ਕੁੱਝ ਅਜਿਹਾ ਹੋਵੇਗਾ ਫੋਰਡ ਦੀ ਇਸ ਤਾਕਤਵਰ ਕਾਰ ਦਾ ਨਵਾਂ ਅਵਤਾਰ

ਜਲੰਧਰ- ਅਮਰੀਕਾ ਦੀ ਸਭ ਤੋਂ ਪਾਪੂਲਰ ਕਾਰ ਫੋਰਡ ਮਸਟੈਂਗ ਹੁਣ ਕੰਵਰਟੇਬਲ ਵਰਜਨ ਮਤਲਬ ਖੁੱਲਣ ਵਾਲੀ ਛੱਤ ਦੇ ਨਾਲ ਵੀ ਆਵੇਗੀ। ਇਹ ਨਵੀਂ ਜਨਰੇਸ਼ਨ ਦੀ ਮਸਟੈਂਗ ਹੋਵੇਗੀ। ਇਸ ਨੂੰ ਸਾਲ 2018 'ਚ ਲਾਂਚ ਕੀਤਾ ਜਾਵੇਗਾ। ਡਿਜ਼ਾਇਨ ਅਤੇ ਇੰਜਣ ਦੇ ਮਾਮਲੇ 'ਚ ਕੂਪੇ ਅਤੇ ਕੰਵਰਟੇਬਲ ਦੋਨੋਂ ਇਕ ਵਰਗੀਆਂ ਹੋਣਗੀਆਂ। ਇਨ੍ਹਾਂ 'ਚ ਅੰਤਰ ਸਿਰਫ ਛੱਤ ਦਾ ਹੋਵੇਗਾ। ਕੂਪੇ ਵਰਜਨ ਦੀ ਛੱਤ ਨੂੰ ਖੋਲਿਆ ਅਤੇ ਬੰਦ ਨਹੀਂ ਕੀਤਾ ਜਾ ਸਕੇਗਾ। ਜਦ ਕਿ ਕੰਵਰਟੇਬਲ ਮਸਟੈਂਗ ਦੀ ਛੱਤ ਨੂੰ ਖੋਲਿਆ ਅਤੇ ਬੰਦ ਕੀਤਾ ਜਾ ਸਕਦਾ ਹੈ। 

ਨਵੀਂ ਮਸਟੈਂਗ ਨੂੰ ਸਭ ਤੋਂ ਪਹਿਲਾਂ ਅਮਰੀਕਾ 'ਚ ਲਾਂਚ ਕੀਤੀ ਜਾਵੇਗੀ। ਇਸ ਤੋਂ ਬਾਅਦ ਇਸ ਨੂੰ ਦੂੱਜੇ ਦੇਸ਼ਾਂ 'ਚ ਵੀ ਉਤਾਰਿਆ ਜਾਵੇਗਾ। ਅਮਰੀਕਾ 'ਚ ਇਹ ਦੋ ਇੰਜਣ ਆਪਸ਼ਨਸ ਨਾਲ ਆਵੇਗੀ, ਇਸ 'ਚ 2.3 ਲਿਟਰ ਈਕੋਬੂਸਟ ਅਤੇ 5.0 ਲਿਟਰ ਵੀ8 ਦੋ ਇੰਜਣ ਮਿਲਣਗੇ। ਇਸ 'ਚ 10-ਸਪੀਡ ਆਟੋਮੈਟਿਕ ਗਿਅਰਬਾਕਸ ਅਤੇ ਮੈਗਨੇਟਿੱਕ ਡੈਂਪਰਸ ਵੀ ਮਿਲਣਗੇ।

ਡਿਜ਼ਾਇਨ ਦੇ ਮਾਮਲੇ 'ਚ ਨਵੀਂ ਮਸਟੈਂਗ ਦਾ ਅਗਲਾ ਹਿੱਸਾ ਨਵਾਂ ਹੈ, ਇੱਥੇ ਨਵੇਂ ਹੈਡਲੈਂਪਸ ਅਤੇ ਨਵਾਂ ਬੋਨਟ ਦਿੱਤਾ ਗਿਆ ਹੈ। ਕੰਪਨੀ ਨੇ ਕੰਵਰਟੇਬਲ ਮਸਟੈਂਗ ਦੇ ਪਿੱਛੇ ਵਾਲੇ ਹਿੱਸੇ ਦੀਆਂ ਤਸਵੀਰਾਂ ਨਹੀਂ ਵਿਖਾਈਆਂ ਹਨ। 

ਭਾਰਤੀ ਕਾਰ ਬਾਜ਼ਾਰ 'ਚ ਇਥੇ ਫੋਰਡ ਮਸਟੈਂਗ ਨੂੰ ਕਾਫ਼ੀ ਚੰਗੀ ਪ੍ਰਤੀਕਿਰੀਆ ਮਿਲੀ ਹੈ। ਫੋਰਡ ਮਸਟੈਂਗ ਨੂੰ ਪਿਛਲੇ ਸਾਲ ਲਾਂਚ ਕੀਤਾ ਗਿਆ ਸੀ ਅਤੇ ਕੁੱਝ ਹੀ ਸਮਾਂ ਚ ਇਸ ਨੇ ਮੁਕਾਬਲੇ 'ਚ ਮੌਜੂਦ ਸਪੋਰਟਸ ਅਤੇ ਸੁਪਰ ਕਾਰਾਂ ਦੀ ਤੁਲਣਾ 'ਚ ਜ਼ਿਆਦਾ ਬਿਹਤਰ ਵਿਕਰੀ ਦੇ ਆਂਕੜੇ ਜੁਟਾਏ ਹਨ। ਅਜਿਹੇ 'ਚ ਉਮੀਦ ਕੀਤੀ ਜਾ ਸਕਦੀ ਹੈ ਕਿ ਫੋਰਡ ਨਵੀਂ ਮਸਟੈਂਗ ਨੂੰ ਭਾਰਤ 'ਚ ਵੀ ਉਤਾਰੇਗੀ।