ਬੀਬੀਆਂ ਦਾ ਟੀ-20 ਚੈਲੰਜ : ਸੁਪਰਨੋਵਸ ਨੇ ਟ੍ਰੇਲਬਲੇਜ਼ਰਸ ਨੂੰ 2 ਦੌੜਾਂ ਨਾਲ ਹਰਾਇਆ

ਸ਼ਾਰਜਾਹ : ਬੀਬੀਆਂ ਦਾ ਟੀ-20 ਚੈਲੰਜ 2020 ਦਾ ਤੀਜਾ ਮੈਚ ਅੱਜ ਸੁਪਰਨੋਵਸ ਅਤੇ ਟ੍ਰੇਲਬਲੇਜ਼ਰਸ ਵਿਚਾਲੇ ਸ਼ਾਰਜਾਹ ਦੇ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਗਿਆ। ਇਸ ਦੌਰਾਨ ਸੁਪਰਨੋਵਸ ਨੇ ਟ੍ਰੇਲਬਲੇਜ਼ਰਸ ਨੂੰ 2 ਦੌੜਾਂ ਨਾਲ ਹਰਾ ਸ਼ਾਨਦਾਰ ਜਿੱਤ ਹਾਸਲ ਕੀਤੀ। ਇਸ ਤੋਂ ਪਹਿਲਾਂ ਸੁਪਰਨੋਵਸ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸੁਪਰਨੋਵਸ ਨੇ ਟਰੇਲਬਲੇਜ਼ਰਸ ਸਾਹਮਣੇ 146 ਦੌੜਾਂ ਦਾ ਟੀਚਾ ਰੱਖ ਦਿੱਤਾ ਸੀ।

ਮੈਦਾਨ 'ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਸੁਪਰਨੋਵਸ ਦੀ ਟੀਮ ਵਲੋਂ ਓਪਨਿੰਗ 'ਤੇ ਪ੍ਰਿਆ ਪੁਨੀਆ ਤੇ ਚਾਮਰੀ ਅਥਪਾਥਥੁ ਆਈਆਂ। ਪ੍ਰਿਆ ਨੇ 37 ਗੇਂਦਾਂ 'ਚ 30 ਦੌੜਾਂ ਬਣਾਈਆਂ ਅਤੇ ਸਲਮਾ ਦੀ ਗੇਂਦ 'ਤੇ ਦੀਪਤੀ ਸ਼ਰਮਾ ਦੇ ਹੱਥਾਂ 'ਚ ਕੈਚ ਫੜਾ ਕੇ ਆਊਟ ਹੋ ਗਈ। ਚਾਮਰੀ ਨੇ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਟੀਮ ਦੇ ਸਕੋਰ ਨੂੰ ਵਧਾਉਣ ਲਈ 48 ਗੇਂਦਾਂ 'ਚ 67 ਦੌੜਾਂ ਬਣਾਈਆਂ ਪਰ ਬਾਅਦ 'ਚ ਹਰਲੀਨ ਦਿਓਲ ਦੀ ਗੇਂਦ 'ਤੇ ਹੇਮਲਥਾ ਦੇ ਹੱਥਾਂ 'ਚ ਕੈਚ ਆਊਟ ਹੋ ਗਈ। ਉਥੇ ਹੀ ਜੇਮੀਮਾਹ ਰੋਡਰਿਗਜ਼ ਕੁੱਝ ਖਾਸ ਨਹੀਂ ਕਰ ਸਕੀ ਅਤੇ ਇਕ ਦੌੜ ਬਣਾ ਕੇ ਹੀ ਆਊਟ ਹੋ ਗਈ।ਇਸ ਤੋਂ ਬਾਅਦ ਸੁਪਰਨੋਵਸ ਦੀ ਕੈਪਟਨ ਹਰਮਨਪ੍ਰੀਤ ਤੇ ਸ਼ਸ਼ੀਕਲਾ ਸੀਰੀਵਾਰਦੇਨੇ ਨੇ ਵਧੀਆਂ ਬੱਲੇਬਾਜ਼ੀ ਕਰਦੇ ਹੋਏ ਟਰੇਲਬਲੇਜ਼ਰਸ ਸਾਹਮਣੇ 146 ਦੌੜਾਂ ਦਾ ਟੀਚਾ ਰੱਖ ਦਿੱਤਾ ਹੈ।

ਟੀਮਾਂ ਇਸ ਪ੍ਰਕਾਰ ਹਨ:
ਟ੍ਰੇਲਬਲੇਜ਼ਰਸ : ਸਮ੍ਰਿਤੀ ਮੰਧਾਨਾ (ਕਪਤਾਨ), ਦੀਪਤੀ ਸ਼ਰਮਾ (ਉਪ ਕਪਤਾਨ), ਪੂਨਮ ਰਾਊਤ, ਰਿਚਾ ਘੋਸ਼, ਡੀ. ਹੇਮਲਤਾ, ਨੁਜਹਤ ਪਰਵੀਨ (ਵਿਕਟਕੀਪਰ), ਰਾਜੇਸ਼ਵਰੀ ਗਾਇਕਵਾੜ, ਹਰਲੀਨ ਦਿਓਲ, ਝੂਲਨ ਗੋਸਵਾਮੀ, ਸਿਮਰਨ ਦਿਲ ਬਹਾਦੁਰ, ਸਲਮਾ ਖਾਤੂਨ, ਸੋਫੀ ਐਕਲਸਟੋਨ, ਨਥਾਕਨ ਚਾਂਥਮ, ਡਿਆਂਡਰੂ ਡੌਟਿਨ ਤੇ ਕਾਸ਼ਵੀ ਗੌਤਮ।

ਸੁਪਰਨੋਵਸ : ਹਰਮਨਪ੍ਰੀਤ ਕੌਰ (ਕਪਤਾਨ), ਜੇਮਿਮਾ ਰੋਡ੍ਰਿਗਜ਼ (ਉਪ ਕਪਤਾਨ), ਚਾਮਰੀ ਅਟਾਪੱਟੂ, ਪ੍ਰਿਯਾ ਪੂਨੀਆ, ਅਨੁਜਾ ਪਾਟਿਲ, ਰਾਧਾ ਯਾਦਵ, ਤਾਨੀਆ ਭਾਟੀਆ (ਵਿਕਟਕੀਪਰ), ਸ਼ਸ਼ੀਕਲਾ ਸ੍ਰੀਵਰਧਨੇ, ਪੂਨਮ ਯਾਦਵ, ਸ਼ਕੀਰਾ ਸੇਲਮਨ, ਅਰੁੰਧਤੀ ਰੈੱਡੀ, ਪੂਜਾ ਵਸਤਰਕਰ, ਆਯੁਸ਼ੀ ਸੋਨੀ, ਅਯਾਬੇਂਗਾ ਖਾਕਾ ਤੇ ਮੁਸਕਾਨ ਮਲਿਕ।