ਪਹਿਲੇ ਟੀ-20 ''ਚ ਮਿਲੀ ਹਾਰ ਤੋਂ ਬਾਅਦ ਕਪਤਾਨ ਡੁਮਨੀ ਨੇ ਇਨ੍ਹਾਂ ਖਿਡਾਰੀਆਂ ''ਤੇ ਕੱਢਿਆ ਗੁੱਸਾ

ਨਵੀਂ ਦਿੱਲੀ (ਬਿਊਰੋ)— ਭਾਰਤੀ ਟੀਮ ਨੇ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਗੁਆਉਣ ਦੇ ਬਾਅਦ ਦੱਖਣ ਅਫਰੀਕਾ ਦੇ ਕਪਤਾਨ ਜੇ.ਪੀ. ਡੁਮਨੀ ਨੇ ਕਿਹਾ ਕਿ ਉਹ ਇਸ ਨਤੀਜੇ ਤੋਂ ਕਾਫ਼ੀ ਨਿਰਾਸ਼ ਹੈ। ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ਵਿਚ ਪੰਜ ਵਿਕਟਾਂ ਉੱਤੇ 203 ਦੌੜਾਂ ਬਣਾਉਣ ਦੇ ਬਾਅਦ ਦੱਖਣ ਅਫਰੀਕਾ ਨੂੰ ਨੌਂ ਵਿਕਟਾਂ ਉੱਤੇ 175 ਦੌੜਾਂ ਉੱਤੇ ਰੋਕ ਦਿੱਤੀ। ਮੈਚ  ਦੇ ਬਾਅਦ ਡੁਮਨੀ ਨੇ ਕਿਹਾ,”''ਇਸ ਹਾਰ ਤੋਂ ਬਹੁਤ ਨਿਰਾਸ਼ ਹਾਂ। ਅਸੀ ਪਹਿਲੇ ਛੇ ਓਵਰਾਂ ਵਿਚ ਹਮੇਸ਼ਾ ਵਿਕਟਾਂ ਲੈਣ ਦੇ ਬਾਰੇ ਵਿਚ ਸੋਚ ਰਹੇ ਸੀ। ਉਥੇ ਹੀ ਭਾਰਤੀ ਬੱਲੇਬਾਜ ਗੇਂਦ ਨੂੰ ਸੀਮਾ ਰੇਖਾ ਦੇ ਬਾਹਰ ਭੇਜ ਰਹੇ ਸਨ।'' ਉਨ੍ਹਾਂ ਨੇ ਕਿਹਾ ਕਿ ਉਹ ਟੀਮ ਦੀ ਬੱਲੇਬਾਜ਼ੀ ਤੋਂ ਸੰਤੁਸ਼ਠ ਹਨ। ਉਨ੍ਹਾਂ ਨੇ ਕਿਹਾ,”''ਵਾਸਤਵ ਵਿਚ ਮੈਂ ਖੁਸ਼ ਸੀ, ਪਰ ਅਸੀ ਸਾਂਝੇਦਾਰੀ ਨਹੀਂ ਕਰ ਸਕੇ। ਗੇਂਦਬਾਜ਼ੀ ਵਿਚ ਵੀ ਆਪਣੀ ਯੋਜਨਾ ਤੋਂ ਖੁਸ਼ ਹਾਂ। ਪਰ ਅਸੀ ਟੀਚੇ ਦਾ ਪਿੱਛਾ ਕਰਨ ਵਿਚ ਭਟਕ ਗਏ। ਅਸੀ ਸਾਂਝੇਦਾਰੀ ਕਰਨ ਵਿਚ ਨਾਕਾਮ ਰਹੇ। ਨਵੇਂ ਖਿਡਾਰੀਆਂ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹਾਂ। ਉਨ੍ਹਾਂ ਨੇ ਪਹਿਲੇ ਮੈਚ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਉਮੀਦ ਕਰਦਾ ਹਾਂ ਕਿ ਉਹ ਬਚੇ ਹੋਏ ਦੋ ਮੈਚਾਂ ਵਿਚ ਵੀ ਬਿਹਤਰ ਪ੍ਰਦਰਸ਼ਨ ਕਰਨਗੇ।

ਭਾਰਤ ਅਤੇ ਦੱਖਣ ਅਫਰੀਕਾ ਦਰਮਿਆਨ ਖੇਡੇ ਗਏ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ ਵਿਚ ਦੱਖਣ ਅਫਰੀਕਾ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਦਾ ਫੈਸਲਾ ਕੀਤਾ। ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 5 ਵਿਕਟਾਂ ਗੁਆ ਕੇ 203 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣ ਅਫਰੀਕਾ ਦੀ ਟੀਮ 20 ਓਵਰਾਂ ਵਿਚ 9 ਵਿਕਟਾਂ ਗੁਆ ਕੇ 175 ਦੌੜਾਂ ਹੀ ਬਣਾ ਪਾਈ ਅਤੇ 28 ਦੌੜਾਂ ਨਾਲ ਇਹ ਮੈਚ ਹਾਰ ਗਈ।