂ ਦੀ ਗਿਣਤੀ ਨਾਲੋਂ ਜ਼ਿਆਦਾ ਵਧੀ ਹੈ। ਆਰਬੀਆਈ ਦੇ ਅੰਕੜਿਆਂ ਮੁਤਾਬਕ ਵਾਹਨ ਖਰੀਦਣ ਲਈ ਜ਼ਿਆਦਾ ਲੋਕ ਲੋਨ ਲੈ ਰਹੇ ਹਨ। 2019 ਦੇ ਮੁਕਾਬਲੇ ਇਸ ਸਾਲ ਅਕਤੂਬਰ ਵਿੱਚ ਵਾਹਨ ਕਰਜ਼ਿਆਂ ਵਿੱਚ 167% ਦਾ ਵਾਧਾ ਹੋਇਆ ਹੈ, ਜਦੋਂ ਕਿ ਹਾਊਸਿੰਗ ਲੋਨ ਵਿੱਚ 102.14% ਦਾ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ :   ਬਾਜ਼ਾਰ ਤੋਂ ਘੱਟ ਕੀਮਤ 'ਤੇ ਸੋਨਾ ਖ਼ਰੀਦਣ ਦਾ ਮੌਕਾ, ਅੱਜ ਤੋਂ ਸ਼ੁਰੂ ਹੋਵੇਗੀ SGB ਦੀ ਵਿਕਰੀ

ਭਾਰਤ ਦੇ ਵਾਹਨ ਉਦਯੋਗ ਵਿਚ ਦੇਸ਼-ਵਿਦੇਸ਼ ਦੀਆਂ ਕੰਪਨੀਆਂ ਨਿਵੇਸ਼ ਲਈ ਆ ਰਹੀਆਂ ਹਨ। ਭਾਰਤ ਦੀ ਆਟੋ ਇੰਡਸਟਰੀ ਇਸ ਸਮੇਂ ਬਾਜ਼ਾਰ ਵਿਚ ਵਧੀਆ ਪ੍ਰਦਰਸ਼ਨ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਵਾਹਨ ਲੋਨ ਦਾ ਆਕਾਰ ਵੀ ਘੱਟ ਹੁੰਦਾ ਹੈ। ਦੇਸ਼ ਵਿਚ ਆਟੋ ਸੈਕਟਰ 'ਚ ਮੰਗ ਚੰਗੀ ਹੋਣ ਕਾਰਨ ਵਾਹਨ ਲੋਨ ਦਾ ਵਾਧਾ ਜ਼ਿਆਦਾ ਹੈ। ਬੈਂਕਾਂ ਦੁਆਰਾ ਵੰਡੇ ਗਏ ਨਿੱਜੀ ਕਰਜ਼ਿਆਂ ਵਿੱਚ ਵਾਹਨ ਕਰਜ਼ਿਆਂ ਦਾ ਹਿੱਸਾ 10% ਤੋਂ ਉੱਪਰ ਰਹਿੰਦਾ ਹੈ। ਸੌਖੀ ਵਿੱਤੀ ਸਹੂਲਤ ਕਾਰਨ ਲੋਕ ਤੇਜ਼ੀ ਨਾਲ ਵਾਹਨ ਬਦਲ ਰਹੇ ਹਨ। ਨਵੀਂ ਟੈਕਨਾਲੋਜੀ ਅਤੇ ਆਸਾਨ ਵਿੱਤੀ ਸੁਵਿਧਾਵਾਂ ਦੇ ਆਉਣ ਨਾਲ ਲੋਕ ਪਹਿਲਾਂ ਨਾਲੋਂ ਤੇਜ਼ੀ ਨਾਲ ਵਾਹਨ ਬਦਲ ਰਹੇ ਹਨ। ਵਪਾਰਕ ਵਾਹਨਾਂ ਦੀ ਲਗਭਗ 100 ਪ੍ਰਤੀਸ਼ਤ ਖਰੀਦ ਲੋਨ ਦੁਆਰਾ ਕੀਤੀ ਜਾਂਦੀ ਹੈ। ਕਾਰਾਂ ਵਿੱਚ ਇਹ ਅੰਕੜਾ 85% ਤੋਂ ਵੱਧ ਹੈ, ਜਦੋਂ ਕਿ ਦੋਪਹੀਆ ਵਾਹਨਾਂ ਵਿੱਚ ਇਹ ਲਗਭਗ 60% ਹੈ।

ਇਹ ਵੀ ਪੜ੍ਹੋ :     ਅਬੋਹਰ ਤੇ ਹੁਸ਼ਿਆਰਪੁਰ ਦੇ 'ਕਿੰਨੂ' ਨੂੰ ਮਿਲੀ ਨਵੀਂ ਪਛਾਣ, ਪੰਜਾਬ ਐਗਰੋ ਦੇ 'ਜਿਨ' ਨੂੰ ਮਿਲਿਆ ਦੂਜਾ ਸਥਾਨ

ਇਹ ਵੀ ਪੜ੍ਹੋ :    ਅਮਰੀਕਾ 'ਚ ਮਾਂ ਦੀ ਕਾਰ ਦੇ ਪਿੱਛੇ ਪਿਸ਼ਾਬ ਕਰਨ ਦੇ ਦੋਸ਼ 'ਚ 10 ਸਾਲਾ ਬੱਚੇ ਨੂੰ ਜੇਲ੍ਹ ਦੀ ਸਜ਼ਾ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8