ਵਿੰਬਲਡਨ : ਓਸਾਕਾ ਨੇ ਜਿੱਤ ਕੀਤੀ ਹਾਸਲ, ਕੋਕੋ ਗੌਫ ਵੀ ਅਗਲੇ ਦੌਰ ''ਚ

ਵਿੰਬਲਡਨ, (ਭਾਸ਼ਾ) ਨਾਓਮੀ ਓਸਾਕਾ ਨੇ ਸੋਮਵਾਰ ਨੂੰ ਵਿੰਬਲਡਨ ਟੈਨਿਸ ਟੂਰਨਾਮੈਂਟ 'ਚ ਛੇ ਸਾਲਾਂ 'ਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ ਜਦੋਂ ਉਸ ਨੇ ਮਹਿਲਾ ਵਰਗ 'ਚ ਡਿਆਨੇ ਪੇਰੀ ਨੂੰ ਹਰਾਇਆ ਤੇ ਸਿੰਗਲਜ਼ ਦੇ ਦੂਜੇ ਦੌਰ 'ਚ ਜਗ੍ਹਾ ਬਣਾਉਣ 'ਚ ਸਫਲ ਰਹੀ। ਓਸਾਕਾ ਪੰਜ ਸਾਲ ਤੱਕ ਵਿੰਬਲਡਨ ਵਿੱਚ ਵੀ ਨਹੀਂ ਖੇਡੀ। ਬਾਰਾਂ ਮਹੀਨੇ ਪਹਿਲਾਂ, ਓਸਾਕਾ ਆਪਣੀ ਬੇਟੀ ਸ਼ਾਈ ਦੇ ਜਨਮ ਕਾਰਨ ਦੌਰੇ ਦਾ ਹਿੱਸਾ ਵੀ ਨਹੀਂ ਸੀ। ਮੰਗਲਵਾਰ ਨੂੰ ਉਸਦੀ ਧੀ ਇੱਕ ਸਾਲ ਦੀ ਹੋ ਗਈ। 

ਓਸਾਕਾ ਨੇ ਪਹਿਲੇ ਦੌਰ ਦੇ ਸਖ਼ਤ ਮੁਕਾਬਲੇ ਵਿੱਚ ਪੈਰੀ ਨੂੰ 6-1, 1-6, 6-4 ਨਾਲ ਹਰਾਇਆ। ਜਨਵਰੀ 'ਚ ਦੌਰੇ 'ਤੇ ਵਾਪਸੀ ਤੋਂ ਪਹਿਲਾਂ 15 ਮਹੀਨੇ ਬਾਹਰ ਰਹੀ ਓਸਾਕਾ ਦੀ ਇਸ ਸਮੇਂ ਵਿਸ਼ਵ ਰੈਂਕਿੰਗ 113 ਹੈ ਜਦਕਿ ਉਹ ਵਿਸ਼ਵ ਦੀ ਨੰਬਰ ਇਕ ਖਿਡਾਰਨ ਰਹੀ ਹੈ। ਪੇਰੀ ਦੀ ਵਿਸ਼ਵ ਰੈਂਕਿੰਗ 53 ਹੈ। ਦੋ ਵਾਰ ਦੀ ਯੂਐਸ ਅਤੇ ਆਸਟ੍ਰੇਲੀਅਨ ਓਪਨ ਦੀ ਜੇਤੂ ਓਸਾਕਾ 2019 ਵਿੱਚ ਪਹਿਲੇ ਦੌਰ ਵਿੱਚ ਹਾਰ ਤੋਂ ਬਾਅਦ ਪਹਿਲੀ ਵਾਰ ਵਿੰਬਲਡਨ ਵਿੱਚ ਮੁਕਾਬਲਾ ਕਰ ਰਹੀ ਸੀ। 

ਇਸ ਤੋਂ ਪਹਿਲਾਂ, ਕਈ ਵਾਰ ਗ੍ਰੈਂਡ ਸਲੈਮ ਜੇਤੂ ਅਰੀਨਾ ਸਬਲੇਨਕਾ ਅਤੇ ਵਿਕਟੋਰੀਆ ਅਜ਼ਾਰੇਂਕਾ ਨੇ ਟੂਰਨਾਮੈਂਟ ਤੋਂ ਹਟਣ ਦਾ ਫੈਸਲਾ ਕੀਤਾ ਸੀ। ਮੌਜੂਦਾ ਯੂਐਸ ਓਪਨ ਚੈਂਪੀਅਨ ਕੋਕੋ ਗੌਫ, 2021 ਦੀ ਯੂਐਸ ਓਪਨ ਜੇਤੂ ਐਮਾ ਰਾਡੂਕਾਨੂ ਅਤੇ ਤਿੰਨ ਵਾਰ ਦੇ ਗ੍ਰੈਂਡ ਸਲੈਮ ਜੇਤੂ ਕਾਰਲੋਸ ਅਲਕਾਰਾਜ਼ ਵੀ ਜਿੱਤ ਦਰਜ ਕਰਨ ਵਿੱਚ ਸਫਲ ਰਹੇ। ਮੌਜੂਦਾ ਚੈਂਪੀਅਨ ਅਲਕਾਰਜ਼ ਨੇ ਪੁਰਸ਼ ਸਿੰਗਲਜ਼ ਵਿੱਚ ਇਸਟੋਨੀਆ ਦੇ ਕੁਆਲੀਫਾਇਰ ਮਾਰਕ ਲਾ ਯਾਹਲ ਨੂੰ 7-6, 7-5, 6-2 ਨਾਲ ਹਰਾ ਕੇ ਖ਼ਿਤਾਬੀ ਬਚਾਅ ਦੀ ਸ਼ੁਰੂਆਤ ਕੀਤੀ। ਗੌਫ ਨੇ ਕੈਰੋਲੀਨ ਡੋਲੇਹਾਈਡ ਨੂੰ 6-1, 6-2 ਨਾਲ ਹਰਾਇਆ ਜਦਕਿ ਰਾਡੂਕਾਨੂ ਨੇ ਰੇਨਾਟਾ ਜ਼ਾਰਾਜੁਆ ਨੂੰ 7-6, 6-3 ਨਾਲ ਹਰਾਇਆ।