Player of the Tournament ਬਣਿਆ ਸੰਜੂ ਸੈਮਸਨ; ਪਰ ਨਹੀਂ ਮਿਲੇਗਾ ਇਕ ਵੀ ਪੈਸਾ, ਇਹ ਹੈ ਕਾਰਨ

ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਨੇ ਨਿਊਜ਼ੀਲੈਂਡ ਨੂੰ ਇਕਤਰਫ਼ਾ ਅੰਦਾਜ਼ ਵਿੱਚ ਹਰਾ ਕੇ ਤੀਜੀ ਵਾਰ ਟੀ-20 ਵਰਲਡ ਕੱਪ ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ। ਇਸ ਸ਼ਾਨਦਾਰ ਜਿੱਤ ਦੇ ਸੂਤਰਧਾਰ ਸਟਾਰ ਬੱਲੇਬਾਜ਼ ਸੰਜੂ ਸੈਮਸਨ ਰਹੇ, ਜਿਨ੍ਹਾਂ ਨੇ ਪੂਰੇ ਟੂਰਨਾਮੈਂਟ ਵਿੱਚ ਆਪਣੇ ਬੱਲੇ ਨਾਲ ਤਬਾਹੀ ਮਚਾ ਦਿੱਤੀ। ਸੈਮਸਨ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ 'ਪਲੇਅਰ ਆਫ ਦ ਟੂਰਨਾਮੈਂਟ' ਚੁਣਿਆ ਗਿਆ ਹੈ।

5 ਮੈਚਾਂ 'ਚ ਬਣਾਏ 321 ਰਨ, ਤੋੜਿਆ ਕੋਹਲੀ ਦਾ ਰਿਕਾਰਡ 
ਸੰਜੂ ਸੈਮਸਨ ਨੇ ਇਸ ਵਰਲਡ ਕੱਪ ਦੇ ਮਹਿਜ਼ 5 ਮੈਚਾਂ ਵਿੱਚ 80.2 ਦੀ ਬੇਮਿਸਾਲ ਔਸਤ ਅਤੇ 199.37 ਦੇ ਤੂਫਾਨੀ ਸਟ੍ਰਾਈਕ ਰੇਟ ਨਾਲ 321 ਰਨ ਬਣਾਏ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਭਾਰਤ ਲਈ ਇੱਕ ਵਰਲਡ ਕੱਪ ਵਿੱਚ ਸਭ ਤੋਂ ਵੱਧ ਰਨ ਬਣਾਉਣ ਦਾ ਵਿਰਾਟ ਕੋਹਲੀ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਸੈਮਸਨ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਸਭ ਤੋਂ ਵੱਧ 24 ਛੱਕੇ ਜੜੇ ਅਤੇ ਲਗਾਤਾਰ ਤਿੰਨ ਅਰਧ ਸੈਂਕੜੇ ਲਗਾਏ।

ਵਿਸ਼ਵ ਰਿਕਾਰਡ ਵੀ ਕੀਤਾ ਆਪਣੇ ਨਾਮ 
ਸੰਜੂ ਨੇ ਟੂਰਨਾਮੈਂਟ ਵਿੱਚ ਇੱਕ ਅਨੋਖਾ ਵਿਸ਼ਵ ਰਿਕਾਰਡ ਵੀ ਬਣਾਇਆ। ਉਨ੍ਹਾਂ ਨੇ ਚਾਰ ਮੈਚਾਂ ਵਿੱਚ ਪਾਰੀ ਦੇ ਪਹਿਲੇ ਹੀ ਓਵਰ ਵਿੱਚ ਛੱਕਾ ਮਾਰ ਕੇ ਆਪਣਾ ਖਾਤਾ ਖੋਲ੍ਹਿਆ, ਜੋ ਕਿ ਕ੍ਰਿਕਟ ਇਤਿਹਾਸ ਵਿੱਚ ਪਹਿਲੀ ਵਾਰ ਹੋਇਆ ਹੈ।

ਅਹਿਮ ਮੈਚਾਂ ਵਿੱਚ ਦਿਖਾਇਆ ਦਮ
ਵੈਸਟਇੰਡੀਜ਼ ਵਿਰੁੱਧ: ਨਾਬਾਦ 97 ਰਨ ਬਣਾ ਕੇ ਟੀਮ ਨੂੰ ਸੈਮੀਫਾਈਨਲ ਵਿੱਚ ਪਹੁੰਚਾਇਆ।
ਸੈਮੀਫਾਈਨਲ (ਇੰਗਲੈਂਡ ਵਿਰੁੱਧ): 89 ਰਨਾਂ ਦੀ ਸ਼ਾਨਦਾਰ ਪਾਰੀ ਖੇਡ ਕੇ ਜਿੱਤ ਦਿਵਾਈ।
ਫਾਈਨਲ (ਨਿਊਜ਼ੀਲੈਂਡ ਵਿਰੁੱਧ): ਖਿਤਾਬੀ ਮੁਕਾਬਲੇ ਵਿੱਚ ਵੀ 89 ਰਨ ਬਣਾ ਕੇ ਟੀਮ ਇੰਡੀਆ ਨੂੰ ਚੈਂਪੀਅਨ ਬਣਾਇਆ।

ਸਨਮਾਨ ਮਿਲਿਆ ਪਰ ਪੈਸਾ ਨਹੀਂ 
ਹਾਲਾਂਕਿ ਸੰਜੂ ਸੈਮਸਨ 'ਪਲੇਅਰ ਆਫ ਦ ਟੂਰਨਾਮੈਂਟ' ਬਣੇ, ਪਰ ਉਨ੍ਹਾਂ ਨੂੰ ਇਸ ਲਈ ਆਈ.ਸੀ.ਸੀ. (ICC) ਵੱਲੋਂ ਕੋਈ ਨਕਦ ਰਾਸ਼ੀ ਨਹੀਂ ਮਿਲੀ। ਨਿਯਮਾਂ ਅਨੁਸਾਰ, ਆਈ.ਸੀ.ਸੀ. ਇਸ ਐਵਾਰਡ ਲਈ ਸਿਰਫ ਟਰਾਫੀ ਦਿੰਦੀ ਹੈ, ਕੋਈ ਪੈਸਾ ਨਹੀਂ।

'ਮੇਰਾ ਸੁਪਨਾ ਪੂਰਾ ਹੋਇਆ' - ਸੰਜੂ ਸੈਮਸਨ 
ਇਸ ਇਤਿਹਾਸਕ ਜਿੱਤ ਤੋਂ ਬਾਅਦ ਭਾਵੁਕ ਹੋਏ ਸੰਜੂ ਸੈਮਸਨ ਨੇ ਕਿਹਾ ਕਿ ਉਨ੍ਹਾਂ ਦਾ ਸੁਪਨਾ ਪੂਰਾ ਹੋ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਨਿਊਜ਼ੀਲੈਂਡ ਸੀਰੀਜ਼ ਤੋਂ ਬਾਅਦ ਖਰਾਬ ਫਾਰਮ ਕਾਰਨ ਉਹ ਕਾਫੀ ਨਿਰਾਸ਼ ਸਨ ਅਤੇ ਉਨ੍ਹਾਂ ਨੂੰ ਲੱਗਦਾ ਸੀ ਕਿ ਸ਼ਾਇਦ ਸੁਪਨਾ ਪੂਰਾ ਨਹੀਂ ਹੋਵੇਗਾ, ਪਰ ਵਰਲਡ ਕੱਪ ਵਿੱਚ ਮਿਲੇ ਮੌਕੇ ਨੇ ਸਭ ਕੁਝ ਬਦਲ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e