IPL ਨਿਲਾਮੀ ਵਿੱਚ RCB ਵਲੋਂ ਚੁਣੇ ਜਾਣ ਤੋਂ ਪਹਿਲਾਂ ਕ੍ਰਿਕਟ ਛੱਡਣ ਦੀ ਯੋਜਨਾ ਬਣਾ ਰਹੇ ਸਨ ਸਵਪਨਿਲ
05/20/2024 5:38:29 PM
![](https://static.jagbani.com/multimedia/2024_5image_17_32_418422337swapnil.jpg)
ਬੈਂਗਲੁਰੂ— ਖੱਬੇ ਹੱਥ ਦੇ ਸਪਿਨਰ ਸਵਪਨਿਲ ਸਿੰਘ ਪਿਛਲੀ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੀ ਨਿਲਾਮੀ ਦੇ ਸ਼ੁਰੂਆਤੀ ਦੌਰ 'ਚ ਆਪਣੇ ਨਾਂ 'ਤੇ ਬੋਲੀ ਨਹੀਂ ਲੱਗਣ ਦੇ ਬਾਅਦ ਖੇਡ ਨੂੰ ਅਲਵਿਦਾ ਕਹਿਣ ਦੀ ਯੋਜਨਾ ਬਣਾ ਰਿਹਾ ਸੀ ਪਰ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਨੇ ਉਸ ਨੂੰ ਟੀਮ 'ਚ ਸ਼ਾਮਲ ਕਰ ਲਿਆ ਹੈ।
ਖੱਬੇ ਹੱਥ ਦੀ ਸਪਿਨ ਗੇਂਦਬਾਜ਼ੀ ਦੇ ਨਾਲ-ਨਾਲ ਸਵਪਨਿਲ ਬੱਲੇ ਨਾਲ ਯੋਗਦਾਨ ਦੇਣ ਦੀ ਸਮਰੱਥਾ ਰੱਖਦਾ ਹੈ। ਆਪਣੇ 18 ਸਾਲਾਂ ਦੇ ਲੰਬੇ ਘਰੇਲੂ ਕ੍ਰਿਕਟ ਕਰੀਅਰ ਵਿੱਚ, ਉਸਨੇ ਬੜੌਦਾ ਅਤੇ ਉੱਤਰਾਖੰਡ ਦੀਆਂ ਟੀਮਾਂ ਦੀ ਪ੍ਰਤੀਨਿਧਤਾ ਕੀਤੀ ਹੈ। ਆਈਪੀਐਲ ਵਿੱਚ, ਆਰਸੀਬੀ ਤੋਂ ਪਹਿਲਾਂ, ਉਹ ਕਿੰਗਜ਼ ਇਲੈਵਨ ਪੰਜਾਬ (ਹੁਣ ਪੰਜਾਬ ਕਿੰਗਜ਼) ਅਤੇ ਲਖਨਊ ਸੁਪਰਜਾਇੰਟਸ ਦਾ ਹਿੱਸਾ ਸੀ।
ਸਵਪਨਿਲ ਨੇ ਕਿਹਾ, 'ਆਈਪੀਐਲ ਨਿਲਾਮੀ ਵਾਲੇ ਦਿਨ ਮੈਂ ਮੈਚ ਲਈ ਧਰਮਸ਼ਾਲਾ ਜਾ ਰਿਹਾ ਸੀ। ਜਦੋਂ ਮੈਂ ਉੱਥੇ ਪਹੁੰਚਿਆ ਤਾਂ ਸ਼ਾਮ ਦੇ ਸੱਤ-ਅੱਠ ਵੱਜ ਚੁੱਕੇ ਸਨ। ਉਦੋਂ ਤੱਕ ਕੁਝ ਨਹੀਂ ਹੋਇਆ ਸੀ ਅਤੇ ਨਿਲਾਮੀ ਦਾ ਆਖਰੀ ਦੌਰ ਚੱਲ ਰਿਹਾ ਸੀ, ਮੈਨੂੰ ਲੱਗਾ ਕਿ ਮੇਰੇ ਲਈ ਚੀਜ਼ਾਂ ਖਤਮ ਹੋ ਗਈਆਂ ਹਨ। ਉਸ ਨੇ ਕਿਹਾ, 'ਮੈਂ ਸੋਚਿਆ ਸੀ ਕਿ ਮੈਂ ਮੌਜੂਦਾ (ਘਰੇਲੂ) ਸੀਜ਼ਨ 'ਚ ਖੇਡਾਂਗਾ ਅਤੇ ਜੇਕਰ ਲੋੜ ਪਈ ਤਾਂ ਅਗਲੇ ਸੀਜ਼ਨ 'ਚ ਖੇਡ ਕੇ ਆਪਣਾ ਕਰੀਅਰ ਖਤਮ ਕਰ ਲਵਾਂਗਾ ਕਿਉਂਕਿ ਮੈਂ ਆਪਣੀ ਬਾਕੀ ਦੀ ਜ਼ਿੰਦਗੀ ਨਹੀਂ ਖੇਡਣਾ ਚਾਹੁੰਦਾ ਸੀ।' ਸਵਪਨਿਲ ਨੇ ਕਿਹਾ, 'ਜ਼ਿੰਦਗੀ ਵਿੱਚ ਚੰਗਾ ਕਰਨ ਲਈ ਹੋਰ ਵੀ ਚੀਜ਼ਾਂ ਹਨ। ਮੈਂ ਬਹੁਤ ਨਿਰਾਸ਼ ਸੀ।'
2006 'ਚ ਪਹਿਲੀ ਸ਼੍ਰੇਣੀ ਕ੍ਰਿਕਟ 'ਚ ਡੈਬਿਊ ਕਰਨ ਵਾਲੇ 33 ਸਾਲਾ ਸਵਪਨਿਲ ਨੂੰ ਆਰਸੀਬੀ ਨੇ 20 ਲੱਖ ਰੁਪਏ ਦੀ ਬੋਲੀ ਲਗਾ ਕੇ ਟੀਮ 'ਚ ਸ਼ਾਮਲ ਕੀਤਾ ਸੀ। ਸਵਪਨਿਲ ਨੇ ਕਿਹਾ ਕਿ ਆਰਸੀਬੀ ਲਈ ਚੁਣਿਆ ਜਾਣਾ ਉਨ੍ਹਾਂ ਦੇ ਪੂਰੇ ਪਰਿਵਾਰ ਲਈ ਭਾਵੁਕ ਪਲ ਸੀ। ਉਸ ਨੇ ਕਿਹਾ, 'ਜਿਵੇਂ ਹੀ ਮੇਰੇ ਪਰਿਵਾਰ ਨੇ ਫੋਨ ਕੀਤਾ, ਅਸੀਂ ਆਪਣੀਆਂ ਭਾਵਨਾਵਾਂ 'ਤੇ ਕਾਬੂ ਨਹੀਂ ਰੱਖ ਸਕੇ ਕਿਉਂਕਿ ਕੋਈ ਹੋਰ ਨਹੀਂ ਸਮਝ ਸਕਦਾ ਸੀ ਕਿ ਸਾਡਾ ਸਫ਼ਰ ਕਿੰਨਾ ਭਾਵੁਕ ਰਿਹਾ ਹੈ।'