ਦੇਸ਼ ''ਚ ਸਾਉਣੀ ਦੀਆਂ ਫ਼ਸਲਾਂ ਦੀ ਬਿਜਾਈ 830 ਲੱਖ ਹੈਕਟੇਅਰ ਤੋਂ ਪਾਰ

ਜੈਤੋ (ਰਘੂਨੰਦਨ ਪਰਾਸ਼ਰ) : ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਨੇ ਸ਼ਨੀਵਾਰ ਨੂੰ 28 ਜੁਲਾਈ, 2023 ਤੱਕ ਦੇਸ਼ ਵਿੱਚ ਵੱਖ-ਵੱਖ ਸਾਉਣੀ ਦੀਆਂ ਫ਼ਸਲਾਂ ਦੇ ਅਧੀਨ ਬੀਜੇ ਗਏ ਰਕਬੇ ਦੀ ਪ੍ਰਗਤੀ ਰਿਪੋਰਟ ਜਾਰੀ ਕੀਤੀ। ਰਿਪੋਰਟ ਅਨੁਸਾਰ ਮੌਜੂਦਾ ਸਾਲ 2023 ਵਿੱਚ ਝੋਨੇ ਦੀ ਬਿਜਾਈ ਰਕਬੇ ਵਿੱਚ 237.58, ਦਾਲਾਂ 96.84, ਅਰਹਰ 31.51, ਉਰਦਦਾਲ 25.83, ਮੂੰਗੀ ਦੀ ਦਾਲ 27.64, ਕੁਲਥੀ 0.21 ਸਣੇ ਹੋਰ ਦਾਲਾਂ 11.65, ਸ਼੍ਰੀ ਅੰਨਾ ਕਮ ਮੋਟੇ ਅਨਾਜ 145.76, ਜਵਾਰ 10.58, ਬਾਜਰਾ 60.60, ਰਾਗੀ 2.48, ਛੋਟਾ ਬਾਜਰਾ 2.74, ਮੱਕੀ 69.36, ਤਿਲਹਨ 171.02, ਮੂੰਗਫਲੀ 37.58, ਸੋਇਆਬੀਅਨ 119.91, ਸੂਰਜਮੁਖੀ 0.52, ਤਿਲ 10.07, ਰਾਮ ਤਿਲ 0.09, ਆਰੰਡੀ 2.77, ਹੋਰ ਤਿਲਹਨ 0.08, ਗੰਨਾ 56.00, ਜੂਟ ਅਤੇ ਰੇਸ਼ੇ ਵਾਲੀਆਂ (ਮੇਸਟਾ) ਫ਼ਸਲਾਂ ਦੀ 6.37 ਲੱਖ ਹੈਕਟੇਅਰ ਭੂਮੀ ਵਿੱਚ ਬਿਜਾਈ ਹੋਈ ਸੀ। ਦੇਸ਼ ਵਿੱਚ ਇਸ ਸਾਲ ਕੁੱਲ 830.30 ਲੱਖ ਹੈਕਟੇਅਰ ਵਿੱਚ ਬਿਜਾਈ ਹੋਈ ਹੈ, ਜਦੋਂ ਕਿ ਪਿਛਲੇ ਸਾਲ 2022 ਵਿੱਚ ਇਸੇ ਮਿਆਦ ਦੌਰਾਨ ਬਿਜਾਈ 831.65 ਲੱਖ ਹੈਕਟੇਅਰ ਸੀ।