ਇਹ ਚਾਰ ਭਾਰਤੀ ਕ੍ਰਿਕਟਰ ਸ਼ਾਇਦ ਫਿਰ ਆਈ.ਪੀ.ਐੱਲ. ''ਚ ਕਦੀ ਖੇਡਦੇ ਨਾ ਦਿਸਣ
04/11/2018 3:24:55 PM
ਨਵੀਂ ਦਿੱਲੀ (ਬਿਊਰੋ)— ਆਈ.ਪੀ.ਐੱਲ. 2018 ਦੇ ਮੁਕਾਬਲੇ ਸ਼ੁਰੂ ਹੋ ਚੁੱਕੇ ਹਨ। ਕ੍ਰਿਕਟਰਸ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਣ 'ਚ ਲੱਗੇ ਹੋਏ ਹਨ। ਪਰ ਕੁਝ ਅਜਿਹੇ ਵੀ ਖਿਡਾਰੀ ਹੁੰਦੇ ਹਨ ਜੋ ਲੰਬੇ ਸਮੇਂ ਤੋਂ ਆਈ.ਪੀ.ਐੱਲ. 'ਚ ਬਿਹਤਰੀਨ ਪ੍ਰਦਰਸ਼ਨ ਨਹੀਂ ਕਰ ਸਕੇ ਸਨ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਹੀ ਚਾਰ ਇੰਡੀਅਨ ਕ੍ਰਿਕਟਰਸ ਬਾਰੇ ਦੱਸ ਰਹੇ ਹਾਂ ਜਿਨ੍ਹਾਂ 'ਤੇ ਆਈ.ਪੀ.ਐੱਲ. ਤੋਂ ਹਮੇਸਾ ਲਈ ਬਾਹਰ ਹੋਣ ਦਾ ਖਤਰਾ ਮੰਡਰਾ ਰਿਹਾ ਹੈ।
ਅਸ਼ੋਕ ਡਿੰਡਾ 'ਤੇ ਕਈ ਟੀਮਾਂ ਨੇ ਭਰੋਸਾ ਜਤਾਇਆ ਹੈ, ਪਰ ਉਹ ਇਸ ਭਰੋਸੇ 'ਤੇ ਖਰਾ ਨਹੀਂ ਉਤਰ ਸਕੇ। ਆਈ.ਪੀ.ਐੱਲ. ਦੀ ਨਿਲਾਮੀ 'ਚ ਉਨ੍ਹਾਂ ਨੂੰ ਕਿਸੇ ਵੀ ਟੀਮ ਨੇ ਨਹੀਂ ਖਰੀਦਿਆ। ਇਸ ਤਰ੍ਹਾਂ ਉਨ੍ਹਾਂ 'ਤੇ ਹਮੇਸ਼ਾ ਲਈ ਆਈ.ਪੀ.ਐੱਲ. ਤੋਂ ਬਾਹਰ ਹੋਣ ਦਾ ਖਤਰਾ ਮੰਡਰਾ ਰਿਹਾ ਹੈ।
ਮੁਨਾਫ ਪਟੇਲ ਨੇ ਆਈ.ਪੀ.ਐੱਲ. 'ਚ ਮੁੰਬਈ ਇੰਡੀਅਨਜ਼ ਲਈ ਕਾਫੀ ਕ੍ਰਿਕਟ ਖੇਡਿਆ ਹੈ। ਪਰ ਉਹ ਲੰਬੇ ਸਮੇਂ ਤੋਂ ਆਪਣੀ ਪਰਫਾਰਮੈਂਸ ਨਾਲ ਪ੍ਰਭਾਵਿਤ ਨਹੀਂ ਕਰ ਸਕੇ। ਹੁਣ ਤਾਂ ਮੁਨਾਫ ਦੀ ਉਮਰ ਵੀ ਉਨ੍ਹਾਂ ਦੇ ਆਈ.ਪੀ.ਐੱਲ. ਕਰੀਅਰ ਦੇ ਖਿਲਾਫ ਹੋ ਗਈ ਹੈ।
ਚੇਤੇਸ਼ਵਰ ਪੁਜਾਰਾ ਨੂੰ ਸਾਲ 2014 'ਚ ਆਖਰੀ ਵਾਰ ਕਿੰਗਸ ਇਲੈਵਨ ਪੰਜਾਬ ਦੇ ਲਈ ਆਈ.ਪੀ.ਐੱਲ. 'ਚ ਖੇਡਦੇ ਹੋਏ ਦੇਖਿਆ ਗਿਆ ਸੀ। ਪੁਜਾਰਾ ਟੈਸਟ ਕ੍ਰਿਕਟ 'ਚ ਬਿਹਤਰੀਨ ਪਰਫਾਰਮੈਂਸ ਦੇ ਲਈ ਜਾਣੇ ਜਾਂਦੇ ਹਨ ਪਰ ਉਹ ਆਈ.ਪੀ.ਐੱਲ. ਦੇ ਟੀ-20 ਫਾਰਮੈਟ 'ਚ ਨਹੀਂ ਚਲ ਸਕੇ।
ਇਸ਼ਾਂਤ ਸ਼ਰਮਾ ਭਾਰਤ ਦੇ ਤਜਰਬੇਕਾਰ ਤੇਜ਼ ਗੇਂਦਬਾਜ਼ਾਂ 'ਚੋਂ ਇਕ ਹਨ। ਇਸ਼ਾਂਤ ਨੇ ਆਈ.ਪੀ.ਐੱਲ. 'ਚ ਵੀ ਕਾਫੀ ਗੇਂਦਬਾਜ਼ੀ ਕੀਤੀ ਹੈ। ਪਰ ਉਹ ਮੈਚ ਦੇ ਅੰਤਿਮ ਓਵਰਾਂ 'ਚ ਚੰਗਾ ਪ੍ਰਦਰਸ਼ਨ ਨਹੀਂ ਕਰ ਸਕੇ ਹਨ। ਇਸ ਦੀ ਵਜ੍ਹਾ ਨਾਲ ਉਨ੍ਹਾਂ ਦੇ ਆਈ.ਪੀ.ਐੱਲ. ਕਰੀਅਰ 'ਤੇ ਕਾਫੀ ਬੁਰਾ ਅਸਰ ਪਿਆ ਹੈ।
