ਕੋਹਲੀ ਦੇ ਇਕ Like ਨੇ ਰਾਤੋ-ਰਾਤ ਸਟਾਰ ਬਣਾ'ਤੀ ਜਰਮਨ ਮਾਡਲ ! ਜਾਣੋ ਕੌਣ ਹੈ ਇਹ ਹਸੀਨਾ
Sunday, Apr 19, 2026 - 01:11 PM (IST)
ਸਪੋਰਟਸ ਡੈਸਕ : ਭਾਰਤੀ ਕ੍ਰਿਕਟ ਦੇ ਸਟਾਰ ਖਿਡਾਰੀ ਵਿਰਾਟ ਕੋਹਲੀ ਇੱਕ ਵਾਰ ਫਿਰ ਆਪਣੀ ਸੋਸ਼ਲ ਮੀਡੀਆ ਗਤੀਵਿਧੀ ਕਾਰਨ ਸੁਰਖੀਆਂ ਵਿੱਚ ਹਨ। ਦਰਅਸਲ, ਪ੍ਰਸ਼ੰਸਕਾਂ ਨੇ ਨੋਟਿਸ ਕੀਤਾ ਕਿ ਵਿਰਾਟ ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ਤੋਂ ਜਰਮਨ ਇੰਫਲੂਐਂਸਰ LizLaz ਦੀ ਇੱਕ ਫੋਟੋ ਨੂੰ ਲਾਇਕ ਕੀਤਾ ਗਿਆ ਸੀ। ਦੇਖਦੇ ਹੀ ਦੇਖਦੇ ਇਸ ਦੇ ਸਕ੍ਰੀਨਸ਼ਾਟ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਏ।
ਜਰਮਨ ਮਾਡਲ LizLaz ਦੀ ਪ੍ਰਤੀਕਿਰਿਆ
ਜਦੋਂ ਇਹ ਖ਼ਬਰ LizLaz ਤੱਕ ਪਹੁੰਚੀ, ਤਾਂ ਉਸਨੇ ਖੁਦ ਸਾਹਮਣੇ ਆ ਕੇ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ। ਇੱਕ ਅੰਗਰੇਜ਼ੀ ਅਖ਼ਬਾਰ ਨਾਲ ਗੱਲਬਾਤ ਕਰਦਿਆਂ ਉਸਨੇ ਕਿਹਾ, "ਸੱਚ ਕਹਾਂ ਤਾਂ ਮੈਨੂੰ ਉਨ੍ਹਾਂ ਲਈ ਥੋੜ੍ਹਾ ਦੁੱਖ ਹੋਇਆ। ਮੈਨੂੰ ਬਹੁਤ ਖੁਸ਼ੀ ਹੋਈ ਕਿ ਉਨ੍ਹਾਂ ਨੇ ਮੇਰੀ ਪੋਸਟ ਨੂੰ ਲਾਇਕ ਕੀਤਾ, ਪਰ ਫਿਰ ਜਦੋਂ ਉਨ੍ਹਾਂ ਨੇ ਇਸਨੂੰ ਅਨਲਾਇਕ (unlike) ਕਰ ਦਿੱਤਾ, ਤਾਂ ਮੈਨੂੰ ਥੋੜ੍ਹਾ ਬੁਰਾ ਲੱਗਾ"। ਉਸਨੇ ਅੱਗੇ ਕਿਹਾ ਕਿ ਉਸਨੂੰ ਸਮਝ ਨਹੀਂ ਆਇਆ ਕਿ ਇਹ ਇੰਨੀ ਵੱਡੀ ਖ਼ਬਰ ਕਿਵੇਂ ਬਣ ਗਈ, ਜਦੋਂ ਕਿ ਸ਼ਾਇਦ ਵਿਰਾਟ ਦਾ ਅਜਿਹਾ ਕੋਈ ਇਰਾਦਾ ਨਹੀਂ ਸੀ। ਫਿਰ ਵੀ, ਉਸਨੇ ਵਿਰਾਟ ਦੇ ਸਮਰਥਨ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ।
RCB ਨਾਲ ਹੈ ਖਾਸ ਕਨੈਕਸ਼ਨ
ਵਿਰਾਟ ਨਾਲ ਇਸ ਕਨੈਕਸ਼ਨ ਦੇ ਵਿਚਕਾਰ LizLaz ਦਾ ਇੱਕ ਪੁਰਾਣਾ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਆਰ.ਸੀ.ਬੀ. (RCB) ਨੂੰ ਸਪੋਰਟ ਕਰਦੀ ਦਿਖਾਈ ਦੇ ਰਹੀ ਹੈ। ਉਸਨੇ ਦੱਸਿਆ ਕਿ ਪਿਛਲੇ ਸਾਲ ਆਈ.ਪੀ.ਐੱਲ. ਦੌਰਾਨ ਬੈਂਗਲੁਰੂ ਦੇ ਦੋਸਤਾਂ ਨਾਲ ਮੈਚ ਦੇਖਦੇ ਹੋਏ ਉਹ ਆਰ.ਸੀ.ਬੀ. ਦੀ ਪ੍ਰਸ਼ੰਸਕ ਬਣ ਗਈ ਸੀ ਅਤੇ ਵਿਰਾਟ ਕੋਹਲੀ ਉਸਦਾ ਪਸੰਦੀਦਾ ਖਿਡਾਰੀ ਹੈ।
ਪਹਿਲਾਂ ਵੀ ਚਰਚਾ 'ਚ ਰਿਹਾ ਹੈ ਅਜਿਹਾ 'ਲਾਇਕ'
ਵਿਰਾਟ ਕੋਹਲੀ ਨਾਲ ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ ਹੈ। ਇਸ ਤੋਂ ਪਹਿਲਾਂ 2025 ਵਿੱਚ ਵੀ ਇੰਫਲੂਐਂਸਰ ਅਵਨੀਤ ਕੌਰ ਦੀ ਫੋਟੋ ਲਾਇਕ ਹੋਣ 'ਤੇ ਕਾਫੀ ਹੰਗਾਮਾ ਹੋਇਆ ਸੀ। ਉਸ ਸਮੇਂ ਵਿਰਾਟ ਨੇ ਸਪੱਸ਼ਟ ਕੀਤਾ ਸੀ ਕਿ ਫੀਡ ਕਲੀਅਰ ਕਰਦੇ ਸਮੇਂ 'ਐਲਗੋਰਿਦਮ' (algorithm) ਦੀ ਗਲਤੀ ਕਾਰਨ ਅਜਿਹਾ ਹੋ ਗਿਆ ਸੀ ਅਤੇ ਉਨ੍ਹਾਂ ਦਾ ਕੋਈ ਗਲਤ ਇਰਾਦਾ ਨਹੀਂ ਸੀ।
ਵਿਰਾਟ ਕੋਹਲੀ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਹ ਇੱਕ ਪੂਰੀ ਤਰ੍ਹਾਂ ਫੈਮਲੀ ਮੈਨ ਹਨ। ਉਨ੍ਹਾਂ ਨੇ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨਾਲ ਵਿਆਹ ਕੀਤਾ ਹੈ ਅਤੇ ਉਨ੍ਹਾਂ ਦੇ ਦੋ ਬੱਚੇ, ਵਾਮਿਕਾ ਅਤੇ ਅਕਾਏ ਹਨ।
