ਚੀਨ : ਜੇਲ ''ਚ ਬੰਦ ਕੈਂਸਰ ਪੀੜਤ ਨੋਬਲ ਪੁਰਸਕਾਰ ਜੇਤੂ ਲਿਊ ਸ਼ਿਆਬੋ ਨੂੰ ਰਿਹਾਅ ਕੀਤਾ ਗਿਆ : ਵਕੀਲ

ਬੀਜਿੰਗ— ਚੀਨ ਦੀ ਜੇਲ 'ਚ ਬੰਦ ਨੋਬਲ ਸ਼ਾਂਤੀ ਪੁਰਸਕਾਰ ਜੇਤੂ ਲਿਊ ਸ਼ਿਆਬੋ ਨੂੰ ਇਲਾਜ ਲਈ ਪੈਰੋਲ 'ਤੇ ਰਿਹਾਅ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਦੇ ਵਕੀਲ ਨੇ ਅੱਜ ਦੱਸਿਆ ਕਿ ਪਿਛਲੇ ਮਹੀਨੇ ਹੀ ਪਤਾ ਚੱਲਿਆ ਸੀ ਕਿ ਉਹ ਲੀਵਰ ਕੈਂਸਰ ਨਾਲ ਪੀੜਤ ਹਨ ਅਤੇ ਇਹ ਰੋਗ ਅੰਤਿਮ ਪੜਾਅ 'ਚ ਹੈ। ਲਿਊ ਦੇ ਵਕੀਲ ਮੋ ਸ਼ਾ ਓਪਨਿੰਗ ਨੇ ਦੱਸਿਆ ਕਿ 23 ਮਈ ਨੂੰ ਉਨ੍ਹਾਂ ਦੇ ਕੈਂਸਰ ਨਾਲ ਪੀੜਤ ਹੋਣ ਬਾਰੇ ਪਤਾ ਲੱਗਾ ਸੀ, ਜਿਸ ਤੋਂ ਕੁਝ ਦਿਨ ਬਾਅਦ ਉਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ। ਮੋ ਨੇ ਕਿਹਾ ਕਿ ਹੁਣ ਉਨ੍ਹਾਂ ਦਾ ਪੁਰਬੀ ਉੱਤਰ ਦੇ ਲਿਆਓਨਿੰਗ ਸੂਬੇ ਦੇ ਸ਼ੇਨਯਾਂਗ ਸਥਿਤ ਹਸਪਤਾਲ 'ਚ ਇਲਾਜ ਚਲ ਰਿਹਾ ਹੈ। ਅਜੇ ਉਨ੍ਹਾਂ ਦੀ ਕੋਈ ਖਾਸ ਯੋਜਨਾ ਨਹੀਂ ਹੈ। ਫਿਲਹਾਲ ਤਾਂ ਉਨ੍ਹਾਂ ਦਾ ਇਲਾਜ ਚਲ ਰਿਹਾ ਹੈ।