T20 WC, IND vs NED : ਸੁਪਰ-8 ਤੋਂ ਪਹਿਲਾਂ ਨੀਦਰਲੈਂਡ ਨਾਲ ਭਿੜੇਗਾ ਭਾਰਤ, ਜਾਣੋ ਪੂਰੀ ਡਿਟੇਲ

ਅਹਿਮਦਾਬਾਦ : ਟੀ-20 ਵਿਸ਼ਵ ਕੱਪ 2026 ਵਿੱਚ ਭਾਰਤੀ ਟੀਮ ਅੱਜ ਗਰੁੱਪ ਪੜਾਅ ਦਾ ਆਪਣਾ ਆਖਰੀ ਮੁਕਾਬਲਾ ਨੀਦਰਲੈਂਡ ਵਿਰੁੱਧ ਖੇਡੇਗੀ। ਇਹ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਸ਼ਾਮ 7:00 ਵਜੇ ਸ਼ੁਰੂ ਹੋਵੇਗਾ। ਕਪਤਾਨ ਸੂਰਿਆਕੁਮਾਰ ਯਾਦਵ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਪਹਿਲਾਂ ਹੀ ਸੁਪਰ-8 ਵਿੱਚ ਪ੍ਰਵੇਸ਼ ਕਰ ਚੁੱਕੀ ਹੈ, ਪਰ ਟੀਮ ਇਸ ਮੈਚ ਨੂੰ ਜਿੱਤ ਕੇ ਗਰੁੱਪ ਪੜਾਅ ਵਿੱਚ ਆਪਣੇ ਅਜਿੱਤ ਰਹਿਣ ਦੇ ਸਿਲਸਿਲੇ ਨੂੰ ਬਰਕਰਾਰ ਰੱਖਣਾ ਚਾਹੇਗੀ।

ਅੰਕੜਿਆਂ ਵਿੱਚ ਭਾਰਤ ਦਾ ਦਬਦਬਾ 
ਭਾਰਤ ਅਤੇ ਨੀਦਰਲੈਂਡਜ਼ ਵਿਚਾਲੇ ਹੁਣ ਤੱਕ ਸਿਰਫ਼ ਇੱਕ ਟੀ-20 ਅੰਤਰਰਾਸ਼ਟਰੀ ਮੁਕਾਬਲਾ ਖੇਡਿਆ ਗਿਆ ਹੈ। ਸਾਲ 2022 ਦੇ ਟੀ-20 ਵਿਸ਼ਵ ਕੱਪ ਵਿੱਚ ਹੋਏ ਇਸ ਮੈਚ ਵਿੱਚ ਭਾਰਤ ਨੇ ਨੀਦਰਲੈਂਡਜ਼ ਨੂੰ 56 ਦੌੜਾਂ ਨਾਲ ਹਰਾਇਆ ਸੀ। 

ਪਿੱਚ ਅਤੇ ਮੌਸਮ ਦਾ ਹਾਲ 
ਅਹਿਮਦਾਬਾਦ ਦੇ ਸਟੇਡੀਅਮ ਦੀ ਪਿੱਚ ਬੱਲੇਬਾਜ਼ਾਂ ਲਈ ਕਾਫੀ ਅਨੁਕੂਲ ਮੰਨੀ ਜਾਂਦੀ ਹੈ, ਜਿੱਥੇ ਰਾਤ ਦੇ ਮੈਚਾਂ ਵਿੱਚ ਔਸਤ ਸਕੋਰ 180-200+ ਦੇ ਵਿਚਕਾਰ ਰਹਿੰਦਾ ਹੈ। ਤੇਜ਼ ਗੇਂਦਬਾਜ਼ਾਂ ਨੂੰ ਸ਼ੁਰੂਆਤੀ ਉਛਾਲ ਮਿਲ ਸਕਦਾ ਹੈ, ਜਦਕਿ ਦੂਜੀ ਪਾਰੀ ਵਿੱਚ ਓਸ (Dew) ਅਹਿਮ ਭੂਮਿਕਾ ਨਿਭਾ ਸਕਦੀ ਹੈ। ਮੌਸਮ ਬਿਲਕੁਲ ਸਾਫ਼ ਰਹੇਗਾ ਅਤੇ ਤਾਪਮਾਨ 23°C ਤੋਂ 29°C ਦੇ ਵਿਚਕਾਰ ਰਹਿਣ ਦੀ ਉਮੀਦ ਹੈ।

ਭਾਰਤ ਦੀ ਸੰਭਾਵਿਤ ਪਲੇਇੰਗ 11
ਸੂਰਿਆਕੁਮਾਰ ਯਾਦਵ (ਕਪਤਾਨ), ਅਭਿਸ਼ੇਕ ਸ਼ਰਮਾ, ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਤਿਲਕ ਵਰਮਾ, ਹਾਰਦਿਕ ਪੰਡਯਾ, ਸ਼ਿਵਮ ਦੁਬੇ, ਰਿੰਕੂ ਸਿੰਘ, ਅਕਸ਼ਰ ਪਟੇਲ, ਮੁਹੰਮਦ ਸਿਰਾਜ, ਵਰੁਣ ਚੱਕਰਵਰਤੀ ਅਤੇ ਅਰਸ਼ਦੀਪ ਸਿੰਘ।

ਨੀਦਰਲੈਂਡ ਦੀ ਸੰਭਾਵਿਤ ਪਲੇਇੰਗ 11 
ਮਾਈਕਲ ਲੇਵਿਟ, ਮੈਕਸ ਓ’ਡਾਊਡ, ਬਾਸ ਡੀ ਲੀਡੇ, ਕੌਲਿਨ ਐਕਰਮੈਨ, ਸਕੌਟ ਐਡਵਰਡਸ (ਕਪਤਾਨ ਅਤੇ ਵਿਕਟਕੀਪਰ), ਲੌਗਨ ਵੈਨ ਬੀਕ, ਆਰੀਅਨ ਦੱਤ, ਰੋਏਲੋਫ ਵੈਨ ਡੇਰ ਮਰਵੇ, ਕਾਇਲ ਕਲਾਈਨ, ਪਾਲ ਵੈਨ ਮੀਕੇਰੇਨ ਅਤੇ ਸਾਕਿਬ ਜ਼ੁਲਫਿਕਾਰ।

ਕਿੱਥੇ ਦੇਖ ਸਕਦੇ ਹੋ ਲਾਈਵ? 
ਪ੍ਰਸ਼ੰਸਕ ਇਸ ਮੈਚ ਦਾ ਲਾਈਵ ਪ੍ਰਸਾਰਣ Star Sports Network ਅਤੇ DD Sports 'ਤੇ ਦੇਖ ਸਕਦੇ ਹਨ। ਇਸ ਤੋਂ ਇਲਾਵਾ JioHotstar ਐਪ ਅਤੇ ਵੈੱਬਸਾਈਟ 'ਤੇ ਲਾਈਵ ਸਟ੍ਰੀਮਿੰਗ ਦਾ ਆਨੰਦ ਮਾਣਿਆ ਜਾ ਸਕਦਾ ਹੈ।