ਸਚਿਨ ਤੇ ਸਮਿਥ ਤੋਂ ਬਹੁਤ ਅੱਗੇ ਹੈ ਵਿਰਾਟ : ਪੀਟਰਸਨ

ਨਵੀਂ ਦਿੱਲੀ— ਇੰਗਲੈਂਡ ਦੇ ਸਾਬਕਾ ਕਪਤਾਨ ਕੇਵਿਨ ਪੀਟਰਸਨ ਨੇ ਕਿਹਾ ਕਿ ਉਹ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੂੰ ਆਸਟਰੇਲੀਆ ਦੇ ਸਟੀਵ ਸਮਿਥ ਤੋਂ ਇਲਾਵਾ ਭਾਰਤ ਦੇ ਦਿੱਗਜ ਸਚਿਨ ਤੇਂਦੁਲਕਰ  ਤੋਂ ਅੱਗੇ ਰਹਿਣਗੇ। ਪੀਟਰਸਨ ਨੇ ਜ਼ਿੰਬਾਬਵੇ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਤੇ ਕਾਮੇਂਟੇਟਰ ਪਾਮੀ ਅਮਬਾਂਗਵੇ ਦੇ ਨਾਲ ਇੰਸਟਾਗ੍ਰਾਮ 'ਤੇ ਗੱਲ ਕਰਦੇ ਹੋਏ ਕਿਹਾ ਕਿ ਟੀਚੇ ਦਾ ਪਿੱਛਾ ਕਰਦੇ ਹੋਏ ਕੋਹਲੀ ਦੇ ਅੰਕੜੇ ਇਨ੍ਹਾਂ ਦੋਵਾਂ ਬੱਲੇਬਾਜ਼ਾਂ ਤੋਂ ਅੱਗੇ ਰੱਖਦੇ ਹਨ। ਪੀਟਰਸਨ ਨੇ ਕਿਹਾ ਕਿ ਕੋਹਲੀ ਬਿਹਤਰੀਨ ਬੱਲੇਬਾਜ਼ ਹੈ। ਦਬਾਅ 'ਚ ਰਹਿੰਦੇ ਹੋਏ ਉਨ੍ਹਾਂ ਨੇ ਜਿੰਨੀ ਵਾਰ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ ਨੂੰ ਜਿੱਤ ਹਾਸਲ ਕਰਵਾਈ ਉਸਦੀ ਤੁਲਨਾ 'ਚ ਸਮਿਥ ਤਾਂ ਉਸਦੇ ਨੇੜੇ ਵੀ ਨਹੀਂ ਹੈ। ਪੀਟਰਸਨ ਨੇ ਕਿਹਾ ਕਿ ਇਸ ਲਈ ਉਨ੍ਹਾਂ ਨੇ ਆਪਣੀ ਕਿਤਾਬ 'ਚ ਕੋਹਲੀ ਨੂੰ ਸਚਿਨ ਤੋਂ ਜ਼ਿਆਦਾ ਤਵਜੋ ਦਿੱਤੀ ਹੈ।

ਪੀਟਰਸਨ ਨੇ ਕਿਹਾ ਕਿ ਵਿਰਾਟ ਟੀਚੇ ਦਾ ਪਿੱਛਾ ਕਰਨ ਦੇ ਅੰਕੜਿਆਂ ਦੇ ਕਾਰਨ ਅੱਗੇ ਹੈ। ਉਸਦੇ ਇਹ ਅੰਕੜੇ ਸ਼ਾਨਦਾਰ ਹਨ। ਉਸਦਾ ਔਸਤ ਇਸ ਦੌਰਾਨ 80 ਤੋਂ ਜ਼ਿਆਦਾ ਹੈ। ਉਹ ਭਾਰਤ ਨੂੰ ਲਗਾਤਾਰ ਮੈਚ ਜਿੱਤਾਉਂਦੇ ਹਨ। ਉਹ ਇਨ੍ਹਾਂ ਅੰਕੜਿਆਂ ਨੂੰ ਲਗਾਤਾਰ ਬਦਲ ਰਹੇ ਹਨ। ਮੇਰੇ ਲਈ ਦੇਸ਼ ਨੂੰ ਜਿੰਨਾ ਜ਼ਿਆਦਾ ਮਾਈਨੇ ਰੱਖਦਾ ਹੈ।