ਮਈ ''ਚ GST ਕੁਲੈਕਸ਼ਨ 1 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ : ਨਿਰਮਲਾ ਸੀਤਾਰਮਣ

ਨਵੀਂ ਦਿੱਲੀ— ਜੀ.ਐੱਸ.ਟੀ. ਕੁਲੈਕਸ਼ਨ ਦੇ ਲਿਹਾਜ ਨਾਲ ਨਵਾਂ ਵਿੱਤ ਸਾਲ 2019-20 ਬਿਹਤਰੀਨ ਸਾਬਤ ਹੋ ਰਿਹਾ ਹੈ। ਅਪ੍ਰੈਲ 'ਚ 1.13 ਲੱਖ ਕਰੋੜ ਰੁਪਏ ਦਾ ਰਾਜਸਵ ਕੁਲੈਕਸ਼ਨ ਹਾਸਲ ਕਰਨ ਤੋਂ ਬਾਅਦ ਮਈ 'ਚ ਵੀ ਜੀ.ਐੱਸ.ਟੀ. ਕੁਲੈਕਸ਼ਨ 1 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਰਿਹਾ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਟਵਿੱਟ ਕਰ ਦੱਸਿਆ ਕਿ ਮਈ 2019 'ਚ ਸਕਲ ਜੀ.ਐੱਸ.ਟੀ. ਰਾਜਸਵ ਕੁਲੈਕਸ਼ਨ 1,00,289 ਕਰੋੜ ਰੁਪਏ ਰਿਹਾ ਹੈ। ਇਕ ਸਾਲ ਪਹਿਲਾਂ ਸਮਾਨ ਮਹੀਨੇ 'ਚ ਇਹ ਅੰਕੜਾ 94,016 ਕਰੋੜ ਰੁਪਏ ਸੀ।

Total Gross GST revenue collected in May, 2019 is ₹ 1,00,289 crore of which CGST is ₹ 17,811 crore, SGST is ₹ 24,462 crore, IGST is ₹ 49,891 crore (including ₹ 24,875 crore collected on imports) and Cess is ₹ 8,125 crore (including ₹ 953 crore collected on imports)

— Ministry of Finance (@FinMinIndia) June 1, 2019

ਉਨ੍ਹਾਂ ਨੇ ਦੱਸਿਆ ਕਿ ਕੁਲ ਰਾਜਸਵ ਕੁਲੈਕਸ਼ਨ 'ਚ ਸੀ.ਜੀ.ਐੱਸ.ਟੀ. 17,811 ਕਰੋੜ ਰੁਪਏ, ਐੱਸ.ਜੀ.ਐੱਸ.ਟੀ. 24,462 ਕਰੋੜ ਰੁਪਏ, ਆਈ.ਜੀ.ਐੱਸ.ਟੀ. 49.891 ਕਰੋੜ ਰੁਪਏ (ਆਯਾਤ 'ਤੇ ਸ਼ੁਲਕ ਤੋਂ ਪ੍ਰਾਪਤ 24,875 ਕਰੋੜ ਸਹਿਤ) ਅਤੇ ਉਪ ਕਰ 8,125 ਕਰੋੜ ਰੁਪਏ (ਆਯਾਤ 'ਤੇ ਸ਼ੁਲਕ ਨਾਲ ਪ੍ਰਾਪਤ 953 ਕਰੋੜ ਰੁਪਏ ਸਹਿਤ) ਸ਼ਾਮਲ ਹਨ।

Total number of GSTR 3B Returns filed for the month of April up to 31st May, 2019 is 72.45 lakh.

— Ministry of Finance (@FinMinIndia) June 1, 2019

ਨਵੀਂ ਵਿੱਤ ਮੰਤਰੀ ਨੇ ਦੱਸਿਆ ਕਿ 31 ਮਈ ਤੱਕ ਅਪ੍ਰੈਲ ਮਹੀਨੇ ਲਈ ਕੁਲ 72.45 ਲੱਖ ਜੀ.ਐੱਸ.ਟੀ.ਆਰ. 3ਬੀ ਰਿਟਰਨ ਫਾਈਲਾਂ ਕੀਤੀਆਂ ਗਈਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਫਰਵਰੀ-ਮਾਰਚ 2019 ਲਈ ਸੂਬਿਆਂ ਨੂੰ ਜੀ.ਐੱਸ.ਟੀ. ਮੁਆਵਜੇ ਦੇ ਤੌਰ 'ਤੇ 18,934 ਕਰੋੜ ਰੁਪਏ ਦੀ ਰਾਸ਼ੀ ਜਾਰੀ ਕੀਤੀ ਗਈ ਹੈ।
ਇਸ ਤੋਂ ਪਹਿਲਾਂ ਅਪ੍ਰੈਲ ਮਹੀਨੇ 'ਚ ਵਸਤੂ ਅਤੇ ਸੇਵਾ ਕਰ (ਜੀ.ਐੱਸ.ਟੀ) ਦਾ ਕੁਲੈਕਸ਼ਨ ਵਧ ਕੇ ਰਿਕਾਰਡ 1.13 ਲੱਖ ਕਰੋੜ ਰੁਪਏ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਪਹਿਲਾਂ ਮਾਰਚ 'ਚ ਇਹ ਅੰਕੜਾ 1.06 ਲੱਖ ਕਰੋੜ ਰਿਹਾ ਸੀ। ਸਰਕਾਰ ਨੇ 2017 'ਚ ਜੀ.ਐੱਸ.ਟੀ. ਨੂੰ ਲਾਗੂ ਕੀਤਾ ਸੀ।

Government has settled ₹ 18,098 crore to CGST and ₹ 14,438 crore to SGST from IGST as regular settlement. Total revenue earned by Central Govt. & the State Governments after regular settlement in the month of May, 2019 is ₹ 35,909 crore for CGST & ₹ 38,900 crore for the SGST.

— Ministry of Finance (@FinMinIndia) June 1, 2019

ਪਿਛਲੇ ਸਾਲ ਅਗਸਤ ਤੋਂ ਜੀ.ਐੱਸ.ਟੀ. ਕੁਲੈਕਸ਼ਨ 'ਚ ਹੋਲੀ-ਹੋਲੀ ਵਾਧਾ ਹੋ ਰਿਹਾ ਹੈ ਅਤੇ ਮਾਰਚ 'ਚ ਇਹ ਆਪਣੇ ਉੱਚ ਪੱਧਰ 1.06 ਲੱਖ ਕਰੋੜ ਰੁਪਏ 'ਤੇ ਪਹੁੰਚਿਆ ਸੀ। ਇਸ ਤੋਂ ਪਹਿਲਾਂ ਫਰਵਰੀ 'ਚ ਜੀ.ਐੱਸ.ਟੀ. ਕੁਲੈਕਸ਼ਨ 97,247 ਕਰੋੜ ਰੁਪਏ ਰਿਹਾ ਸੀ। ਮੰਤਰਾਲੇ ਨੇ ਕਿਹਾ ਕਿ ਅਨੁਪਾਲਣ ਵਧਾਉਣ ਅਤੇ ਰਿਟਰਨ ਫਾਈਲ ਕਰਨ ਵਾਲਿਆਂ ਦੀ ਸੰਖਿਆ ਵਧਣ ਨਾਲ ਜੀ.ਐੱਸ.ਟੀ. ਕੁਲੈਕਸ਼ਨ 'ਚ ਵਾਧਾ ਹੋਇਆ ਹੈ।

Revenue in May, 2018 was ₹ 94,016 crore and the revenue during May, 2019 is a growth of 6.67% over the revenue in the same month last year. The revenue in May, 2019 is 2.21% higher than the monthly average of GST revenue in FY 2018-19 (₹ 98,114 crore).

— Ministry of Finance (@FinMinIndia) June 1, 2019

ਵਿੱਤ ਸਾਲ 2019-20 'ਚ ਸਰਕਾਰ ਨੇ ਸੀ.ਜੀ.ਐੱਸ.ਟੀ. ਤੋਂ 6.10 ਲੱਖ ਕਰੋੜ ਰੁਪਏ ਅਤੇ ਮੁਆਵਜਾ ਉਪਕਰ ਨਾਲ 1.01 ਲੱਖ ਕਰੋੜ ਰੁਪਏ ਦੇਣ ਦਾ ਪ੍ਰਸਤਾਵ ਕੀਤਾ ਹੈ। ਆਈ.ਜੀ.ਐੱਸ.ਟੀ. ਦਾ ਸਿਖਰ 50,000 ਕਰੋੜ ਰੁਪਏ ਰਹਿਣ ਦਾ ਅਨੁਮਾਨ ਹੈ। ਵਿੱਤ ਸਾਲ 2018-19 'ਚ ਸੀ.ਜੀ.ਐੱਸ.ਟੀ. ਕੁਲੈਕਸ਼ਨ 4.25 ਲੱਖ ਕਰੋੜ ਰੁਪਏ ਅਤੇ ਮੁਆਵਜਾ ਉਪਕਰ 97,000 ਕਰੋੜ ਰੁਪਏ ਰਿਹਾ।