ਬੋਸ਼ ਕਰ ਰਿਹਾ ਹੈ ਦੁਨੀਆ ਭਰ ''ਚ ਆਪਣੇ 100 ਤੋਂ ਜ਼ਿਆਦਾ ਸਟੋਰਾਂ ਨੂੰ ਬੰਦ

ਨਵੀਂ ਦਿੱਲੀ—ਬੋਸ਼ ਆਪਣੇ ਰਿਟੇਲ ਸਟੋਰਾਂ ਨੂੰ ਵੱਡੀ ਗਿਣਤੀ 'ਚ ਬੰਦ ਕਰ ਰਿਹਾ ਹੈ ਕਿਉਂਕਿ ਆਨਲਾਈਨ ਖਰੀਦ 'ਚ 'ਨਾਟੀਕ ਤਬਦੀਲੀ' ਹੋ ਰਹੀ ਹੈ। ਉੱਚ ਪੱਧਰੀ ਇਲੈਕਟ੍ਰੋਨਿਕਸ ਵਸਤੂਆਂ ਤਿਆਰ ਕਰਨ ਵਾਲੀ ਕੰਪਨੀ ਨੇ ਕਿਹਾ ਕਿ ਉਹ ਆਪਣੀ ਉੱਤਰੀ ਅਮੀਰਾਤ, ਭਾਰਤ ਅਤੇ ਆਸਟ੍ਰੇਲੀਆ 'ਚ 119 ਪ੍ਰਚੂਨ ਦੁਕਾਨਾਂ ਨੂੰ ਬੰਦ ਕਰ ਰਹੀ ਹੈ ਪਰ ਉਹ ਚੀਨ, ਸੰਯੁਕਤ ਅਰਬ ਅਮੀਰਾਤ, ਭਾਰਤ ਅਤੇ ਕੁਝ ਏਸ਼ੀਆਈ ਦੇਸ਼ਾਂ 'ਚ ਲਗਭਗ 130 ਦੁਕਾਨਾਂ ਨੂੰ ਚਾਲੂ ਰੱਖੇਗੀ। ਪ੍ਰਚੂਨ ਉਦਯੋਗ 'ਚ ਹੋ ਰਹੀਆਂ ਵੱਡੀਆਂ ਤਬਦੀਲੀਆਂ ਦਾ ਜ਼ਿਕਰ ਕਰਕੇ ਹੋਏ ਬੋਸ਼ ਨੇ ਕਿਹਾ ਕਿ ਉਸ ਨੂੰ ਇੱਟ-ਪੱਥਰਾਂ ਦੀਆਂ ਦੁਕਾਨਾਂ ਚਾਲੂ ਰੱਖਣ ਦੀ ਲੋੜ ਨਹੀਂ ਹੈ ਜਦੋਂਕਿ ਗਾਹਕ ਆਪਣਾ ਸਾਮਾਨ ਆਨਲਾਈਨ ਖਰੀਦ ਰਹੇ ਹਨ। ਆਪਣੀਆਂ ਚੀਜ਼ਾਂ ਆਨਲਾਈਨ ਵੇਚਣ ਤੋਂ ਇਲਾਵਾ ਬੋਸ਼ ਦੀਆਂ ਵਸਤੂਆਂ ਨੂੰ ਵਿਸ਼ਾਲ ਥੋਕ ਦੁਕਾਨਾਂ ਵਰਗੇ ਬੈਸਟ ਬਾਇ (ਬੀ.ਵੀ.ਆਈ.) ਅਤੇ ਟਾਰਗੇਟ (ਟੀ.ਜੀ.ਟੀ.) ਦੇ ਵਲੋਂ ਵੀ ਵੇਚਿਆ ਜਾਂਦਾ ਹੈ ਅਤੇ ਇਸ ਦੇ ਕੋਲ ਇਕ ਐਮਾਜ਼ੋਨ ਸਟੋਰ ਵੀ ਹੈ।
ਕਰਮਚਾਰੀਆਂ ਨੂੰ ਦਿੱਤਾ ਜਾਵੇਗਾ ਮੁਆਵਜ਼ਾ
ਬੋਸ਼ ਨੇ ਇਹ ਨਹੀਂ ਦੱਸਿਆ ਕਿ ਕਿੰਨੇ ਕਰਮਚਾਰੀਆਂ ਦੀਆਂ ਨੌਕਰੀਆਂ 'ਤੇ ਕੰਪਨੀ ਦੇ ਇਸ ਫੈਸਲੇ ਦਾ ਅਸਰ ਪਵੇਗਾ। ਪਰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਨੂੰ ਮੁਆਵਜ਼ਾ ਦਿੱਤਾ ਜਾਵੇਗਾ। ਬੋਸ਼ ਦੀ ਗਲੋਬਲ ਸੇਲ ਦੇ ਵਾਈਸ ਪ੍ਰੈਜੀਡੈਂਟ ਕੋਲੈਟ ਬਕਰ ਨੇ ਕਿਹਾ ਕਿ ਫੈਸਲਾ ਕਠਿਨ ਕੰਮ ਸੀ ਅਤੇ ਕੰਪਨੀ ਆਪਣੇ ਕਰਮਚਾਰੀਆਂ ਦੀ ਸ਼ੁਕਰਗੁਜ਼ਾਰ ਹੈ। ਬਕਰ ਨੇ ਕਿਹਾ ਕਿ ਸ਼ੁਰੂਆਤ 'ਚ ਸਾਡੇ ਪ੍ਰਚੂਨ ਸਟੋਰਾਂ ਨੇ ਲੋਕਾਂ ਨੂੰ ਨਵਾਂ ਤਜ਼ਰਬਾ ਦਿੱਤਾ। ਸਾਡੇ ਸੀ.ਡੀ.ਅਤੇ ਡੀ.ਵੀ.ਡੀ. ਆਧਾਰਿਤ ਘਰੇਲੂ ਮਨੋਰੰਜਨ ਪ੍ਰਣਾਲੀਆਂ ਦਾ ਉਸ ਸਮੇਂ ਇਹ ਇਕ ਨਵਾਂ ਮੌਲਿਕ ਵਿਚਾਰ ਸੀ ਪਰ ਅਸੀਂ ਉਨ੍ਹ੍ਹਾਂ ਚੀਜ਼ਾਂ 'ਤੇ ਧਿਆਨ ਕੇਂਦਰਿਤ ਕੀਤਾ ਜਿਨ੍ਹਾਂ ਦੀ ਉਨ੍ਹਾਂ ਨੂੰ ਲੋੜ ਸੀ ਅਤੇ ਹੁਣ ਵੀ ਅਸੀਂ ਉਹੀਂ ਕੁਝ ਕਰਨ ਜਾ ਰਹੇ ਹਾਂ।
ਸਾਲ 2019 'ਚ ਅਮਰੀਕੀ ਥੋਕ ਵਪਾਰੀਆਂ ਨੇ ਬੰਦ ਕੀਤੀਆਂ ਸਨ 9,302 ਦੁਕਾਨਾਂ
ਸਾਲ 2019 'ਚ ਅਮਰੀਕੀ ਥੋਕ ਵਪਾਰੀਆਂ ਨੇ 9,302 ਦੁਕਾਨਾਂ ਬੰਦ ਕੀਤੀਆਂ ਸਨ ਜੋ 2018 ਦੇ ਮੁਕਾਬਲੇ 59 ਫੀਸਦੀ ਦਾ ਉਛਾਲ ਸੀ ਅਤੇ 2012 ਦੇ ਬਾਅਦ ਇਹ ਸਭ ਤੋਂ ਵੱਡੀ ਗਿਣਤੀ ਸੀ। ਇਨ੍ਹਾਂ ਦੁਕਾਨਾਂ ਦਾ ਬੰਦ ਹੋਣਾ ਪਿਛਲੇ ਵਿੱਤੀ ਸਾਲ ਲਈ ਠੀਕ ਨਹੀਂ ਸੀ। ਇਸ ਸਮੇਂ ਪ੍ਰਚੂਨ ਕੁੱਲ ਵਿਕਰੀ ਦਾ 16 ਫੀਸਦੀ ਹੈ ਪਰ 2026 ਤੱਕ ਇਸ ਦੇ 25 ਫੀਸਦੀ ਹੋ ਜਾਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਸਾਲ 2026 ਤੱਕ 75,000 ਅਤੇ ਪ੍ਰਚੂਨ ਸਟੋਰਾਂ ਨੂੰ ਬੰਦ ਕਰਨਾ ਪਵੇਗਾ, ਜਿਨ੍ਹਾਂ 'ਚ 20,000 ਦੁਕਾਨਾਂ ਕੱਪੜਿਆਂ ਦੀ ਹੈ ਅਤੇ 10,000 ਇਲੈਕਟ੍ਰੋਨਿਕਸ ਸਾਮਾਨ ਦੀਆਂ ਦੁਕਾਨਾਂ ਹੈ।