ਇਨ੍ਹਾਂ 2 ਖਿਡਾਰੀਆਂ ਤੋਂ ਬਿਨਾਂ ਰੋਹਿਤ-ਵਿਰਾਟ ਵੀ ਟੀਮ ਇੰਡੀਆ ਨੂੰ ਨਹੀਂ ਜਿਤਾ ਸਕਣਗੇ
Tuesday, Oct 23, 2018 - 09:46 AM (IST)
ਨਵੀਂ ਦਿੱਲੀ— ਗੁਵਾਹਾਟੀ ਵਨ ਡੇ 'ਚ ਟੀਮ ਇੰਡੀਆ ਨੇ ਵੈਸਟਇੰਡੀਜ਼ ਨੂੰ 8 ਵਿਕਟਾਂ ਦੇ ਵੱਡੇ ਅੰਤਰ ਨਾਲ ਹਰਾਇਆ। ਇਸ ਜਿੱਤ 'ਚ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਨੇ ਸ਼ਾਨਦਾਰ ਸੈਂਕੜਾ ਵੀ ਲਗਾਇਆ, ਪਰ ਇਸ ਜਿੱਤ ਦੇ ਬਾਵਜੂਦ ਟੀਮ ਇੰਡੀਆ ਗੇਂਦਬਾਜ਼ੀ ਦੇ ਮੋਰਚੇ 'ਤੇ ਫੇਲ ਹੋ ਗਈ। ਟੀਮ ਇੰਡੀਆ ਦੇ ਗੇਂਦਬਾਜ਼ਾਂ ਨੇ ਵੈਸਟਇੰਡੀਜ਼ ਵਰਗੀ ਗੈਰਅਨੁਭਵੀ ਟੀਮ ਦੇ ਅੱਗੇ 322 ਦੌੜਾਂ ਲੁਟਾ ਦਿੱਤੀਆਂ।
ਵਰਲਡ ਕੱਪ 2019 ਤੋਂ ਪਹਿਲਾਂ ਟੀਮ ਇੰਡੀਆ ਲਈ ਇਹ ਬੁਰੀ ਖਬਰ ਹੈ, ਵਿੰਡੀਜ਼ ਖਿਲਾਫ ਟੀਮ ਇੰਡੀਆ ਦੇ ਗੇਂਦਬਾਜ਼ਾਂ ਦੀ ਪਿਟਾਈ ਇਸ ਵੱਲ ਇਸ਼ਾਰਾ ਕਰ ਰਹੀ ਹੈ ਕਿ ਭੁਵਨੇਸ਼ਵਰ ਤੇ ਬੁਮਰਾਹ ਨੇ ਬਿਨਾਂ ਟੀਮ ਇੰਡੀਆ ਦੀ ਗੇਂਦਬਾਜ਼ੀ ਸ਼ਾਨਦਾਰ ਨਹੀਂ ਹੈ।
ਜਨਵਰੀ 2017 ਤੋਂ ਹੁਣ ਤੱਕ ਦੇ ਰਿਕਾਰਡ ਦੀ ਗੱਲ ਕਰੀਏ ਤਾਂ ਤੇਜ਼ ਗੇਂਦਬਾਜ਼ਾਂ 'ਚ ਬੁਮਰਾਹ ਅਤੇ ਭੁਵੀ ਨੇ ਹੀ ਕਿਫਾਇਤੀ ਗੇਂਦਬਾਜ਼ੀ ਕੀਤੀ ਹੈ, ਪਿਛਲੇ ਇਕ ਸਾਲ 'ਚ ਬੁਮਰਾਹ ਦਾ ਇਕਨਾਮੀ ਰੇਟ 4.78 ਰਿਹਾ ਹੈ ਅਤੇ ਭੁਵੀ ਨੇ 5.10 ਦੇ ਇਕਨਾਮੀ ਰੇਟ ਨਾਲ ਦੌੜਾਂ ਬਣਾਈਆਂ ਹਨ, ਇਨ੍ਹਾਂ ਦੇ ਇਲਾਵਾ ਜੇਕਰ ਸ਼ਮੀ, ਉਮੇਸ਼ ਦੇ ਇਕਨਾਮੀ ਰੇਟ ਨੂੰ ਦੇਖੀਏ ਤਾਂ ਇਹ 5.98 ਰਿਹਾ ਹੈ, ਜੋ ਕਿ ਵਨ ਡੇ ਕ੍ਰਿਕਟ ਦੇ ਲਿਹਾਜ ਨਾਲ ਕਾਫੀ ਜ਼ਿਆਦਾ ਹੈ।
ਵੈਸਟਇੰਡੀਜ਼ ਖਿਲਾਫ ਮੁਹੰਮਦ ਸ਼ਮੀ ਨੇ ਬਹੁਤ ਹੀ ਖਰਾਬ ਪ੍ਰਦਰਸ਼ਨ ਕੀਤਾ, ਸ਼ਮੀ ਨੇ 2 ਵਿਕਟਾਂ ਲਈ 81 ਦੌੜਾਂ ਖਰਚ ਕਰ ਦਿੱਤੀਆਂ, ਸ਼ਮੀ ਨੇ ਵਨ ਡੇ ਕਰੀਅਰ 'ਚ ਤੀਜੀ ਵਾਰ 80 ਤੋਂ ਜ਼ਿਆਦਾ ਦੌੜਾਂ ਜਿੱਤੀਆਂ ਹਨ ਇਹ ਅਣਚਾਹਿਆ ਰਿਕਾਰਡ ਬਣਾਉਣ ਵਾਲੇ ਮੁਹੰਮਦ ਸ਼ਮੀ ਪਹਿਲੇ ਭਾਰਤੀ ਕ੍ਰਿਕਟਰ ਵੀ ਹਨ।
