ਯੁਵੀ ਦੇ ਯੋਗਦਾਨ ''ਤੇ ਬੋਲੇ ਸਚਿਨ, ਤੁਸੀਂ ਕ੍ਰਿਕਟ ਲਈ ਜੋ ਵੀ ਕੀਤਾ ਉਸ ਲਈ ਧੰਨਵਾਦ

ਮੁੰਬਈ— ਕ੍ਰਿਕਟ ਦੇ ਮੈਦਾਨ ਤੋਂ ਲੈ ਕੇ ਕੈਂਸਰ ਤਕ ਜੰਗ ਜਿੱਤਣਾ ਤੇ ਫਿਰ ਖੇਡ ਦੇ ਮੈਦਾਨ 'ਤੇ ਵਾਪਸੀ ਕਰਨ ਦੇ ਦੌਰਾਨ ਯੁਵਰਾਜ ਸਿੰਘ ਦੇ ਪ੍ਰੇਰਣਾ ਦੇ ਸਰੋਤ ਰਹੇ ਸਚਿਨ ਤੇਂਦੁਲਕਰ ਨੇ ਉਸਦੇ ਸੰਨਿਆਸ 'ਤੇ ਖੇਡ ਨੂੰ ਦਿੱਤੇ ਯੋਗਦਾਨ ਦੇ ਲਈ ਧੰਨਵਾਦ ਕੀਤਾ। ਆਪਣੇ 17 ਸਾਲ ਦੇ ਅੰਤਰਰਾਸ਼ਟਰੀ ਕਰੀਅਰ ਦੇ ਦੌਰਾਨ ਜ਼ਿਆਦਾਤਰ ਸਮਾਂ ਤਕ ਤੇਂਦੁਲਕਰ ਦੇ ਨਾਲ ਡ੍ਰੈਸਿੰਗ ਰੂਮ ਨੂੰ ਸਾਂਝਾ ਕਰਨ ਵਾਲੇ ਯੁਵਰਾਜ ਨੇ ਸੋਮਵਾਰ ਨੂੰ ਇੱਥੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਦਾ ਐਲਾਨ ਕੀਤਾ। ਸੰਨਿਆਸ ਤੋਂ ਬਾਅਦ ਖੇਡ ਜਗਤ ਨੇ ਉਸਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਜਿਸ 'ਚ ਤੇਂਦੁਲਕਰ ਵੀ ਸ਼ਾਮਿਲ ਹੈ।

What a fantastic career you have had Yuvi.
You have come out as a true champ everytime the team needed you. The fight you put up through all the ups & downs on & off the field is just amazing. Best of luck for your 2nd innings & thanks for all that you have done for 🇮🇳 Cricket.🙌 pic.twitter.com/J9YlPs87fv

— Sachin Tendulkar (@sachin_rt) June 10, 2019

ਉਨ੍ਹਾਂ ਨੇ ਟਵੀਟ ਕੀਤਾ ਕਿ ''ਤੁਹਾਡਾ ਕਰੀਅਰ ਕਾਫੀ ਸ਼ਾਨਦਾਰ ਰਿਹਾ ਯੁਵੀ। ਜਦੋਂ ਵੀ ਟੀਮ ਨੂੰ ਲੋੜ ਸੀ, ਤੁਸੀਂ ਹਮੇਸ਼ਾ ਸੱਚੇ ਚੈਂਪੀਅਨ ਦੀ ਤਰ੍ਹਾਂ ਟੀਮ ਦੀ ਮਦਦ ਕੀਤੀ। ਤੁਹਾਡੇ ਕਰੀਅਰ 'ਚ ਅਤੇ ਮੈਦਾਨ ਦੇ ਬਾਹਰ ਤੁਹਾਡੀ ਜ਼ਿੰਦਗੀ ਵਿਚ ਜੋ ਵੀ ਉਤਰਾਅ-ਚੜ੍ਹਾਅ ਆਏ, ਉਸ ਦਾ ਤੁਸੀਂ ਬਹਾਦਰੀ ਨਾਲ  ਸਾਹਮਣਾ ਕੀਤਾ। ਤੁਹਾਨੂੰ ਦੂਜੀ ਪਾਰੀ ਲਈ ਸ਼ੁੱਭ-ਕਾਮਨਾਵਾਂ ਅਤੇ ਤੁਸੀਂ ਕ੍ਰਿਕਟ ਲਈ ਜੋ ਵੀ ਕੀਤਾ, ਉਸ ਲਈ ਤੁਹਾਡਾ ਧੰਨਵਾਦ।'' ਭਾਰਤ 2011 'ਚ ਜਦੋਂ ਵਿਸ਼ਵ ਚੈਂਪੀਅਨ ਬਣਿਆ ਸੀ ਤਾਂ ਯੁਵਰਾਜ ਨੇ ਉਸ ਨੂੰ ਮੋਢਿਆਂ 'ਤੇ ਚੁੱਕ ਕੇ ਮੈਦਾਨ ਦੇ ਚੱਕਰ ਕੱਢੇ ਸਨ। ਇਸ ਦੇ ਨਾਲ ਹੀ ਭਾਰਤੀ ਟੀਮ ਦੇ ਮੌਜੂਦਾ ਕਪਤਾਨ ਵਿਰਾਟ ਕੋਹਲੀ ਨੇ ਵੀ ਟਵੀਟ ਕੀਤਾ ਤੇ ਨਾਲ ਹੀ ਭਾਰਤੀ ਟੀਮ ਦੇ ਸਾਬਕਾ ਧਮਾਕੇਦਾਰ ਖਿਡਾਰੀ ਵਰਿੰਦਰ ਸਹਿਵਾਗ ਨੇ ਸੰਨਿਆਸ 'ਤੇ ਟਵੀਟ ਕੀਤਾ।

Congratulations on a wonderful career playing for the country paji. You gave us so many memories and victories and I wish you the best for life and everything ahead. Absolute champion. @YUVSTRONG12 pic.twitter.com/LXSWNSQXog

— Virat Kohli (@imVkohli) June 10, 2019

''ਦੇਸ਼ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਅਤੇ ਤੁਹਾਨੂੰ ਬਿਹਤਰੀਨ ਕਰੀਅਰ ਲਈ ਸ਼ੁੱਭ-ਕਾਮਨਾਵਾਂ ਯੁਵੀ ਭਾਜੀ। ਤੁਸੀਂ ਸਾਨੂੰ ਕਈ ਯਾਦਗਾਰ ਪਲ ਦਿੱਤੇ ਅਤੇ ਮੈਚ ਜਿੱਤਵਾਏ। ਤੁਹਾਨੂੰ ਅੱਗੇ ਦੀ ਜ਼ਿੰਦਗੀ ਲਈ ਸ਼ੁੱਭ-ਕਾਮਨਾਵਾਂ।'' 

Players will come and go,but players like @YUVSTRONG12 are very rare to find. Gone through many difficult times but thrashed disease,thrashed bowlers & won hearts. Inspired so many people with his fight & will-power. Wish you the best in life,Yuvi #YuvrajSingh. Best wishes always pic.twitter.com/sUNAoTyNa8

— Virender Sehwag (@virendersehwag) June 10, 2019

''ਖਿਡਾਰੀ ਆਉਣਗੇ ਅਤੇ ਜਾਣਗੇ ਪਰ ਯੁਵੀ ਤੁਹਾਡੇ ਵਰਗਾ ਖਿਡਾਰੀ ਸ਼ਾਇਦ ਹੀ ਮਿਲੇ। ਤੁਸੀਂ ਕਈ ਮੁਸ਼ਕਿਲ ਹਾਲਾਤ ਦਾ ਸਾਹਮਣਾ ਕੀਤਾ ਪਰ ਤੁਸੀਂ ਆਪਣੀ ਬੀਮਾਰੀ ਅਤੇ ਗੇਂਦਬਾਜ਼ਾਂ ਨੂੰ ਧੋ ਦਿੱਤਾ ਅਤੇ ਲੋਕਾਂ ਦੇ ਦਿਲਾਂ ਨੂੰ ਜਿੱਤਿਆ। ਤੁਹਾਡਾ ਆਪਣੀ ਬੀਮਾਰੀ ਨਾਲ ਲੜਨਾ ਅਤੇ ਤੁਹਾਡੀ ਇੱਛਾ-ਸ਼ਕਤੀ ਕਈ ਲੋਕਾਂ ਨੂੰ ਉਤਸ਼ਾਹਿਤ ਕਰਦੀ ਹੈ। ਅੱਗੇ ਦੀ ਬਿਹਤਰ ਜ਼ਿੰਦਗੀ ਲਈ ਮੇਰੀਆਂ ਸ਼ੁੱਭ-ਕਾਮਨਾਵਾਂ।''

Dear Yuvraj Singh, you may have retired from the competitive cricket game but you will remain a cricketing icon for every Indian & millions across the globe. What a batsman, bowler & fielder you have been!
We are proud of you👍
I extend my best wishes for your future endeavours! pic.twitter.com/mYc4iUgH21

— Kiren Rijiju (@KirenRijiju) June 10, 2019

ਖੇਡ ਮੰਤਰੀ ਕਿਨੇਰ ਰੀਜੀਜੂ ਨੇ ਸੋਮਵਾਰ ਨੂੰ ਸੰਨਿਆਸ ਦਾ ਐਲਾਨ ਕਰਨ ਵਾਲੇ ਭਾਰਤੀ ਕ੍ਰਿਕਟਰ ਯੁਵਰਾਜ ਸਿੰਘ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਇਹ ਹਰਫਨਮੌਲਾ ਖਿਡਾਰੀ ਹਮੇਸ਼ਾ 'ਕ੍ਰਿਕਟ ਦਾ ਆਇਕਨ' ਬਣਿਆ ਰਹੇਗਾ। ਰੀਜੀਜੂ ਨੇ ਟਵੀਟ ਕੀਤਾ ਕਿ ਪਿਆਰੇ ਯੁਵਰਾਜ ਸਿੰਘ, ਤੁਸੀਂ ਭਾਵੇਂ ਹੀ ਪ੍ਰਤਿਭਾਸ਼ਾਲੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ ਪਰ ਦੁਨੀਆ ਭਰ 'ਚ ਹਰ ਭਾਰਤੀ ਤੇ ਲੱਖਾਂ ਲੋਕਾਂ ਦੇ ਲਈ ਕ੍ਰਿਕਟ ਆਇਕਨ ਬਣੇ ਰਹੋਗੇ। ਤੁਸੀਂ ਸ਼ਾਨਦਾਰ ਬੱਲੇਬਾਜ਼, ਗੇਂਦਬਾਜ਼ ਤੇ ਫੀਲਡਰ ਰਹੇ। ਸਾਨੂੰ ਤੁਹਾਡੇ 'ਤੇ ਮਾਣ ਹੈ। ਮੈਂ ਤੁਹਾਡੇ ਭਵਿੱਖ ਦੇ ਲਈ ਆਪਣੀ ਸ਼ੁੱਭਕਾਮਨਾਵਾਂ ਦਿੰਦਾ ਹਾਂ।