1 ਜੂਨ ਤੋਂ ਮਹਿੰਗੇ ਹੋਣ ਜਾ ਰਹੇ ਹਨ ਇਹ ਵਾਹਨ, ਕਾਰ ਦੇ ਨਾਲ EV ਦੀਆਂ ਕੀਮਤਾਂ 'ਚ ਲੱਗੇਗੀ ਅੱਗ

ਨਵੀਂ ਦਿੱਲੀ — ਜੇਕਰ ਤੁਸੀਂ ਵਾਹਨ ਖ਼ਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਹਾਨੂੰ 1 ਜੂਨ ਤੋਂ ਪਹਿਲਾਂ ਇਸ ਬਾਰੇ ਵਿਚਾਰ ਕਰ ਲੈਣਾ ਚਾਹੀਦਾ ਹੈ। ਕਿਉਂਕਿ 1 ਜੂਨ ਤੋਂ ਵਾਹਨਾਂ ਦੀਆਂ ਕੀਮਤਾਂ ਵਿੱਚ ਉਛਾਲ ਆਉਣ ਦੀ ਸੰਭਾਵਨਾ ਹੈ। ਇਲੈਕਟ੍ਰਿਕ ਦੋ ਪਹੀਆ ਵਾਹਨਾਂ 'ਤੇ ਦਿੱਤੀ ਜਾਣ ਵਾਲੀ ਸਬਸਿਡੀ 'ਚ ਕਟੌਤੀ ਕਾਰਨ ਕੀਮਤ 'ਚ ਵਾਧਾ ਹੋ ਸਕਦਾ ਹੈ। ਉਥੇ ਹੀ ਮਸ਼ਹੂਰ ਕਾਰ ਕੰਪਨੀ ਹੌਂਡਾ ਨੇ ਆਪਣੀਆਂ ਕਾਰਾਂ ਦੀ ਕੀਮਤ ਵਧਾਉਣ ਬਾਰੇ ਕਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਮਾਰਚ ਵਿੱਚ SUV ਸੈਗਮੈਂਟ ਦੀ ਕਾਰ New Citroen C3 ਦੀ ਕੀਮਤ ਵਿੱਚ 18,000 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ : 'ਇਤਿਹਾਸ ’ਚ ਪਹਿਲੀ ਵਾਰ 1 ਜੂਨ ਨੂੰ ਡਿਫਾਲਟਰ ਬਣ ਸਕਦਾ ਹੈ ਸੁਪਰਪਾਵਰ ਅਮਰੀਕਾ'

ਇਲੈਕਟ੍ਰਿਕ ਬਾਈਕ ਅਤੇ ਸਕੂਟਰ ਹੋਣਗੇ ਮਹਿੰਗੇ

ਭਾਰੀ ਉਦਯੋਗ ਮੰਤਰਾਲੇ (MHI) ਨੇ ਘੋਸ਼ਣਾ ਕੀਤੀ ਕਿ ਇਹ ਵਿਵਸਥਾਵਾਂ 11 ਜੂਨ ਨੂੰ ਨਹੀਂ 1 ਜੂਨ, 2023 ਤੋਂ ਲਾਗੂ ਹੋਣਗੀਆਂ। FAME-II ਪ੍ਰੋਗਰਾਮ ਦੀ ਤਿੰਨ ਸਾਲਾਂ ਦੀ ਮਿਆਦ ਲਈ, ਸਰਕਾਰ ਨੇ 10,000 ਕਰੋੜ ਰੁਪਏ ਰੱਖੇ ਹਨ। ਜੂਨ 2021 ਵਿੱਚ ਖਤਮ ਹੋਣ ਵਾਲੇ ਇਸ ਪ੍ਰੋਗਰਾਮ ਨੂੰ ਹੋਰ ਦੋ ਸਾਲਾਂ ਲਈ ਵਧਾ ਦਿੱਤਾ ਗਿਆ ਸੀ।

ਇਲੈਕਟ੍ਰਿਕ ਦੋਪਹੀਆ ਵਾਹਨਾਂ ਦੀ ਕੀਮਤ ਵਧਣ ਦੀ ਸੰਭਾਵਨਾ

ਕੇਂਦਰ ਸਰਕਾਰ ਨੇ 1 ਜੂਨ 2023 ਨੂੰ ਜਾਂ ਇਸ ਤੋਂ ਬਾਅਦ ਰਜਿਸਟਰਡ ਇਲੈਕਟ੍ਰਿਕ ਦੋਪਹੀਆ ਵਾਹਨਾਂ 'ਤੇ ਲਾਗੂ FAME-II (ਭਾਰਤ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੇ ਨਿਰਮਾਣ ਦਾ ਤੇਜ਼ ਅਡਾਪਸ਼ਨ) ਸਕੀਮ ਤਹਿਤ ਦਿੱਤੀ ਜਾਣ ਵਾਲੀ ਸਬਸਿਡੀ ਨੂੰ ਘਟਾ ਦਿੱਤਾ ਹੈ। ਇਸ ਨਾਲ ਇਲੈਕਟ੍ਰਿਕ ਦੋਪਹੀਆ ਵਾਹਨਾਂ ਲਈ ਮੰਗ ਪ੍ਰੋਤਸਾਹਨ ਵਜੋਂ ਦਿੱਤੀ ਜਾਣ ਵਾਲੀ ਸਬਸਿਡੀ 15,000 ਰੁਪਏ ਪ੍ਰਤੀ ਕਿਲੋਵਾਟ ਘੰਟਾ ਤੋਂ ਘਟਾ ਕੇ 10,000 ਰੁਪਏ ਪ੍ਰਤੀ ਕਿਲੋਵਾਟ ਘੰਟਾ ਕਰ ਦਿੱਤੀ ਗਈ ਹੈ। ਜਦੋਂ ਕਿ ਪ੍ਰੋਤਸਾਹਨ ਸੀਮਾ ਨੂੰ ਐਕਸ-ਫੈਕਟਰੀ ਕੀਮਤ ਦੇ 40 ਫੀਸਦੀ ਤੋਂ ਘਟਾ ਕੇ 15 ਫੀਸਦੀ ਕਰ ਦਿੱਤਾ ਗਿਆ ਹੈ। ਸਬਸਿਡੀ ਘਟਾਉਣ ਨਾਲ ਦੋ ਪਹੀਆ ਵਾਹਨਾਂ ਦੀ ਕੀਮਤ 25-35 ਹਜ਼ਾਰ ਰੁਪਏ ਮਹਿੰਗੀ ਹੋਣ ਦਾ ਅੰਦਾਜ਼ਾ ਹੈ।

ਇਹ ਵੀ ਪੜ੍ਹੋ : ਛਾਂਟੀ ਦੀਆਂ ਖਬਰਾਂ ਵਿਚਾਲੇ ਚੀਨੀ ਕੰਪਨੀ ਅਲੀਬਾਬਾ ਦੇ ਰਹੀ ਹੈ ਨੌਕਰੀ, 15000 ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

Honda Amaze ਅਤੇ Honda City ਵੀ ਹੋਣਗੀਆਂ ਮਹਿੰਗੀਆਂ

Honda Cars India ਨੇ ਕਿਹਾ ਹੈ ਕਿ ਉਹ ਆਪਣੀਆਂ ਸੇਡਾਨ ਸਿਟੀ ਅਤੇ Amaze ਦੀਆਂ ਕੀਮਤਾਂ ਜੂਨ ਤੋਂ 1 ਫੀਸਦੀ ਤੱਕ ਵਧਾਏਗੀ। ਕੰਪਨੀ ਵਧੀ ਹੋਈ ਲਾਗਤ ਦੇ ਪ੍ਰਭਾਵ ਨੂੰ ਦੂਰ ਕਰਨ ਲਈ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਹੌਂਡਾ ਕਾਰਸ ਇੰਡੀਆ ਦੇ ਵਾਈਸ ਪ੍ਰੈਜ਼ੀਡੈਂਟ (ਸੇਲਜ਼ ਐਂਡ ਮਾਰਕੀਟਿੰਗ) ਕੁਨਾਲ ਬਹਿਲ ਨੇ ਕਿਹਾ ਕਿ ਅਸੀਂ ਜੂਨ ਤੋਂ ਹੌਂਡਾ ਸਿਟੀ ਅਤੇ ਹੌਂਡਾ ਅਮੇਜ਼ ਦੀਆਂ ਕੀਮਤਾਂ 1 ਫੀਸਦੀ ਤੱਕ ਵਧਾਉਣ ਦੀ ਯੋਜਨਾ ਬਣਾਈ ਹੈ। ਅਮੇਜ਼ ਦੀ ਮੌਜੂਦਾ ਕੀਮਤ 6.99 ਲੱਖ ਰੁਪਏ ਤੋਂ 9.6 ਲੱਖ ਰੁਪਏ ਦੇ ਵਿਚਕਾਰ ਹੈ। ਅਜਿਹੀ ਸਥਿਤੀ 'ਚ 6.99 ਲੱਖ ਰੁਪਏ ਵਾਲੀ ਕਾਰ ਦੀ ਕੀਮਤ ਵਿਚ ਲਗਭਗ 7,000 ਰੁਪਏ ਤੱਕ ਦਾ ਵਾਧਾ ਹੋ ਜਾਵੇਗਾ

Citroën C3 ਦੀ ਕੀਮਤ 'ਚ 18,000 ਰੁਪਏ ਦਾ ਵਾਧਾ 

ਭਾਰਤ ਵਿੱਚ Citroen C3 ਹੈਚਬੈਕ ਦੀ ਕੀਮਤ ਜਨਵਰੀ 2023 ਤੋਂ ਬਾਅਦ ਮਾਰਚ ਵਿੱਚ ਦੂਜੀ ਵਾਰ ਵਧਾਈ ਗਈ ਹੈ। ਕੰਪਨੀ ਨੇ ਜਨਵਰੀ 'ਚ ਕਾਰ ਦੀ ਕੀਮਤ 'ਚ 27,500 ਰੁਪਏ ਦਾ ਵਾਧਾ ਕੀਤਾ ਸੀ। ਦੋ ਮਹੀਨਿਆਂ ਬਾਅਦ, ਮਾਰਚ 2023 ਵਿੱਚ, 18,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਤਰ੍ਹਾਂ ਇੱਕ ਸਾਲ ਵਿੱਚ ਹੀ ਸਿਟਰੋਇਨ ਸੀ3 ਦੀ ਕੀਮਤ 45,500 ਰੁਪਏ ਮਹਿੰਗੀ ਹੋ ਗਈ ਹੈ। ਮੌਜੂਦਾ ਕੀਮਤਾਂ ਦੇ ਮੁਤਾਬਕ, Citroen C3 ਦੇ ਲਾਈਵ ਵੇਰੀਐਂਟ (ਬੇਸ ਮਾਡਲ) ਦੀ ਕੀਮਤ 5.98 ਲੱਖ ਰੁਪਏ ਐਕਸ-ਸ਼ੋਰੂਮ ਤੋਂ ਵਧ ਕੇ 6.16 ਲੱਖ ਰੁਪਏ ਐਕਸ-ਸ਼ੋਰੂਮ ਹੋ ਗਈ ਹੈ।

ਇਹ ਵੀ ਪੜ੍ਹੋ : ਆਨਲਾਈਨ ਗੇਮਿੰਗ ਕੰਪਨੀਆਂ 'ਤੇ ED ਦੀ ਕਾਰਵਾਈ: ਗੈਰ-ਕਾਨੂੰਨੀ ਤਰੀਕੇ ਨਾਲ ਵਿਦੇਸ਼ ਭੇਜੇ ਗਏ 4000 ਕਰੋੜ ਰੁਪਏ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।