ਆਲੂਆਂ ਦੇ ਭਾਅ ਡਿੱਗਣ ਕਾਰਨ ਕਿਸਾਨ ਨਿਰਾਸ਼, 90 ਫ਼ੀਸਦੀ ਤੱਕ ਭਰੇ ਕੋਲਡ ਸਟੋਰ

ਨਵੀਂ ਦਿੱਲੀ - ਹਰ ਵਸਤੂ ਦੀ ਕੀਮਤ ਵਧਣ ਕਾਰਨ ਮਹਿੰਗਾਈ ਆਪਣੇ ਉੱਚ ਪੱਧਰ 'ਤੇ ਪਹੁੰਚ ਗਈ ਹੈ। ਆਲੂਆਂ ਦੇ ਨਰਮ ਭਾਅ ਨੇ ਬੇਸ਼ੱਕ ਆਮ ਆਦਮੀ ਨੂੰ ਰਾਹਤ ਦਿੱਤੀ ਹੈ ਪਰ ਆਲੂ ਕਿਸਾਨਾਂ ਦੀ ਹਾਲਤ ਬਦ ਤੋਂ ਬਦਤਰ ਹੋ ਗਈ ਹੈ। ਆਲੂਆਂ ਦੀ ਖੇਤੀ ਇਸ ਸਾਲ ਕਿਸਾਨਾਂ ਲਈ ਲਾਹੇਵੰਦ ਸਾਬਤ ਨਹੀਂ ਹੋਈ। ਆਲੂ ਸਟੋਰ ਕਰਨ ਵਾਲੇ ਕਿਸਾਨਾਂ ਅਤੇ ਕਾਰੋਬਾਰੀਆਂ ਨੂੰ ਅੱਜ ਦੇ ਭਾਅ 'ਤੇ ਆਪਣੀ ਲਾਗਤ ਪੂਰੀ ਕਰਨੀ ਵੀ ਔਖੀ ਹੋ ਰਹੀ ਹੈ।

ਇਹ ਵੀ ਪੜ੍ਹੋ :   ਕੌਮਾਂਤਰੀ ਬਾਜ਼ਾਰ ’ਚ ਰਿਕਾਰਡ ਮਹਿੰਗੀ ਹੋਈ ਖੰਡ, 12 ਸਾਲਾਂ ਦੇ ਉੱਚ ਪੱਧਰ ’ਤੇ ਪੁੱਜੀਆਂ ਕੀਮਤਾਂ

ਕੋਲਡ ਸਟੋਰੇਜ ਵਿੱਚ ਆਲੂਆਂ ਦਾ ਭਾਰੀ ਸਟਾਕ ਪਿਆ ਹੋਇਆ ਹੈ, ਜਿਸ ਕਾਰਨ ਭਵਿੱਖ ਵਿੱਚ ਵੀ ਆਲੂਆਂ ਦੇ ਭਾਅ ਘੱਟ ਰਹਿਣ ਦੀ ਸੰਭਾਵਨਾ ਹੈ। ਸਟਾਕ ਇੰਨਾ ਜ਼ਿਆਦਾ ਹੈ ਕਿ ਇਸ ਸੀਜ਼ਨ 'ਚ ਇਸ ਦੀ ਵਿਕਰੀ ਹੋਣਾ ਮੁਸ਼ਕਿਲ ਸਾਬਤ ਹੋ ਰਿਹਾ ਹੈ।

ਇਸ ਸਮੇਂ ਆਲੂਆਂ ਦੇ ਸਭ ਤੋਂ ਵੱਡੇ ਉਤਪਾਦਕ ਉੱਤਰ ਪ੍ਰਦੇਸ਼ ਦੀ ਆਗਰਾ ਮੰਡੀ 'ਚ ਆਲੂ 800 ਤੋਂ 1100 ਰੁਪਏ ਪ੍ਰਤੀ ਕੁਇੰਟਲ ਦੇ ਹਿਸਾਬ ਨਾਲ ਵਿਕ ਰਹੇ ਹਨ। ਕੋਲਡ ਸਟੋਰ ਵਿੱਚ ਭਰਨ ਸਮੇਂ ਇਸ ਦਾ ਭਾਅ 500 ਤੋਂ 800 ਰੁਪਏ ਪ੍ਰਤੀ ਕੁਇੰਟਲ ਸੀ। ਕੋਲਡ ਸਟੋਰੇਜ ਦਾ ਕਿਰਾਇਆ ਅਤੇ ਹੋਰ ਖਰਚਿਆਂ ਸਮੇਤ ਸਟੋਰੇਜ ਦੀ ਕੁੱਲ ਲਾਗਤ 280 ਤੋਂ 300 ਰੁਪਏ ਪ੍ਰਤੀ ਕੁਇੰਟਲ ਹੈ। ਇਸ ਅਨੁਸਾਰ ਮੌਜੂਦਾ ਸਮੇਂ ਵਿਚ ਉਪਲਬਧ ਥੋਕ ਮੁੱਲ ਕਿਸਾਨਾਂ ਦੀ ਕੁੱਲ ਲਾਗਤ ਦੇ ਬਰਾਬਰ ਹੈ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਨੂੰ ਭਾਰੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ।

ਇਹ ਵੀ ਪੜ੍ਹੋ :    1 ਅਕਤੂਬਰ ਤੋਂ ਹੋਵੇਗੀ ਝੋਨੇ ਦੀ ਖ਼ਰੀਦ, ਸਟੋਰੇਜ ਦੀ ਘਾਟ ਨਾਲ ਜੂਝ ਰਹੀ FCI

ਪੰਜਾਬ ਦੇ ਆਲੂ ਕਿਸਾਨ ਨੇ ਦੱਸਿਆ ਕਿ ਇਸ ਸਾਲ ਆਲੂ ਕਿਸਾਨਾਂ ਨੂੰ ਕੋਈ ਫਾਇਦਾ ਨਹੀਂ ਹੋਇਆ। ਇਸ ਲਈ ਅਗਲੀ ਬਿਜਾਈ ਲਈ ਆਲੂ ਦੇ ਬੀਜਾਂ ਦੀ ਮੰਗ ਵੀ ਘਟ ਸਕਦੀ ਹੈ। ਇਸ ਸਾਲ ਦੇਸ਼ ਵਿੱਚ ਆਲੂਆਂ ਦਾ ਜ਼ਬਰਦਸਤ ਉਤਪਾਦਨ ਹੋਇਆ ਹੈ। ਸਾਲ 2021-22 ਵਿੱਚ ਲਗਭਗ 536 ਲੱਖ ਟਨ ਆਲੂਆਂ ਦਾ ਉਤਪਾਦਨ ਹੋਇਆ ਸੀ। ਇਸ ਸਾਲ 90 ਤੋਂ 95 ਫੀਸਦੀ ਕੋਲਡ ਸਟੋਰੇਜ ਭਰੇ ਹੋਏ ਹਨ। ਪਿਛਲੇ ਸਾਲ ਸਿਰਫ਼ 85 ਫ਼ੀਸਦੀ ਹੀ ਭਰੇ ਸਨ।

ਬਾਜ਼ਾਰਾਂ 'ਚ ਆਲੂ ਸਸਤੇ ਹੋਣ ਕਾਰਨ ਪ੍ਰਚੂਨ ਬਾਜ਼ਾਰ 'ਚ ਵੀ ਇਸ ਦੀਆਂ ਕੀਮਤਾਂ ਘੱਟ ਰਹੀਆਂ ਹਨ। ਕੇਂਦਰੀ ਖਪਤਕਾਰ ਮਾਮਲਿਆਂ ਦੇ ਵਿਭਾਗ ਮੁਤਾਬਕ ਦੇਸ਼ 'ਚ ਆਲੂ ਦੀ ਔਸਤ ਪ੍ਰਚੂਨ ਕੀਮਤ 24.05 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ ਜੋ ਪਿਛਲੇ ਸਾਲ 28 ਸਤੰਬਰ ਨੂੰ 27.98 ਰੁਪਏ ਸੀ। ਭਵਿੱਖ ਵਿੱਚ ਵੀ ਕਿਸਾਨਾਂ ਨੂੰ ਆਲੂਆਂ ਦਾ ਵੱਧ ਭਾਅ ਮਿਲਣ ਦੀ ਸੰਭਾਵਨਾ ਨਹੀਂ ਹੈ ਕਿਉਂਕਿ ਕੋਲਡ ਸਟੋਰਾਂ ਵਿੱਚ ਬਹੁਤ ਸਾਰਾ ਆਲੂ ਬਚਿਆ ਹੋਇਆ ਹੈ। ਗੋਇਲ ਨੇ ਦੱਸਿਆ ਕਿ ਹੁਣ ਤੱਕ ਕੋਲਡ ਸਟੋਰੇਜ ਵਿੱਚੋਂ ਸਿਰਫ਼ 42-44 ਫ਼ੀਸਦੀ ਆਲੂ ਹੀ ਨਿਕਲੇ ਹਨ ਅਤੇ 56 ਤੋਂ 58 ਫ਼ੀਸਦੀ ਆਲੂ ਉੱਥੇ ਹੀ ਪਏ ਹਨ।

ਇਹ ਵੀ ਪੜ੍ਹੋ :    ਅਫਗਾਨ ਕਰੰਸੀ ਦਾ ਸੰਸਾਰ ’ਚ ਵਧੀਆ ਪ੍ਰਦਰਸ਼ਨ, ਸਤੰਬਰ ਤਿਮਾਹੀ ’ਚ ਕਈ ਦੇਸ਼ਾਂ ਨੂੰ ਪਛਾੜਿਆ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8