ਏਸ਼ੀਆਈ ਵਿਕਾਸ ਬੈਂਕ ਨੇ ਘਟਾਈ ਭਾਰਤ ਦੀ ਅੰਦਾਜ਼ਨ ਵਾਧਾ ਦਰ

ਨਵੀਂ ਦਿੱਲੀ(ਭਾਸ਼ਾ)—ਚਾਲੂ ਵਿੱਤੀ ਸਾਲ ਲਈ ਏਸ਼ੀਆਈ ਵਿਕਾਸ ਬੈਂਕ ਨੇ ਭਾਰਤ ਦੀ ਵਾਧਾ ਦਰ 7 ਫੀਸਦੀ ਰਹਿਣ ਦਾ ਅੰਦਾਜ਼ਾ ਜਤਾਇਆ ਹੈ। ਪਹਿਲਾਂ ਉਸ ਨੇ ਇਹ ਅੰਕੜਾ 7.4 ਫੀਸਦੀ ਦਿੱਤਾ ਸੀ। ਅਗਲੇ ਵਿੱਤੀ ਸਾਲ ਲਈ ਵੀ ਅੰਦਾਜ਼ਨ ਵਾਧਾ ਦਰ ਦਾ ਅੰਕੜਾ ਘਟਾਇਆ ਗਿਆ। ਏਸ਼ੀਆਈ ਵਿਕਾਸ ਬੈਂਕ ਨੇ ਆਪਣੀ ਏਸ਼ੀਆਈ ਵਿਕਾਸ ਪ੍ਰਤੀਦ੍ਰਿਸ਼ 2017 ਦੀ ਰਿਪੋਰਟ 'ਚ ਕਿਹਾ ਗਿਆ ਕਿ ਵਿੱਤੀ ਸਾਲ 2017-18 'ਚ ਭਾਰਤ ਦੀ ਸਕਲ ਘਰੇਲੂ ਉਤਪਾਦ (ਜੀ. ਡੀ. ਪੀ.) ਵਾਧਾ ਦਰ ਘਟ ਕੇ 7 ਫੀਸਦੀ ਰਹਿਣ ਦਾ ਅੰਦਾਜ਼ਾ ਹੈ। ਇਹ ਅਪ੍ਰੈਲ ਦੇ ਅੰਦਾਜ਼ੇ ਤੋਂ 0.4 ਫੀਸਦੀ ਘੱਟ ਹੈ। ਵਿੱਤੀ ਸਾਲ 2018-19 ਲਈ ਇਹ ਅੰਦਾਜ਼ਨ ਅੰਕੜਾ 7.6 ਫੀਸਦੀ ਤੋਂ ਘਟਾ ਕੇ 7.4 ਫੀਸਦੀ ਕੀਤਾ ਗਿਆ ਹੈ। ਹਾਲਾਂਕਿ ਇਸ ਬਹੁਪੱਖੀ ਬੈਂਕ ਨੇ ਕਿਹਾ ਕਿ ਨੋਟਬੰਦੀ ਅਤੇ ਨਵੀਂ ਮਾਲ ਅਤੇ ਸੇਵਾ ਟੈਕਸ ਵਿਵਸਥਾ ਨੂੰ ਲਾਗੂ ਕਰਨ ਨਾਲ ਭਾਰਤ 'ਚ ਉਪਭੋਗਤਾ ਪ੍ਰਗਟ ਅਤੇ ਕਾਰੋਬਾਰੀ ਨਿਵੇਸ਼ 'ਤੇ ਅਸਰ ਪਇਆ ਹੈ ਪਰ ਇਸ ਦੇ ਬਾਵਜੂਦ ਭਾਰਤ ਦੀ ਸਥਿਤੀ ਮਜ਼ਬੂਤ ਬਣੀ ਰਹੇਗੀ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਹ ਛੋਟੇ ਸਮੇਂ ਦੀ ਰੁਕਾਵਟ ਹੈ ਅਤੇ ਉਮੀਦ ਕੀਤੀ ਜਾਂਦਾ ਹੈ ਕਿ ਮਾਧਿਅਮ ਸਮੇਂ 'ਚ ਇਨ੍ਹਾਂ ਪਹਿਲਾਂ ਨਾਲ ਵਾਧਾ ਲਾਭਾਂਸ਼ ਕਮਾਇਆ ਹੋਵੇਗਾ। ਏਸ਼ੀਆਈ ਵਿਕਾਸ ਦੀ ਬੈਂਕ ਦੀ ਨਵੀਨਤਮ ਰਿਪੋਰਟ 'ਚ ਵਿਕਾਸਸ਼ੀਲ ਏਸ਼ੀਆ 'ਚ ਵਾਧੇ ਦੀ ਉਮੀਦ ਨੂੰ ਬਰਕਰਾਰ ਰੱਖਿਆ ਗਿਆ ਜੋ ਕਿ ਸੰਸਾਰਿਕ ਵਪਾਰ 'ਚ ਸੁਧਾਰ, ਵੱਡੀ ਤਕਨੀਕੀ ਅਰਥਵਿਵਸਥਾ 'ਚ ਤੇਜ਼ ਵਿਸਤਾਰ ਅਤੇ ਚੀਨ ਦੀਆਂ ਸੰਭਾਵਨਾਵਾਂ ਨੂੰ ਵਧੀਆ ਹੋਣ ਦਾ ਨਤੀਜਾ ਹੈ। 
ਇਹ ਸਾਰੀਆਂ ਗੱਲਾਂ ਮਿਲ ਕੇ ਪੁਰਾਣੇ ਅੰਦਾਜ਼ਿਆਂ ਤੋਂ ਅੱਗੇ ਜਾ ਕੇ 2017 ਅਤੇ 2018 'ਚ ਵਿਕਾਸਸ਼ੀਲ ਏਸ਼ੀਆ 'ਚ ਵਾਧੇ ਨੂੰ ਅੱਗੇ ਵਧਾਉਣਗੇ। ਬੈਂਕ ਦੇ ਮੁੱਖ ਅਰਥਸ਼ਾਸਤਰੀ ਯਾਸੁਯੁਕੀ ਸਵਾਡਾ ਦੇ ਮੁਤਾਬਕ ਵਿਕਾਸਸ਼ੀਲ ਏਸ਼ੀਆ ਲਈ ਵਾਧਾ ਪ੍ਰਤੀਦ੍ਰਿਸ਼ ਚੰਗਾ ਦਿਸ ਰਿਹਾ ਹੈ ਜਿਸ ਦਾ ਮੁੱਖ ਕਾਰਨ ਸੰਸਾਰਿਕ ਵਪਾਰ ਨੂੰ ਪਟਰੀ 'ਤੇ ਵਾਪਸ ਲਿਆਉਣ ਅਤੇ ਚੀਨ 'ਚ ਫਿਰ ਮਜ਼ਬੂਤੀ ਦਿਖਾਉਣਾ ਹੈ। ਸਭ ਤੋਂ ਜ਼ਿਆਦਾ ਲੋੜ ਵਾਲੇ ਬੁਨਿਆਦੀ ਢਾਂਚਾ ਖੇਤਰ 'ਚ ਨਿਵੇਸ਼ ਕਰਨਾ ਚਾਹੀਦਾ।