ਮਹਿਲਾ IPL ਨੂੰ ਲੈ ਕੇ ਵੱਡਾ ਅਪਡੇਟ, ਪੰਜ ਟੀਮਾਂ ਦੇ ਨਾਲ ਆਯੋਜਿਤ ਹੋ ਸਕਦਾ ਹੈ ਪਹਿਲਾ ਸੀਜ਼ਨ

ਮੁੰਬਈ — ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਮਹਿਲਾ ਆਈ.ਪੀ.ਐੱਲ. ਦੇ ਪਹਿਲੇ ਸੀਜ਼ਨ ਨੂੰ ਪੰਜ ਟੀਮਾਂ ਨਾਲ ਆਯੋਜਿਤ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਈਐਸਪੀਐਨ ਕ੍ਰਿਕਇੰਫੋ ਨੇ ਬੀਸੀਸੀਆਈ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਕਿ ਮਾਰਚ 2023 ਵਿੱਚ ਹੋਣ ਵਾਲੀ ਮਹਿਲਾ ਇੰਡੀਅਨ ਪ੍ਰੀਮੀਅਰ ਲੀਗ (ਮਹਿਲਾ ਆਈਪੀਐਲ) ਵਿੱਚ 22 ਮੈਚ ਖੇਡੇ ਜਾਣਗੇ। ਇੱਕ ਫਰੈਂਚਾਇਜ਼ੀ ਵਿੱਚ ਵੱਧ ਤੋਂ ਵੱਧ 18 ਖਿਡਾਰੀਆਂ ਵਿੱਚੋਂ ਛੇ ਵਿਦੇਸ਼ੀ ਖਿਡਾਰੀ ਹੋਣਗੇ, ਜਦੋਂ ਕਿ ਵੱਧ ਤੋਂ ਵੱਧ ਪੰਜ ਵਿਦੇਸ਼ੀ ਖਿਡਾਰੀ ਇਲੈਵਨ ਵਿੱਚ ਖੇਡ ਸਕਦੇ ਹਨ।

ਇਹ ਵੀ ਪੜ੍ਹੋ :  Tri-Series : ਪਾਕਿਸਤਾਨ ਨੇ ਨਿਊਜ਼ੀਲੈਂਡ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਜਿੱਤੀ ਸੀਰੀਜ਼

ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਬੋਰਡ ਆਈਪੀਐਲ ਟੀਮਾਂ ਨੂੰ ਵੇਚਣ ਦੇ ਦੋ ਵਿਕਲਪਾਂ ਵਿੱਚ ਵੀ ਬਹਿਸ ਕਰ ਰਿਹਾ ਹੈ। ਪਹਿਲੇ ਵਿਕਲਪ ਦੇ ਤਹਿਤ, ਟੀਮਾਂ ਨੂੰ ਉੱਤਰੀ (ਧਰਮਸ਼ਾਲਾ/ਜੰਮੂ), ਦੱਖਣੀ (ਕੋਚੀ/ਵਿਜ਼ਾਗ), ਕੇਂਦਰੀ (ਇੰਦੌਰ/ਨਾਗਪੁਰ/ਰਾਏਪੁਰ), ਪੂਰਬੀ (ਰਾਂਚੀ/ਕਟਕ), ਉੱਤਰੀ ਪੂਰਬ (ਗੁਹਾਟੀ) ਅਤੇ ਪੱਛਮੀ (ਪੁਣੇ /ਰਾਜਕੋਟ)) ਜ਼ੋਨਾਂ ਵਿੱਚ ਵੰਡਿਆ ਜਾ ਸਕਦਾ ਹੈ। ਦੂਜੇ ਫਾਰਮੈਟ ਵਿੱਚ, ਟੀਮਾਂ ਨੂੰ ਪੁਰਸ਼ਾਂ ਆਈ.ਪੀ.ਐੱਲ. ਦੀ ਤਰ੍ਹਾਂ ਸ਼ਹਿਰ ਵਾਰ ਤਰੀਕੇ ਨਾਲ ਵੰਡਿਆ ਜਾ ਸਕਦਾ ਹੈ। ਲੀਗ ਪੜਾਅ ਵਿੱਚ ਟੀਮਾਂ ਦੋ ਮੈਚਾਂ ਵਿੱਚ ਇੱਕ ਦੂਜੇ ਨਾਲ ਖੇਡਣਗੀਆਂ।

ਅੰਕ ਸੂਚੀ ਵਿਚ ਸਿਖਰ 'ਤੇ ਰਹਿਣ ਵਾਲੀ ਟੀਮ ਸਿੱਧੇ ਫਾਈਨਲ ਲਈ ਕੁਆਲੀਫਾਈ ਕਰ ਲਵੇਗੀ, ਜਦਕਿ ਦੂਜੇ ਅਤੇ ਤੀਜੇ ਸਥਾਨ 'ਤੇ ਰਹਿਣ ਵਾਲੀਆਂ ਟੀਮਾਂ ਦਾ ਫੈਸਲਾ ਐਲੀਮੀਨੇਟਰ ਮੈਚ ਦੁਆਰਾ ਕੀਤਾ ਜਾਵੇਗਾ। ਆਈਪੀਐਲ ਗਵਰਨਿੰਗ ਕੌਂਸਲ ਦੇ ਚੇਅਰਮੈਨ ਅਤੇ ਬੀਸੀਸੀਆਈ ਦੇ ਅਹੁਦੇਦਾਰਾਂ ਨੂੰ ਟੂਰਨਾਮੈਂਟ ਦੇ ਪ੍ਰੋਗਰਾਮ ਬਾਰੇ ਅੰਤਿਮ ਫੈਸਲਾ ਲੈਣ ਲਈ ਅਧਿਕਾਰਤ ਕੀਤਾ ਗਿਆ ਹੈ। ਬੀਸੀਸੀਆਈ ਅਗਲੇ ਹਫ਼ਤੇ ਹੋਣ ਵਾਲੀ ਸਾਲਾਨਾ ਮੀਟਿੰਗ ਵਿੱਚ ਮਹਿਲਾ ਆਈਪੀਐਲ ਦੀ ਯੋਜਨਾ ਪੇਸ਼ ਕਰੇਗਾ। ਆਈਪੀਐਲ ਗਵਰਨਿੰਗ ਕੌਂਸਲ ਦੇ ਨਵੇਂ ਚੇਅਰਮੈਨ ਦੀ ਚੋਣ ਵੀ ਇਸੇ ਮੀਟਿੰਗ ਦੌਰਾਨ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਰੈਫਰੀ ਨੂੰ ਮਾਲਾਮਾਲ ਬਣਾ ਸਕਦੀ ਹੈ ਮਾਰਾਡੋਨਾ ਦੀ 'ਹੈਂਡ ਆਫ ਗੌਡ' ਗੇਂਦ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।