ਵੱਡੀ ਗਿਣਤੀ ’ਚ ਇੰਡੀਗੋ ਦੀਆਂ ਉਡਾਣਾਂ ਰੱਦ ਹੋਣ ਨਾਲ ATF ਦੀ ਵਿਕਰੀ 4.1 ਫ਼ੀਸਦੀ ਘਟੀ

ਨਵੀਂ ਦਿੱਲੀ (ਭਾਸ਼ਾ) - ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਵੱਡੀ ਗਿਣਤੀ ’ਚ ਇੰਡੀਗੋ ਦੀਆਂ ਉਡਾਣਾਂ ਰੱਦ ਹੋਣ ਨਾਲ ਦਸੰਬਰ ਦੇ ਪਹਿਲੇ ਪੰਦਰਵਾੜੇ ’ਚ ਜਹਾਜ਼ ਈਂਧਨ (ਏ. ਟੀ. ਐੱਫ.) ਦੀ ਵਿਕਰੀ 4 ਫ਼ੀਸਦੀ ਤੋਂ ਜ਼ਿਆਦਾ ਘਟ ਗਈ। ਉਦਯੋਗ ਦੇ ਸ਼ੁਰੂਆਤੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ।

ਇਹ ਵੀ ਪੜ੍ਹੋ :     ਜਲੰਧਰ 'ਚ ਡਾਕਟਰਾਂ-ਵਕੀਲਾਂ ਸਮੇਤ 21 ਲੋਕਾਂ ਤੋਂ ਲੁੱਟੇ 7.35 ਕਰੋੜ ਰੁਪਏ

ਕੋਵਿਡ ਮਹਾਮਾਰੀ ਕਾਰਨ ਪੈਦਾ ਹੋਈਆਂ ਰੁਕਾਵਟਾਂ ਤੋਂ ਬਾਹਰ ਨਿਕਲਣ ਤੋਂ ਬਾਅਦ ਪਿਛਲੇ ਦੋ ਸਾਲਾਂ ਤੋਂ ਭਾਰਤ ’ਚ ਜਹਾਜ਼ ਈਂਧਨ ਜਾਂ ਏ. ਟੀ. ਐੱਫ. ਦੀ ਮੰਗ ਲਗਾਤਾਰ ਵਧ ਰਹੀ ਸੀ। ਹਾਲਾਂਕਿ, ਵੱਡੀ ਗਿਣਤੀ ’ਚ ਇੰਡੀਗੋ ਦੀਆਂ ਉਡਾਣਾਂ ਰੱਦ ਹੋਣ ਨਾਲ ਦਸੰਬਰ 2025 ’ਚ ਇਹ ਸਿਲਸਿਲਾ ਟੁੱਟ ਗਿਆ।

ਇੰਡੀਗੋ ਪਾਇਲਟਾਂ ਦੇ ਨਵੇਂ ਕਾਰਜ ਮਿਆਦ ਨਿਯਮਾਂ, ਚਾਲਕ ਦਲ ਦੀ ਕਮੀ ਅਤੇ ਸਰਦੀਆਂ ’ਚ ਧੁੰਦ ਵਰਗੀਆਂ ਸਮੱਸਿਆਵਾਂ ਨਾਲ ਜੂਝ ਰਹੀ ਸੀ।

ਇਹ ਵੀ ਪੜ੍ਹੋ :     ਕੀ 3 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੱਕ ਪਹੁੰਚ ਜਾਵੇਗੀ ਚਾਂਦੀ? ਮਾਹਿਰਾਂ ਨੇ ਨਿਵੇਸ਼ਕਾਂ ਨੂੰ ਚਿਤਾਵਨੀ ਦਿੱਤੀ

ਏਅਰਲਾਈਨ ਨੇ ਕੁੱਲ ਮਿਲਾ ਕੇ ਲੱਗਭਗ 5,000 ਉਡਾਣਾਂ ਰੱਦ ਕੀਤੀਆਂ। ਏ. ਟੀ. ਐੱਫ. ਦੀ ਵਿਕਰੀ 1 ਤੋਂ 15 ਦਸੰਬਰ ਤੱਕ 3,31,400 ਟਨ ਰਹੀ, ਜਦੋਂ ਕਿ ਪਿਛਲੇ ਸਾਲ ਦੀ ਇਸੇ ਮਿਆਦ ’ਚ ਇਹ ਅੰਕੜਾ 3,45,400 ਟਨ ਸੀ। ਮਹਾਨਾਵਾਰੀ ਆਧਾਰ ’ਤੇ ਵਿਕਰੀ ’ਚ 7.2 ਫ਼ੀਸਦੀ ਦੀ ਗਿਰਾਵਟ ਆਈ।

ਜਹਾਜ਼ ਈਂਧਨ ਦੇ ਉਲਟ ਸਮੀਖਿਆ ਅਧੀਨ ਮਿਆਦ ’ਚ ਪੈਟਰੋਲ, ਡੀਜ਼ਲ ਅਤੇ ਐੱਲ. ਪੀ. ਜੀ. ਵਰਗੇ ਹੋਰ ਪ੍ਰਮੁੱਖ ਈਂਧਨਾਂ ਦੀ ਵਿਕਰੀ ਵਧੀ। ਡੀਜ਼ਲ ਦੀ ਵਿਕਰੀ ਸਾਲਾਨਾ ਆਧਾਰ ’ਤੇ ਲੱਗਭਗ 5 ਫ਼ੀਸਦੀ ਵਧ ਕੇ 33 ਲੱਖ ਟਨ ਹੋ ਗਈ।

ਇਹ ਵੀ ਪੜ੍ਹੋ :    ਕਦੇ ਨਹੀਂ ਡੁੱਬੇਗਾ ਇਨ੍ਹਾਂ ਬੈਂਕਾਂ 'ਚ ਰੱਖਿਆ ਪੈਸਾ... RBI ਨੇ ਜਾਰੀ ਕੀਤੀ 3 ਸਭ ਤੋਂ ਸੁਰੱਖਿਅਤ ਬੈਂਕਾਂ ਦੀ ਸੂਚੀ

ਤਿਉਹਾਰੀ ਮੰਗ ਘੱਟ ਹੋਣ ਨਾਲ ਇਸ ’ਚ ਮਹੀਨਾਵਾਰੀ ਆਧਾਰ ’ਤੇ 5.5 ਫ਼ੀਸਦੀ ਦੀ ਕਮੀ ਹੋਈ। ਦਸੰਬਰ ਦੇ ਪਹਿਲੇ ਪੰਦਰਵਾੜੇ ’ਚ ਪੈਟਰੋਲ ਦੀ ਵਿਕਰੀ ਸਾਲਾਨਾ ਆਧਾਰ ’ਤੇ 7.7 ਫ਼ੀਸਦੀ ਵਧ ਕੇ 13.3 ਲੱਖ ਟਨ ਰਹੀ। ਮਹੀਨਾਵਾਰੀ ਆਧਾਰ ’ਤੇ ਇਸ ’ਚ 5.1 ਫ਼ੀਸਦੀ ਦੀ ਗਿਰਾਵਟ ਆਈ। ਐੱਲ. ਪੀ. ਜੀ. ਵਿਕਰੀ 15.5 ਲੱਖ ਟਨ ਰਹੀ, ਜੋ ਸਾਲਾਨਾ ਆਧਾਰ ’ਤੇ 15.1 ਫ਼ੀਸਦੀ ਵੱਧ ਹੈ। ਮਹੀਨਾਵਾਰੀ ਆਧਾਰ ’ਤੇ ਵਿਕਰੀ 4.4 ਫ਼ੀਸਦੀ ਵਧੀ।

ਇਹ ਵੀ ਪੜ੍ਹੋ :    ਅੱਜ ਖ਼ਰੀਦੋ 2 ਲੱਖ ਦਾ ਸੋਨਾ, 2035 'ਚ ਮਿਲਣ ਵਾਲੀ ਇਸਦੀ ਕੀਮਤ ਕਰੇਗੀ ਹੈਰਾਨ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt