ਵੀਡੀਓ : ਅਗਲੇ 8 ਸਾਲ ਦੇ ਪਲਾਨ 'ਤੇ ਕੋਹਲੀ ਦਾ ਖੁਲਾਸਾ, ਕਿਹਾ- ਕ੍ਰਿਕਟ ਦੀ ਬਜਾਏ ਪਰਿਵਾਰ ਨੂੰ ਪਹਿਲ
01/20/2019 12:16:50 PM
ਨਵੀਂ ਦਿੱਲੀ— ਟੀਮ ਇੰਡੀਆ ਨੇ ਸ਼ੁੱਕਰਵਾਰ ਨੂੰ ਆਸਟਰੇਲੀਆਈ ਦੌਰੇ ਦਾ ਸੁਖਦ ਅੰਤ ਕੀਤਾ। ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਟੀਮ ਇੰਡੀਆ ਆਸਟਰੇਲੀਆਈ ਦੌਰੇ 'ਤੇ ਕੋਈ ਸੀਰੀਜ਼ ਨਹੀਂ ਹਾਰੀ। ਟੀ-20 ਕੌਮਾਂਤਰੀ ਸੀਰੀਜ਼ ਬਰਾਬਰੀ 'ਤੇ ਰਹੀ। ਟੈਸਟ ਸੀਰੀਜ਼ 'ਚ ਭਾਰਤ ਨੇ 2-1 ਨਾਲ ਬਾਜ਼ੀ ਮਾਰੀ ਅਤੇ ਫਿਰ ਵਨ ਡੇ ਸੀਰੀਜ਼ ਵੀ ਵਿਰਾਟ ਬ੍ਰਿਗੇਡ ਨੇ 2-1 ਨਾਲ ਆਪਣੇ ਨਾਂ ਕੀਤੀ। ਭਾਰਤੀ ਟੀਮ ਦਾ ਓਵਰਆਲ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ। ਪਰ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਕਪਤਾਨ ਕੋਹਲੀ ਨੇ ਆਪਣਾ ਅਲਗ ਅਕਸ ਬਣਾਇਆ ਹੈ ਅਤੇ ਉਨ੍ਹਾਂ ਨੇ ਆਪਣੀ ਮੌਜੂਦਗੀ ਨਾਲ ਕੰਗਾਰੂਆਂ ਦੇ ਮਨ 'ਚ ਖੌਫ ਬਣਾਏ ਰਖਿਆ ਹੈ।
ਆਸਟਰੇਲੀਆਈ ਦੌਰਾ ਖਤਮ ਹੋਣ ਦੇ ਕੁਝ ਸਮੇਂ ਬਾਅਦ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਇਕ ਛੋਟੀ ਵੀਡੀਓ ਕਲਿਪ 'ਚ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਦੇ ਬਾਰੇ 'ਚ ਖੁਲਾਸਾ ਕੀਤਾ। ਵਿਰਾਟ ਨੇ ਇਹ ਵੀਡੀਓ ਕਲਿਪ ਆਪਣੀ ਅਧਿਕਾਰਤ ਐਪ ਲਈ ਬਣਾਈ ਹੈ। ਦਿੱਗਜ ਬੱਲੇਬਾਜ਼ ਨੇ ਕਿਹਾ ਕਿ ਸਨਿਆਸ ਲੈਣ ਦੇ ਬਾਅਦ ਉਹ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਆਪਣੇ ਪਰਿਵਾਰ ਦੇ ਨਾਲ ਬਿਤਾਉਣਗੇ ਕਿਉਂਕਿ ਉਹ ਕ੍ਰਿਕਟ ਨੂੰ ਜ਼ਿੰਦਗੀ ਦਾ ਹਿੱਸਾ ਮੰਨਦੇ ਹਨ, ਪਰ ਜ਼ਿੰਦਗੀ ਨਹੀਂ।
ਭਾਰਤੀ ਕਪਤਾਨ ਤੋਂ ਇਕ ਸਵਾਲ ਪੁੱਛਿਆ ਗਿਆ ਕਿ 8 ਸਾਲਾਂ ਬਾਅਦ ਤੁਸੀਂ ਆਪਣੇ ਆਪ ਨੂੰ ਕਿੱਥੇ ਦੇਖਦੇ ਹੋ? ਇਸ 'ਤੇ ਵਿਰਾਟ ਨੇ ਜਵਾਬ ਦਿੱਤਾ, ''8 ਸਾਲਾਂ ਬਾਅਦ ਮੇਰੀ ਤਰਜੀਹ ਪਰਿਵਾਰ ਹੋਵੇਗੀ। ਮੈਂ, ਅਨੁਸ਼ਕਾ ਅਤੇ ਸਾਡਾ ਪਰਿਵਾਰ। ਕ੍ਰਿਕਟ ਜ਼ਰੂਰ ਮੇਰੀ ਜ਼ਿੰਦਗੀ ਦਾ ਹਿੱਸਾ ਹੋਵੇਗਾ, ਪਰ ਮੇਰਾ ਮੰਨਣਾ ਹੈ ਪਰਿਵਾਰ ਤਰਜੀਹ ਹੋਣੀ ਚਾਹੀਦੀ ਹੈ ਕਿਉਂਕਿ ਜ਼ਿੰਦਗੀ ਤੋਂ ਵਧ ਕੇ ਕੁਝ ਨਹੀਂ।'' ਵਿਰਾਟ ਨੇ ਕਿਹਾ, ''ਕ੍ਰਿਕਟ ਮੇਰੀ ਜ਼ਿੰਦਗੀ ਦਾ ਹਿੱਸਾ ਹੈ, ਪਰ ਜ਼ਿੰਦਗੀ ਤੋਂ ਵੱਧ ਕੇ ਕੁਝ ਨਹੀਂ ਹੁੰਦਾ।''
Family, cricket & more.. Catch me talking about all of it only on my official app! 😊
— Virat Kohli (@imVkohli) January 19, 2019
Click on the link below to watch the full video -https://t.co/0MnACwss3q pic.twitter.com/BUIGCRl9OG