ਆਪਣੇ ਪਸੰਦੀਦਾ ਰੰਗ ਵਿਚ ਖਰੀਦੋ ਓਲਾ ਇਲੈਕਟ੍ਰਿਕ ਸਕੂਟਰ, ਕੰਪਨੀ ਨੇ ਮੰਗੇ ਸੁਝਾਅ

ਨਵੀਂ ਦਿੱਲੀ - ਓਲਾ ਦੇ ਚੇਅਰਮੈਨ ਅਤੇ ਸਮੂਹ ਸੀਈਓ ਭਾਵੀਸ਼ ਅਗਰਵਾਲ ਨੇ ਇੱਕ ਟਵੀਟ ਕਰਕੇ ਲੋਕਾਂ ਨੂੰ ਓਲਾ ਇਲੈਕਟ੍ਰਿਕ ਸਕੂਟਰ ਲਈ ਰੰਗ ਸੁਝਾਉਣ ਲਈ ਕਿਹਾ ਹੈ। ਉਸਨੇ ਆਪਣੇ ਟਵੀਟ ਵਿੱਚ ਲਿਖਿਆ ਕਿ, ਸਮਾਂ ਆ ਗਿਆ ਹੈ ਪੇਂਟ ਆਰਡਰ ਕਰਨ ਦਾ! ਓਲਾ ਸਕੂਟਰ ਤੇ ਤੁਸੀਂ ਕਿਹੜਾ ਰੰਗ ਚਾਹੁੰਦੇ ਹੋ? ਤੁਹਾਨੂੰ ਪਹਿਲਾਂ ਹੀ ਬਲੈਕ ਲਈ ਕਵਰ ਕਰ ਲਿਆ ਗਿਆ ਹੈ! ਹੋਰ ਕੀ? @OlaElectric। ਭਾਵੀਸ਼ ਅਗਰਵਾਲ ਦੇ ਇਸ ਟਵੀਟ 'ਤੇ, ਲੋਕ ਹੁਣ ਆਪਣੀ ਪਸੰਦ ਦੇ ਰੰਗ ਵਿੱਚ ਓਲਾ ਸਕੂਟਰ ਦੀ ਮੰਗ ਕਰ ਰਹੇ ਹਨ।

Time to order some paint! What color would you like on the Ola Scooter? Already got you covered for Black! What else? @OlaElectric pic.twitter.com/NXMftKJrrq

— Bhavish Aggarwal (@bhash) June 24, 2021

ਓਲਾ ਦੇ ਇਲੈਕਟ੍ਰਿਕ ਸਕੂਟਰ ਵਿੱਚ ਉਪਲਬਧ ਹੋਣਗੀਆਂ ਇਹ ਵਿਸ਼ੇਸ਼ਤਾਵਾਂ 

ਓਲਾ ਨੇ ਪਿਛਲੇ ਸਾਲ ਐਮਸਟਰਡਮ ਦੀ ਇਲੈਕਟ੍ਰਿਕ ਸਕੂਟਰ ਨਿਰਮਾਤਾ ਈਟਰਗੋ ਬੀਵੀ ਨੂੰ ਇਲੈਕਟ੍ਰਿਕ ਸਕੂਟਰ ਬਣਾਉਣ ਲਈ ਖਰੀਦਿਆ ਸੀ। ਜਾਣਕਾਰੀ ਅਨੁਸਾਰ ਓਲਾ ਆਪਣੇ ਇਲੈਕਟ੍ਰਿਕ ਸਕੂਟਰ ਵਿਚ ਈਟਰਗੋ ਦੇ ਮਸ਼ਹੂਰ ਐਪਸਕੁਟਰ ਦੀ ਤਕਨਾਲੋਜੀ ਦੀ ਵਰਤੋਂ ਕਰੇਗੀ। ਓਲਾ ਨੇ ਆਪਣੇ ਇਲੈਕਟ੍ਰਿਕ ਸਕੂਟਰ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।

ਓਲਾ ਨੇ ਆਪਣਾ ਪਲਾਂਟ ਤਾਮਿਲਨਾਡੂ ਵਿੱਚ ਸਥਾਪਤ ਕੀਤਾ ਹੈ। ਜਿੱਥੇ ਕੰਪਨੀ 2400 ਕਰੋੜ ਰੁਪਏ ਦਾ ਨਿਵੇਸ਼ ਕਰ ਰਹੀ ਹੈ ਅਤੇ ਹਰ ਸਾਲ ਲਗਭਗ 20 ਲੱਖ ਦੋਪਹੀਆ ਵਾਹਨ ਬਣਾਉਣ ਦੀ ਯੋਜਨਾ ਬਣਾ ਰਹੀ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਆਉਣ ਵਾਲੇ ਦਿਨਾਂ ਵਿੱਚ ਇਹ ਪਲਾਂਟ ਵਿਸ਼ਵ ਦਾ ਸਭ ਤੋਂ ਵੱਡਾ ਵਾਹਨ ਨਿਰਮਾਣ ਪਲਾਂਟ ਹੋਵੇਗਾ। ਇਸ ਦੇ ਨਾਲ ਹੀ ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਪਲਾਂਟ ਵਿਚ ਤਕਰੀਬਨ 10 ਹਜ਼ਾਰ ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ।

ਇਹ ਵੀ ਪੜ੍ਹੋ: 1 ਜੁਲਾਈ ਤੋਂ ਬਦਲ ਜਾਣਗੇ ਆਮ ਆਦਮੀ ਦੀ ਜ਼ਿੰਦਗੀ ਨਾਲ ਜੁੜੇ ਇਹ ਨਿਯਮ!

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।