ਵਾਵਰਿੰਕਾ ਅਰਜਨਟੀਨਾ ਓਪਨ ਤੋਂ ਬਾਹਰ

ਬਿਊਨਸ ਆਇਰਸ, (ਭਾਸ਼ਾ) : ਤਿੰਨ ਵਾਰ ਦੇ ਗ੍ਰੈਂਡ ਸਲੈਮ ਜੇਤੂ ਸਟੈਨ ਵਾਵਰਿੰਕਾ ਤਿੰਨ ਸੈੱਟਾਂ ਦੇ ਸਖ਼ਤ ਮੁਕਾਬਲੇ ਵਿੱਚ ਤੀਜਾ ਦਰਜਾ ਪ੍ਰਾਪਤ ਨਿਕੋਲਸ ਜੈਰੀ ਤੋਂ ਹਾਰ ਕੇ ਅਰਜਨਟੀਨਾ ਓਪਨ ਟੈਨਿਸ ਟੂਰਨਾਮੈਂਟ ਵਿੱਚੋਂ ਬਾਹਰ ਹੋ ਗਿਆ। ਵਾਵਰਿੰਕਾ ਮੈਚ ਲਈ ਸਰਵਿਸ ਕਰ ਰਿਹਾ ਸੀ ਪਰ ਉਸ ਨੂੰ 6-7 (3), 6-2, 7-6 (5) ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਕੁਆਰਟਰ ਫਾਈਨਲ ਵਿੱਚ ਜੈਰੀ ਦਾ ਸਾਹਮਣਾ ਟਾਮਸ ਮਾਰਟਿਨ ਐਚੇਵੇਰੀ ਨਾਲ ਹੋਵੇਗਾ। ਐਚੇਵੇਰੀ ਨੇ ਕੋਲੰਬੀਆ ਦੇ ਡੇਨੀਅਲ ਗਾਲਾਨ ਨੂੰ 6-3, 6-0 ਨਾਲ ਹਰਾਇਆ। ਮੌਜੂਦਾ ਚੈਂਪੀਅਨ ਅਤੇ ਚੋਟੀ ਦਾ ਦਰਜਾ ਪ੍ਰਾਪਤ ਕਾਰਲੋਸ ਅਲਕਾਰਜ਼ ਦਾ ਸਾਹਮਣਾ ਸਥਾਨਕ ਖਿਡਾਰੀ ਕੈਮਿਲੋ ਕਾਰਾਬੇਲੀ ਨਾਲ ਹੋਵੇਗਾ।