Bata India ਨੂੰ ਮਿਲਿਆ 60.56 ਕਰੋੜ ਰੁਪਏ ਦਾ ਟੈਕਸ ਨੋਟਿਸ

ਕੋਲਕਾਤਾ (ਭਾਸ਼ਾ) — ਫੁੱਟਵੀਅਰ ਬਣਾਉਣ ਵਾਲੀ ਕੰਪਨੀ ਬਾਟਾ ਇੰਡੀਆ ਨੂੰ ਚੇਨਈ ਦੇ ਅੰਨਾ ਸਾਲਈ ਅਸੈਸਮੈਂਟ ਸਰਕਲ ਦੇ ਸੂਬਾ ਟੈਕਸ ਅਧਿਕਾਰੀ ਤੋਂ 60.56 ਕਰੋੜ ਰੁਪਏ ਦਾ ਨੋਟਿਸ ਮਿਲਿਆ ਹੈ। ਕੰਪਨੀ ਨੇ ਵੀਰਵਾਰ ਨੂੰ ਸਟਾਕ ਐਕਸਚੇਂਜ ਨੂੰ ਇੱਕ ਫਾਈਲਿੰਗ ਵਿੱਚ ਕਿਹਾ ਕਿ ਇਹ ਨੋਟਿਸ ਵਿੱਤੀ ਸਾਲ 2018-19 ਦੀ ਅੰਤਿਮ ਆਡਿਟ ਰਿਪੋਰਟ ਵਿੱਚ ਉਠਾਏ ਗਏ ਕਈ ਮੁੱਦਿਆਂ ਨਾਲ ਸਬੰਧਤ ਹੈ।

ਇਹ ਵੀ ਪੜ੍ਹੋ :    ਹਿਮਾਚਲ 'ਚ ਸੈਲਾਨੀਆਂ ਦਾ ਹੜ੍ਹ, Atal Tunnel 'ਚ ਹੋਈ ਰਿਕਾਰਡ 28,210 ਵਾਹਨਾਂ ਦੀ ਆਵਾਜਾਈ

ਨੋਟਿਸ 27 ਦਸੰਬਰ, 2023 ਦਾ ਹੈ। ਅੰਤਿਮ ਆਡਿਟ ਰਿਪੋਰਟ 25 ਦਸੰਬਰ ਨੂੰ ਪੇਸ਼ ਕੀਤੀ ਗਈ ਸੀ। ਰਿਪੋਰਟ ਵਿੱਚ ਮਾਸਿਕ GST ਰਿਟਰਨਾਂ ਵਿੱਚ ਬਾਹਰੀ ਸਪਲਾਈ 'ਤੇ ਟਰਨਓਵਰ ਵਿੱਚ ਅੰਤਰ, GSTR-9 ਅਤੇ GSTR-9C ਰਿਟਰਨਾਂ ਵਿੱਚ ਬਾਹਰੀ ਸਪਲਾਈ 'ਤੇ ਟੈਕਸ ਵਿੱਚ ਅੰਤਰ ਆਦਿ ਵਰਗੇ ਮੁੱਦੇ ਉਠਾਏ ਗਏ ਸਨ। ਕੰਪਨੀ ਨੇ ਕਿਹਾ ਕਿ ਉਸਨੂੰ ਸ਼ੁਰੂ ਵਿੱਚ 27 ਅਪ੍ਰੈਲ, 2023 ਨੂੰ ਇੱਕ ਆਡਿਟ ਨੋਟਿਸ ਮਿਲਿਆ ਸੀ ਅਤੇ ਜਵਾਬ ਵਿੱਚ ਸੰਬੰਧਿਤ ਦਸਤਾਵੇਜ਼ ਜਮ੍ਹਾ ਕਰ ਦਿੱਤੇ ਹਨ।

ਇਹ ਵੀ ਪੜ੍ਹੋ :    1 ਜਨਵਰੀ 2024 ਤੋਂ SIM ਕਾਰਡ ਅਤੇ GST ਸਮੇਤ ਬਦਲ ਜਾਣਗੇ ਕਈ ਨਿਯਮ

ਬਾਟਾ ਇੰਡੀਆ ਨੂੰ ਆਪਣਾ ਪੱਖ ਪੇਸ਼ ਕਰਨ ਅਤੇ ਵਿਵਾਦਿਤ ਮੁੱਦਿਆਂ 'ਤੇ ਹੋਰ ਜਾਣਕਾਰੀ ਦੇਣ ਲਈ 10 ਜਨਵਰੀ 2024 ਨੂੰ ਨਿੱਜੀ ਸੁਣਵਾਈ ਲਈ ਸਮਾਂ ਦਿੱਤਾ ਗਿਆ ਹੈ। ਬਾਟਾ ਇੰਡੀਆ ਮੁਤਾਬਕ ਕੰਪਨੀ ਕੋਲ ਆਪਣੇ ਬਚਾਅ ਲਈ ਕਾਫੀ ਤੱਥ ਹਨ। ਇਸ ਨਾਲ ਕੰਪਨੀ ਦੀ ਵਿੱਤੀ ਸਥਿਤੀ 'ਤੇ ਕੋਈ ਅਸਰ ਨਹੀਂ ਪਵੇਗਾ।

ਇਹ ਵੀ ਪੜ੍ਹੋ :    ਨਵੇਂ ਸਾਲ 'ਚ ਵੀ ਰਹੇਗੀ ਛੁੱਟੀਆਂ ਦੀ ਭਰਮਾਰ, ਜਾਣੋ ਜਨਵਰੀ ਮਹੀਨੇ ਕਿੰਨੇ ਦਿਨ ਬੰਦ ਰਹਿਣਗੇ ਬੈਂਕ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8