RBI ਦੀ ਚਿੰਤਾ ਤੋਂ ਬਾਅਦ ਬੈਂਕਾਂ ’ਚ ਪੂੰਜੀ ਲਗਾਉਣ ਲਈ BIC ਮਾਡਲ ’ਤੇ ਵਿਚਾਰ ਕਰ ਰਿਹਾ ਵਿੱਤ ਮੰਤਰਾਲਾ

ਨਵੀਂ ਦਿੱਲੀ — ਰਿਜ਼ਰਵ ਬੈਂਕ ਆਫ ਇੰਡੀਆ ਵੱਲੋਂ ਜਨਤਕ ਖੇਤਰ ਦੇ ਬੈਂਕਾਂ ਵਿਚ ਨਵੀਂ ਪੂੰਜੀ ਲਗਾਉਣ ਲਈ ਜ਼ੀਰੋ ਕੂਪਨ ਬਾਂਡ ਜਾਰੀ ਕੀਤੇ ਜਾਣ ’ਤੇ ਚਿੰਤਾ ਜ਼ਾਹਰ ਕਰਨ ਤੋਂ ਬਾਅਦ ਵਿੱਤ ਮੰਤਰਾਲਾ ਹੋਰ ਵਿਕਲਪਾਂ ’ਤੇ ਵਿਚਾਰ ਕਰ ਰਿਹਾ ਹੈ। ਸੂਤਰ ਦੱਸਦੇ ਹਨ ਕਿ ਹੁਣ ਵਿੱਤ ਮੰਤਰਾਲਾ ਬੈਂਕਾਂ ਵਿਚ ਪੂੰਜੀ ਲਗਾਉਣ ਲਈ ਇਕ ਬੈਂਕ ਇਨਵੈਸਟਮੈਂਟ ਕੰਪਨੀ ਸਥਾਪਤ ਕਰਨ ਸਮੇਤ ਹੋਰ ਵਿਕਲਪਾਂ ’ਤੇ ਵਿਚਾਰ ਕਰ ਰਿਹਾ ਹੈ।

ਬੈਂਕਾਂ ਵਿਚ ਸਰਕਾਰ ਦੇ ਸ਼ੇਅਰਾਂ ਨੂੰ ਬੀਆਈਸੀ ਵਿੱਚ ਤਬਦੀਲ ਕਰਨ ਦਾ ਸੁਝਾਅ

ਪੀ ਜੇ ਨਾਇਕ ਕਮੇਟੀ ਨੇ ਭਾਰਤ ਵਿਚ ਬੈਂਕਾਂ ਦੇ ਬੋਰਡ ਸੰਚਾਲਨ ਬਾਰੇ ਆਪਣੀ ਰਿਪੋਰਟ ਵਿਚ ਬੀ.ਆਈ.ਸੀ. ਦੀ ਸਥਾਪਨਾ ਬੈਂਕਾਂ ਦੀ ਹੋਲਡਿੰਗ ਕੰਪਨੀ ਵਜੋਂ ਕਰਨ ਜਾਂ ਮੁੱਖ ਨਿਵੇਸ਼ ਕੰਪਨੀ ਬਣਨ ਦਾ ਸੁਝਾਅ ਦਿੱਤਾ ਸੀ। ਰਿਪੋਰਟ ਵਿਚ ਬੈਂਕਾਂ ਵਿਚ ਸਰਕਾਰੀ ਸ਼ੇਅਰਾਂ ਨੂੰ ਬੀਆਈਸੀ ਵਿਚ ਤਬਦੀਲ ਕਰਨ ਦਾ ਸੁਝਾਅ ਦਿੱਤਾ ਗਿਆ ਹੈ, ਜੋ ਕਿ ਇਨ੍ਹਾਂ ਸਾਰੇ ਬੈਂਕਾਂ ਦੀ ਅਸਲ ਹੋਲਡਿੰਗ ਕੰਪਨੀ ਬਣ ਜਾਵੇਗੀ। ਇਸ ਨਾਲ ਸਾਰੇ ਜਨਤਕ ਖੇਤਰ ਦੇ ਬੈਂਕ ਲਿਮਟਿਡ ਬੈਂਕ ਬਣ ਜਾਣਗੇ। ਬੀਆਈਸੀ ਇੱਕ ਖੁਦਮੁਖਤਿਆਰੀ ਕੰਪਨੀ ਹੋਵੇਗੀ ਅਤੇ ਉਸ ਨੂੰ ਡਾਇਰੈਕਟਰ ਬੋਰਡ ਦੇ ਮੈਂਬਰਾਂ ਦੀ ਨਿਯੁਕਤੀ ਕਰਨ ਅਤੇ ਉਪ-ਸਹਾਇਕ ਕੰਪਨੀ ਦੇ ਸੰਬੰਧ ਵਿੱਚ ਹੋਰ ਨੀਤੀਗਤ ਫੈਸਲੇ ਲੈਣ ਦਾ ਅਧਿਕਾਰ ਹੋਵੇਗਾ।

ਇਹ ਵੀ ਪੜ੍ਹੋ : ਮੋਦੀ ਸਰਕਾਰ ਦੇ ਮੰਤਰੀਆਂ ਨੂੰ ਕਦੋਂ ਲਗਾਇਆ ਜਾਵੇਗਾ ਕੋਰੋਨਾ ਲਾਗ ਦਾ ਟੀਕਾ? ਰਾਜਨਾਥ ਨੇ ਦਿੱਤਾ ਇਹ 

ਸੂਤਰਾਂ ਨੇ ਦੱਸਿਆ ਕਿ ਬੀਆਈਸੀ ਇੱਕ ਸੁਪਰ ਹੋਲਡਿੰਗ ਕੰਪਨੀ ਹੋਵੇਗੀ। ਇਸ ਬਾਰੇ 2014 ਵਿਚ ਹੋਏ ਬੈਂਕਰਾਂ ਦੀ ਪਹਿਲੀ ਗਿਆਨ ਸੰਗਮ ਬੈਂਕਰਸ ਰੀਟਰੀਟ ਵਿਚ ਵਿਚਾਰਿਆ ਗਿਆ ਸੀ। ਇਹ ਤਜਵੀਜ਼ ਕੀਤੀ ਗਈ ਸੀ ਕਿ ਹੋਲਡਿੰਗ ਕੰਪਨੀ ਬੈਂਕਾਂ ਦੀ ਪੂੰਜੀ ਜ਼ਰੂਰਤ ਦਾ ਖਿਆਲ ਰੱਖੇਗੀ ਅਤੇ ਸਰਕਾਰ ਦੀ ਸਹਾਇਤਾ ਤੋਂ ਬਿਨਾਂ ਉਨ੍ਹਾਂ ਲਈ ਫੰਡਾਂ ਦਾ ਪ੍ਰਬੰਧ ਕਰੇਗੀ।

ਸਰਕਾਰੀ ਬੈਂਕ ਸਰਕਾਰ ਉੱਤੇ ਘੱਟ ਨਿਰਭਰ ਹੋਣਗੇ

ਇਸ ਤੋਂ ਇਲਾਵਾ ਇਹ ਪੂੰਜੀ ਵਧਾਉਣ ਦੇ ਵਿਕਲਪਕ ਤਰੀਕਿਆਂ ’ਤੇ ਵੀ ਵਿਚਾਰ ਕਰ ਸਕਦਾ ਹੈ ਜਿਵੇਂ ਕਿ ਸਸਤੀ ਪੂੰਜੀ ਵਧਾਉਣ ਲਈ ਗੈਰ-ਵੋਟਿੰਗ ਸ਼ੇਅਰਾਂ ਦੀ ਵਿਕਰੀ ਕਰਨ ’ਤੇ ਵੀ ਵਿਚਾਰ ਕਰ ਸਕਦੇ ਹਨ। ਇਸ ਨਾਲ ਸਰਕਾਰੀ ਬੈਂਕਾਂ ਦੀ ਸਰਕਾਰ ਦੇ ਸਮਰਥਨ ’ਤੇ ਨਿਰਭਰਤਾ ਘੱਟ ਹੋ ਸਕੇਗੀ।

ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ : ਕਾਰ ਖਰੀਦਣ ਦਾ ਬਣਾ ਰਹੇ ਹੋ ਪਲਾਨ ਤਾਂ Maruti ਘਰ ਬੈਠੇ ਗਾਹਕਾਂ ਨੂੰ ਦੇ ਰਹੀ ਇਹ ਸਕੀਮ

ਵਿਆਜ ਦੇ ਬੋਝ ਅਤੇ ਵਿੱਤੀ ਦਬਾਅ ਤੋਂ ਬਚਣ ਲਈ ਸਰਕਾਰ ਨੇ ਬੈਂਕਾਂ ਦੀਆਂ ਪੂੰਜੀ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਜ਼ੀਰੋ-ਕੂਪਨ ਬਾਂਡ ਜਾਰੀ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਦਾ ਪਹਿਲਾ ਟੈਸਟ ਪੰਜਾਬ ਅਤੇ ਸਿੰਧ ਬੈਂਕ ’ਤੇ ਕੀਤਾ ਗਿਆ ਹੈ। ਇਸ ਪ੍ਰਣਾਲੀ ਤਹਿਤ ਪਿਛਲੇ ਸਾਲ ਪੰਜਾਬ ਅਤੇ ਸਿੰਧ ਬੈਂਕ ਵਿਚ ਛੇ ਵੱਖ-ਵੱਖ ਪਰਿਪੱਕਤਾਵਾਂ ਦੇ ਨਾਲ ਜ਼ੀਰੋ-ਕੂਪਨ ਬਾਂਡ ਜਾਰੀ ਕਰਕੇ 5,500 ਕਰੋੜ ਰੁਪਏ ਦੀ ਪੂੰਜੀ ਲਗਾਈ ਗਈ ਹੈ।

ਇਹ ਵੀ ਪੜ੍ਹੋ : SBI ਨੇ ਖ਼ਾਤਾਧਾਰਕਾਂ ਨੂੰ ਦਿੱਤਾ ਤੋਹਫਾ, ਘਰ ਬੈਠੇ ਕਢਵਾ ਸਕੋਗੇ ਪੈਸੇ ਜਾਣੋ ਕਿਵੇਂ

ਨੋਟ — ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।