ਵੱਖ-ਵੱਖ ਹਾਦਸੇ ''ਚ 2 ਵਿਅਕਤੀਆਂ ਦੀ ਮੌਤ
10/15/2017 10:53:58 AM
ਦੇਹਰਾਦੂਨ— ਨਹਿਰੂ ਕਾਲੋਨੀ 'ਚ ਵੱਖ-ਵੱਖ ਘਟਨਾਵਾਂ 'ਚ 2 ਲੋਕਾਂ ਦੀ ਮੌਤ ਹੋ ਗਈ। ਥਾਣਾ ਨਹਿਰੂ ਕਾਲੋਨੀ ਨੂੰ ਸੂਚਨਾ ਮਿਲੀ ਕਿ ਪੋਸਟ ਆਫਿਸ ਤਿਰਾਹਾ ਰਿੰਗ ਰੋਡ ਨੇੜੇ ਇਕ ਮੋਟਰਸਾਈਕਲ ਸਵਾਰ ਨੂੰ ਟਰੱਕ ਵੱਲੋਂ ਟੱਕਰ ਮਾਰ ਦਿੱਤੀ ਗਈ ਹੈ।
ਸੂਚਨਾ 'ਤੇ ਚੌਕੀ ਜੋਗੀਵਾਲਾ ਤੋਂ ਪੁਲਸ ਫੌਜ ਤੁਰੰਤ ਮੌਕੇ 'ਤੇ ਪੁੱਜੀ ਅਤੇ ਜ਼ਖਮੀ ਵਿਅਕਤੀ ਨੂੰ ਇਲਾਜ ਲਈ ਹਸਪਤਾਲ ਭੇਜਿਆ, ਜਿੱਥੇ ਡਾਕਟਰਾਂ ਵੱਲੋਂ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ਗਿਆ। ਮ੍ਰਿਤਕ ਦੀ ਪਛਾਣ ਵਿਪਿਨ ਕੁਮਾਰ ਪੁੱਤਰ ਟੀਕਾ ਰਾਮ ਵਾਸੀ ਅਲੀਪੁਰਾ ਪੋਸਟ ਅਕਬਰਾਬਾਦ ਥਾਣਾ ਨਗੀਨਾ ਬਿਜ਼ਨੌਰ ਉਤਰ ਪ੍ਰਦੇਸ਼ ਵਾਸੀ ਤਪੋਵਨ ਰਾਏਪੁਰ ਦੇ ਰੂਪ 'ਚ ਹੋਈ ਹੈ।
ਮ੍ਰਿਤਕ ਪੇਂਟਰ ਦਾ ਕੰਮ ਕਰਦਾ ਸੀ। ਘਟਨਾ ਦੇ ਬਾਅਦ ਮੌਕੇ ਤੋਂ ਟਰੱਕ ਚਾਲਕ ਟਰੱਕ ਛੱਡ ਕੇ ਫਰਾਰ ਹੋ ਗਿਆ, ਜਿਸ ਦੀ ਤਲਾਸ਼ ਜਾਰੀ ਹੈ। ਪੁਲਸ ਨੇ ਪੋਸਟਮਾਰਟਮ ਲਈ ਲਾਸ਼ ਨੂੰ ਹਸਪਤਾਲ ਭੇਜ ਦਿੱਤਾ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਪਰਿਵਾਰਕ ਮੈਬਰਾਂ ਦੇ ਆਉਣ ਦਾ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।
ਇਕ ਹੋਰ ਘਟਨਾ 'ਚ ਥਾਣਾ ਨਹਿਰੂ ਕਾਲੋਨੀ ਨੂੰ ਸੂਚਨਾ ਮਿਲੀ ਕਿ ਗੋਰਖਪੁਰ ਫਾਟਕ ਤੋਂ ਜੋਗੀਵਾਲਾ ਵੱਲੋਂ ਕਰੀਬ 100 ਮੀਟਰ ਅੱਗੇ ਰੇਲਵੇ ਟਰੈਕ ਨੇੜੇ ਇਕ ਅਣਪਛਾਤਾ ਵਿਅਕਤੀ ਜ਼ਖਮੀ ਹਾਲਤ 'ਚ ਪਿਆ ਹੋਇਆ ਸੀ। ਸੂਚਨਾ 'ਤੇ ਪੁਲਸ ਫੌਜ ਪੁੱਜੀ। ਜ਼ਖਮੀ ਵਿਅਕਤੀ ਦੇ ਸਿਰ 'ਤੇ ਸੱਟ ਲੱਗੀ ਹੋਈ ਸੀ ਅਤੇ ਖੂਨ ਵਹਿ ਰਿਹਾ ਸੀ। ਜਿਸ ਨੂੰ ਪੁਲਸ ਵੱਲੋਂ ਹਸਪਤਾਲ ਭੇਜਿਆ ਗਿਆ। ਹਸਪਤਾਲ 'ਚ ਇਲਾਜ ਦੌਰਾਨ ਉਸ ਦੀ ਵੀ ਮੌਤ ਹੋ ਗਈ। ਮ੍ਰਿਤਕ ਦੇ ਕੋਲ ਮੋਬਾਇਲ ਜਾਂ ਕਿਸੇ ਪ੍ਰਕਾਰ ਦਾ ਪਛਾਣ ਪੱਤਰ ਨਹੀਂ ਮਿਲਿਆ ਹੈ, ਜਿਸ ਨਾਲ ਉਸ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਪੁਲਸ ਵੱਲੋਂ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
