RCB ਦੇ ਨਵੇਂ ਲੋਗੋ ''ਤੇ ਆਇਆ ਵਿਰਾਟ ਕੋਹਲੀ ਦਾ ਰਿਐਕਸ਼ਨ, ਜਾਣੋ ਕੀ ਕਿਹਾ
02/15/2020 12:00:23 PM
ਸਪੋਰਟਸ ਡੈਸਕ— ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) ਦੀ ਟੀਮ ਰਾਇਲ ਚੈਲੰਜਰਜ਼ ਬੈਂਗਲੋਰ (ਆਰ. ਸੀ. ਬੀ.) ਨੇ 13ਵੇਂ ਸੀਜ਼ਨ ਤੋਂ ਪਹਿਲਾਂ ਆਪਣਾ ਲੋਗੋ ਬਦਲ ਲਿਆ ਹੈ ਤੇ ਇਹ ਲੋਗੋ 14 ਫਰਵਰੀ ਨੂੰ ਸੋਸ਼ਲ ਮੀਡੀਆ 'ਤੇ ਰਿਲੀਜ਼ ਕੀਤਾ ਗਿਆ। ਨਵਾਂ ਲੋਗੋ ਰਿਲੀਜ਼ ਹੋਣ ਦੇ ਬਾਅਦ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦਾ ਰਿਐਕਸ਼ਨ ਸਾਹਮਣੇ ਆਇਆ ਹੈ।
ਕੋਹਲੀ ਨੇ ਆਰ. ਸੀ. ਬੀ. ਦੇ ਵੀਡੀਓ ਨੂੰ ਰਿਟਵੀਟ ਕਰਦੇ ਹੋਏ ਟਵਿੱਟਰ 'ਤੇ ਲਿਖਿਆ, ''ਲੋਗੋ (Logo) ਦਾ ਕੰਮ ਹੈ ਕਹਿਣਾ, ਨਵੇਂ ਲੋਗੋ ਨੂੰ ਦੇਖ ਕੇ ਕਾਫੀ ਰੋਮਾਂਚਕ ਮਹਿਸੂਸ ਕਰ ਰਿਹਾ ਹਾਂ। ਨਵਾਂ ਲੋਗੋ ਸਾਡੀ ਟੀਮ ਦੇ ਖਿਡਾਰੀਆਂ ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ। ਆਈ. ਪੀ. ਐੱਲ. 2020 ਦੇ ਸ਼ੁਰੂ ਹੋਣ ਦਾ ਇੰਤਜ਼ਾਰ ਹੁਣ ਨਹੀਂ ਕਰ ਸਕਦਾ।''
LOGO ka kaam hai kehna. 😄 Thrilled to see our new @rcbtweets logo. It embodies the Bold pride and challenger spirit that our players bring to the field. Can’t wait for #IPL2020 #NewDecadeNewRCB 🤩 https://t.co/n8c24JqbAl
— Virat Kohli (@imVkohli) February 14, 2020
ਦਰਅਸਲ ਵਿਰਾਟ ਕੋਹਲੀ ਨੇ ਉਨ੍ਹਾਂ ਲੋਕਾਂ ਨੂੰ ਜਵਾਬ ਦਿੱਤਾ ਹੈ ਜੋ ਲੋਕ ਕਹਿ ਰਹੇ ਸਨ ਕਿ ਨਵਾਂ ਲੋਗੋ ਲਾਂਚ ਹੋਣ ਦੇ ਬਾਅਦ ਵੀ ਬੈਂਗਲੋਰ ਦੀ ਟੀਮ ਦਾ ਹਸ਼ਰ ਪਹਿਲਾਂ ਵਾਂਗ ਹੀ ਹੋਵੇਗਾ। ਜ਼ਿਕਰਯੋਗ ਹੈ ਕਿ ਆਰ. ਸੀ. ਬੀ. ਨੇ ਦੋ ਦਿਨ ਪਹਿਲਾਂ ਆਪਣੇ ਸਾਰੇ ਸੋਸ਼ਲ ਮੀਡੀਆ ਅਕਾਊਂਟਸ ਤੋਂ ਪ੍ਰੋਫਾਈਲ ਤਸਵੀਰ ਅਤੇ ਕਵਰ ਤਸਵੀਰ ਹਟਾ ਦਿੱਤੀ ਸੀ। ਇਸ ਤੋਂ ਇਲਾਵਾ ਫ੍ਰੈਂਚਾਈਜ਼ੀ ਨੇ ਇੰਸਟਾਗ੍ਰਾਮ ਤੋਂ ਪੁਰਾਣੀ ਪੋਸਟ ਵੀ ਹਟਾ ਦਿੱਤੀ ਸੀ। ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਤਸਵੀਰ ਹਟਣ ਦੇ ਬਾਅਦ ਇਹ ਸੰਭਾਵਨਾ ਪ੍ਰਗਟਾਈ ਜਾ ਰਹੀ ਸੀ ਕਿ ਟੀਮ ਦਾ ਨਾਂ ਬਦਲਿਆ ਜਾ ਸਕਦਾ ਹੈ, ਪਰ ਟੀਮ ਨੇ ਸਿਰਫ ਆਪਣਾ ਲੋਗੋ ਬਦਲਿਆ ਹੈ।
