Auto Expo 2018: ਹੌਂਡਾ ਨੇ ਦਿਖਾਈ ਨਵੀਂ ਕਾਂਸੈਪਟ ਕਾਰ

ਨਵੀਂ ਦਿੱਲੀ- ਜਾਪਾਨ ਦੀ ਵਾਹਨ ਨਿਰਮਾਤਾ ਕੰਪਨੀ ਹੌਂਡਾ ਨੇ ਆਟੋ ਐਕਸਪੋ 2018 'ਚ ਨਵੀਂ ਕਾਂਸੈਪਟ ਕਾਰ ਨੂੰ ਸ਼ੋਅਕੇਸ ਕੀਤਾ ਹੈ। ਇਸ NeuV ਨਾਂ ਦੇ ਕਾਂਸੈਪਟ ਕਾਰ ਨੂੰ ਸ਼ੋਅਕੇਸ ਕਰਨ ਤੋਂ ਇਹ ਪਤਾ ਲਗਦਾ ਹੈ ਕਿ ਕੰਪਨੀ ਨੇ ਇਲੈਕਟ੍ਰਿਕ ਵਾਹਨਾਂ 'ਤੇ ਆਪਣਾ ਧਿਆਨ ਕੇਂਦਰਿਤ ਕੀਤਾ ਹੋਇਆ ਹੈ। ਕੰਪਨੀ ਨੇ ਦੱਸਿਆ ਕਿ ਇਸ ਨੂੰ ਆਟੋਮੇਟਿਡ ਡਰਾਈਵਿੰਗ ਟੈਕਨਾਲੋਜੀ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨਾਲ ਬਣਾਇਆ ਗਿਆ ਹੈ। ਮਤਲਬ ਇਹ ਕਾਰ ਡਰਾਈਵਰ ਦੇ ਚਿਹਰੇ ਦੇ ਭਾਵ ਤੇ ਸੜਕ 'ਤੇ ਕਾਰ ਚਲਾਉਂਦੇ ਸਮੇਂ ਉਸ ਨੂੰ ਸੁਰੱਖਿਆ ਨਾਲ ਜੁੜੀ ਹਰ ਤਰ੍ਹਾਂ ਦੀ ਜਾਣਕਾਰੀ ਦੇਵੇਗੀ।