ਤੀਜੀ ਬਾਰ ਅਲੇਨ ਬਾਰਡਰ ਪੁਰਸਕਾਰ ਲਈ ਚੁਣੇ ਗਏ ਵਾਰਨਰ

ਮੈਲਬੋਰਨ— ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਨੂੰ ਕ੍ਰਿਕਟ ਆਸਟਰੇਲੀਆ ਪੁਰਸਕਾਰਾਂ 'ਚ ਸੋਮਵਾਰ ਨੂੰ ਤੀਜੀ ਬਾਰ ਅਲੇਨ ਬਾਰਡਰ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਜਦਕਿ ਅਲਿਸ ਪੈਰੀ ਨੂੰ ਦੂਜੀ ਬਾਰ ਬੇਲਿੰਡਾ ਕਲਾਰਕ ਪੁਰਸਕਾਰ ਦਿੱਤਾ ਗਿਆ। ਵਾਰਨਰ ਨੇ ਇਸ ਵੱਕਾਰੀ ਪੁਰਸਕਾਰ ਦੇ ਲਈ ਸਿਰਫ ਇਕ ਵੋਟ ਨਾਲ ਸਾਬਕਾ ਕਪਤਾਨ ਸਟੀਵ ਸਮਿਥ ਨੂੰ ਹਰਾਇਆ। ਪਿਛਲੇ ਸਾਲ ਦੇ ਜੇਤੂ ਤੇਜ਼ ਗੇਂਦਬਾਜ਼ ਪੈਟ ਕਮਿੰਸ ਤੀਜੇ ਸਥਾਨ 'ਤੇ ਰਹੇ। ਕੇਪਟਾਊਨ ਟੈਸਟ (2018) 'ਚ ਗੇਂਦ ਨਾਲ ਛੇੜਛਾੜ ਕਾਰਨ ਇਕ ਦੀ ਪਾਬੰਦੀ ਝਲਣ ਵਾਲੇ ਵਾਰਨਰ ਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਸ਼ਾਨਦਾਰ ਵਾਪਸੀ ਕੀਤੀ।

ਉਨ੍ਹਾਂ ਨੇ 2016 ਤੇ 2017 'ਚ ਵੀ ਇਸ ਪੁਰਸਕਾਰ ਨੂੰ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ ਟੈਸਟ, ਵਨ ਡੇ ਤੇ ਟੀ-20 ਅੰਤਰਰਾਸ਼ਟਰੀ 'ਚ ਮਿਲਾ ਕੇ 194 ਵੋਟਾਂ ਮਿਲੀਆਂ ਜੋ ਸਮਿਥ ਤੋਂ ਇਕ ਤੇ ਕਮਿੰਸ ਤੋਂ 9 ਵੋਟਾਂ ਜ਼ਿਆਦਾ ਸੀ। ਮਹਿਲਾਵਾਂ 'ਚ ਪੈਰੀ ਨੇ ਬੇਲਿੰਡਾ ਕਲਾਰਕ ਪੁਰਸਕਾਰ ਜਿੱਤਿਆ ਤਾਂ ਉਹੀ ਟੀਮ ਦੀ ਉਸਦੀ ਸਾਥੀ ਖਿਡਾਰੀ ਅਲਿਸਾ ਹੀਲੀ ਨੂੰ ਸਾਲ ਦਾ ਸਰਵਸ੍ਰੇਸ਼ਠ ਟੀ-20  ਤੇ ਵਨ ਡੇ ਮਹਿਲਾ ਖਿਡਾਰੀ ਚੁਣਿਆ ਗਿਆ। ਪੁਰਸ਼ਾਂ 'ਚ ਵਾਰਨਰ ਨੂੰ ਸਾਲ ਦਾ ਸਰਵਸ੍ਰੇਸ਼ਠ ਟੀ-20 ਅੰਤਰਰਾਸ਼ਟਰੀ ਖਿਡਾਰੀ ਚੁਣਿਆ ਗਿਆ। ਆਰੋਨ ਫਿੰਚ ਨੂੰ ਸਰਵਸ੍ਰੇਸ਼ਠ ਜਦਕਿ ਮਾਰਨਸ ਲਾਬੁਸ਼ੇਨ ਨੂੰ ਸਾਲ ਦਾ ਸਰਵਸ੍ਰੇਸ਼ਠ ਟੈਸਟ ਖਿਡਾਰੀ ਚੁਣਿਆ ਗਿਆ।